th/00101/ theragāthā
th/00103/ namo tassa bhagavato arahato sammāsambuddhassa
th/00104/ sīhānaṃ va nadantānaṃ dāṭhīnaṃ girigabbhare
th/00105/ suṇātha bhāvitattānaṃ gāthā attupanāyikā
th/00106/ yathānāmā yathāgottā yathādhammavihārino
th/00107/ yathādhimuttā sappaññā vihariṃsu atanditā
th/00108/ tattha tattha vipassitvā phusitvā accutaṃ padaṃ
th/00109/ katantaṃ paccavekkhantā imaṃ atthaṃ abhāsisuṃ
th/00110/ ekanipāto
th/00111/ channā me kuṭikā sukhā nivātā/ vassa deva yathāsukhaṃ
th/00112/ cittaṃ me susamāhitaṃ vimuttaṃ/ ātāpī viharāmi/ vassa
th/00113/ devāti
th/00114/ itthaṃ sudaṃ āyasmā subhūti thero gātham abhāsitthāti
th/00116/ upasanto uparato mantabhāṇī anuddhato
th/00117/ dhunāti pāpake dhamme dumapattaṃ va mālutoti
th/00118/ itthaṃ sudaṃ āyasmā mahākoṭṭhikathero gātham
th/00119/ abhāsittha
th/00201/ paññaṃ imaṃ passa tathāgatānaṃ/ aggi yathā pajjalito
th/00202/ nisīthe
th/00203/ ālokadā cakkhudadā bhavanti ye āgatānaṃ vinayanti
th/00204/ kaṅkhan ti
th/00205/ itthaṃ sudaṃ āyasmā kaṅkhārevato thero gātham
th/00206/ abhāsittha
th/00207/ sabbhir eva samāsetha paṇḍitehatthadassibhi
th/00208/ atthaṃ mahantaṃ gambhīraṃ duddasaṃ nipuṇaṃ aṇuṃ
th/00209/ dhīrā samadhigacchanti appamattā vicakkhaṇāti
th/00210/ i/ s/ āyasmā puṇṇo mantāniputto thero ga
th/00211/ yo duddamayo damena danto dabbo santusito vitiṇṇakaṅkho
th/00212/ vijitāvi apetabheravo hi dabbo so parinibbuto ṭhitattoti
th/00213/ i/ s/ āyasmā dabbo thero ga
th/00214/ yo sītavanaṃ upāgā bhikkhu eko santusito samāhitatto
th/00215/ vijitāvi apetalomahaṃso rakkhaṃ kāyagatāsatiṃ dhitīmāti
th/00217/ i/ s/ āyasmā sītavaniyo thero
th/00218/ yo pānudi maccurājassa senaṃ naḷasetuṃ va sudubbalaṃ
th/00219/ mahogho
th/00220/ vijitāvi apetabheravo hi danto so parinibbuto ṭhitattoti
th/00221/ i/ s/ āyasmā bhalliyo thero
th/00222/ yo duddamayo damena danto vīro santusito vitiṇṇakaṅkho
th/00223/ vijitāvi apetalomahaṃso vīro so parinibbuto ṭhitattoti
th/00224/ vīro thero
th/00225/ svāgataṃ nāpagataṃ na yidaṃ dummantitaṃ mama
th/00226/ saṃvibhattesu dhammesu yaṃ seṭṭhaṃ tad upāgamin ti
th/00227/ pilindavacchathero
th/00301/ vihari apekkhaṃ idha vā huraṃ vā yo vedagū samito
th/00302/ yatatto
th/00303/ sabbesu dhammesu anupalitto lokassa jaññā udayabbayañ
th/00304/ cāti
th/00305/ uṇṇamāsathero
th/00306/ vaggo paṭhamo/ uddānaṃ
th/00307/ subhūti koṭṭhiko thero kaṅkhārevatasubbato
th/00308/ mantāniputto dabbo ca sītavaniyo ca bhalliyo
th/00309/ vīro pilindavaccho ca puṇṇamāso tamonudoti/ u
th/00311/ pāmujjabahulo bhikkhu dhamme buddhappavedite
th/00312/ adhigacche padaṃ santaṃ saṃkhārūpasamaṃ sukhan ti
th/00313/ cūlagavaccho thero
th/00314/ paññābalī sīlavatūpapanno samāhito jhānarato satīmā
th/00315/ yadatthiyaṃ bhojanaṃ bhuñjamāno kaṅkheta kālaṃ idha
th/00316/ vītarāgoti
th/00317/ mahāgavaccho thero
th/00318/ nīlabbhavaṇṇā rucirā sītavārī sucindharā
th/00319/ indagopakasañchannā te selā ramayanti man ti
th/00320/ vanavacchatthero
th/00321/ upajjhāyo maṃ avacāsi ito gacchāmi sīvaka
th/00322/ gāme me vasati kāyo araññaṃ me gato mano
th/00323/ semānako pi gacchāmi/ natthi saṅgo vijānatan ti
th/00324/ vanavacchassa therassa sāmaṇero
th/00325/ pañca chinde pañca jahe pañca cuttari bhāvaye
th/00326/ pañcasaṅgātigo bhikkhu oghatiṇṇoti vuccatīti
th/00327/ kuṇḍadhāno thero
th/00328/ yathāpi bhaddo ājañño naṅgalāvattanī sikhī
th/00329/ gacchati appakasirena/ evaṃ rattindivā mama
th/00330/ gacchanti appakasirena sukhe laddhe nirāmiseti
th/00331/ belaṭṭhasīso thero
th/00401/ middhī yadā hoti mahagghaso ca niddāyitā samparivattasāyī
th/00402/ mahāvarāho va nivāpapuṭṭho punappunaṃ gabbham upeti
th/00403/ mandoti
th/00404/ dāsako thero
th/00405/ ahū buddhassa dāyādo bhikkhu bhesakaḷāvane
th/00406/ kevalaṃ aṭṭhisaññāya aphari paṭhaviṃ imaṃ
th/00407/ maññehaṃ kāmarāgaṃ so khippam eva pahīyatīti
th/00408/ siṅgālapitā thero
th/00409/ udakaṃ hi nayanti nettikā/ usukārā namayanti tejanaṃ
th/00410/ dāruṃ namayanti tacchakā/ attānaṃ damayanti subbatāti
th/00411/ kuḷo thero
th/00412/ maraṇe me bhayaṃ natthi/ nikantī natthi jīvite
th/00413/ sandehaṃ nikkhipissāmi sampajāno patissatoti
th/00414/ ajito thero
th/00415/ vaggo dutiyo/ uddānaṃ
th/00416/ cūlavaccho mahāvaccho vanavaccho ca sīvako
th/00417/ kuṇḍadhāno ca belaṭṭhi dāsako ca tato paraṃ
th/00418/ siṅgālapitiko thero kuḷo ca ajito dasāti/ u
th/00420/ nāhaṃ bhayassa bhāyāmi/ satthā no amatassa kovido
th/00421/ yattha bhayaṃ nāvatiṭṭhati tena maggena vajanti bhikkhavoti
th/00423/ nigrodho thero
th/00424/ nīlā sugīvā sikhino morā kāraṃviyaṃ abhinadanti
th/00425/ te sītavātakalitā suttaṃ jhāyaṃ nibodhentīti
th/00426/ cittako thero
th/00501/ ahaṃ kho veḷugumbasmiṃ bhutvāna madhupāyāsaṃ
th/00502/ padakkhiṇaṃ sammasanto khandhānaṃ udayabbayaṃ
th/00503/ sānuṃ paṭigamissāmi vivekaṃ anubrūhayan ti
th/00504/ gosālo thero
th/00505/ anuvassiko pabbajito/ passa dhammasudhammataṃ
th/00506/ tisso vijjā anuppattā/ kataṃ buddhassa sāsanan ti
th/00507/ sugandho thero
th/00508/ obhāsajātaṃ phalagaṃ cittaṃ yassa abhiṇhaso
th/00509/ tādisaṃ bhikkhuṃ āsajja kaṇha dukkhaṃ nigacchasīti
th/00510/ nandiyo thero
th/00511/ sutvā subhāsitaṃ vācaṃ buddhassādiccabandhuno
th/00512/ paccavyādhiṃ hi nipuṇaṃ vālaggaṃ usunā yathāti
th/00513/ abhayo thero
th/00514/ dabbaṃ kusaṃ poṭakilaṃ usīraṃ muñjapabbajaṃ
th/00515/ urasā panudahissāmi vivekam anubrūhayan ti
th/00516/ lomasakaṅgiyo thero
th/00517/ kacci no vatthapasuto/ kacci no bhūsanārato
th/00518/ kacci sīlamayaṃ gandhaṃ tvaṃ vāsi netarā pajāti
th/00519/ jambugāmikaputto thero
th/00520/ samunnamayam attānaṃ usukāro va tejanaṃ
th/00521/ cittaṃ ujuṃ karitvāna avijjaṃ chinda hāritāti
th/00522/ hārito thero
th/00523/ ābādhe me samuppanne sati me upapajjatha
th/00524/ ābādho me samuppanno/ kālo me na ppamajjitun ti
th/00525/ uttiyo thero
th/00526/ vaggo tatiyo/ uddānaṃ
th/00527/ nigrodho cittako thero gosālatthero sugandho
th/00528/ nandiyo abhayo thero thero lomasakaṅgiyo
th/00529/ jambugāmikaputto ca hārito uttiyo isīti/ u
th/00601/ phuṭṭho ḍaṃsehi makasehi araññasmiṃ brahāvane
th/00602/ nāgo saṃgāmasīse va sato tatrādhivāsayeti
th/00603/ gahvaratīriyo bhikkhu
th/00604/ ajaraṃ jīramānena tappamānena nibbutiṃ
th/00605/ nimmissaṃ paramaṃ santiṃ yogakkhemaṃ anuttaran
th/00606/ ti
th/00607/ suppiyo thero
th/00608/ yathāpi ekaputtasmiṃ piyasmiṃ kusalī siyā
th/00609/ evaṃ sabbesu pāṇesu sabbattha kusalo siyāti
th/00610/ sopāko thero
th/00611/ anāsannavarā etā niccam eva vijānatā
th/00612/ gāmā araññam āgamma tato gehaṃ upāvisiṃ
th/00613/ tato uṭṭhāya pakkāmiṃ anāmantetvā posiyoti
th/00614/ posiyo thero
th/00615/ sukhaṃ sukhattho labhate tad ācaraṃ/ kittiñ ca pappoti
th/00616/ yasassa vaḍḍhati
th/00617/ yo ariyam aṭṭhaṅgikam añjasaṃ ujuṃ bhāveti maggaṃ
th/00618/ amatassa pattiyāti
th/00619/ sāmaññakāni thero
th/00620/ sādhu sutaṃ sādhu caritakaṃ sādhu sadā aniketavihāro
th/00621/ atthapucchanaṃ padakkhiṇakammaṃ etaṃ sāmaññam
th/00622/ akiñcanassāti
th/00623/ kumāputto thero
th/00624/ nānājanapadaṃ yanti vicarantā asaññatā
th/00625/ samādhiñ ca virādhenti/ kiṃ su raṭṭhaṃcariyā karissati
th/00626/ tasmā vineyya sārambhaṃ jhāyeyya apurakkhatoti
th/00627/ kumāputtassa therassa sahāyako thero
th/00628/ yo iddhiyā sarabhuṃ aṭṭhapesi so gavampati asito anejo
th/00629/ taṃ sabbasaṅgātigataṃ mahāmuniṃ devā namassanti bhavassa
th/00630/ pāragun ti
th/00631/ gavampati thero
th/00632/ sattiyā viya omaṭṭho ḍayhamāne va matthake
th/00633/ kāmarāgapahānāya sato bhikkhu paribbajeti
th/00634/ tisso thero
th/00701/ sattiyā viya omaṭṭho ḍayhamāne va matthake
th/00702/ bhavarāgapahānāya satto bhikkhu paribbajeti
th/00703/ vaḍḍhamāno thero
th/00704/ vaggo catuttho/ uddānaṃ
th/00705/ gahvaratīriyo suppiyo sopāko ca posiyo ca
th/00706/ sāmaññakāni kumāputto kumāputtasahāyako
th/00707/ gavampati tissatthero vaḍḍhamāno mahāyasoti
th/00709/ vivaram anupatanti vijjutā vebhārassa ca paṇḍavassa ca
th/00710/ nagavivaragato ca jhāyati putto appaṭimassa tādinoti
th/00711/ sirivaḍḍho thero
th/00712/ cāle upacāle sīsūpacāle patissatikā nu kho viharatha
th/00713/ āgato vo vālaṃ viya vedhīti
th/00714/ khadiravaniyo thero
th/00715/ sumuttiko sumuttiko sāhu sumuttiko mhi tīhi khujjakehi
th/00716/ asitāsu mayā naṅgalāsu mayā khuddakuddālāsu mayā
th/00717/ yadi pi idham eva idham eva athavāpi alam eva alam eva
th/00718/ jhāya sumaṅgala jhāya sumaṅgala/ appamatto vihara
th/00719/ sumaṅgalāti
th/00720/ sumaṅgalo thero
th/00721/ mataṃ vā amma rodanti yo vā jīvaṃ na dissati
th/00722/ jīvantaṃ maṃ amma dissantī kasmā maṃ amma rodasīti
th/00723/ sānu thero
th/00724/ yathāpi bhaddo ājañño khalitvā patitiṭṭhati
th/00725/ evaṃ dassanasampannaṃ sammāsambuddhasāvakan ti
th/00726/ ramaṇīyavihārī thero
th/00727/ saddhāyāhaṃ pabbajito agārasmā anagāriyaṃ
th/00728/ sati paññā ca me vuḍḍhā cittañ ca susamāhitaṃ
th/00729/ kāmaṃ karassu rūpāni/ neva maṃ byādhayissasīti
th/00730/ samiddhi thero
th/00801/ namo te buddhavīratthu/ vippamuttosi sabbadhi
th/00802/ tuyhāpadāne viharaṃ viharāmi anāsavoti
th/00803/ ujjayo thero
th/00804/ yato ahaṃ pabbajito agārasmā anagāriyaṃ
th/00805/ nābhijānāmi saṃkappaṃ anariyaṃ dosasaṃhitan ti
th/00806/ sañjayo thero
th/00807/ vihavihābhinadite sippikābhirutehi ca
th/00808/ na me taṃ phandati cittaṃ/ ekattanirataṃ hi me
th/00809/ rāmaṇeyyako thero
th/00810/ dharaṇī ca siccati vāti māluto vijjutā carati nabhe
th/00811/ upasammanti vitakkā/ cittaṃ susamāhitaṃ mamāti
th/00812/ vimalo thero
th/00813/ vaggo pañcamo/ uddānaṃ
th/00814/ sirivaḍḍho revato thero sumaṅgalo sānusavhayo
th/00815/ ramaṇīyavihārī ca samiddhujjayasañjayo
th/00816/ rāmaṇeyyo ca so thero vimalo ca raṇañjayoti
th/00818/ vassati devo yathā sugītaṃ/ channā me kuṭikā sukhā nivātā
th/00819/ cittaṃ susamāhitañ ca mayhaṃ/ atha ce patthayasi pavassa
th/00820/ devāti
th/00821/ godhiko thero
th/00822/ vassati devo yathā sugītaṃ/ channā me kuṭikā sukhā nivātā
th/00823/ cittaṃ susamāhitañ ca kāye/ atha ce patthayasi pavassa
th/00824/ devāti
th/00825/ subāhu thero
th/00826/ vassati devo yathā sugītaṃ/ channā me kuṭikā sukhā nivātā
th/00827/ tassaṃ viharāmi appamatto/ atha ce patthayasi pavassa
th/00828/ devāti
th/00829/ valliyo thero
th/00901/ vassati devo yathā sugītaṃ/ channā me kuṭikā sukhā nivātā
th/00902/ tassaṃ viharāmi adutiyo/ atha ce patthayasi pavassa devāti
th/00904/ uttiyo thero
th/00905/ āsandiṃ kuṭikaṃ katvā ogayha añjanaṃ vanaṃ
th/00906/ tisso vijjā anuppattā kataṃ buddhassa sāsanan ti
th/00907/ añjanāvaniyo thero
th/00908/ ko kuṭikāyaṃ/ bhikkhu kuṭikāyaṃ vītarāgo susamāhitacitto
th/00910/ evaṃ jānāhi āvuso amoghā te kuṭikā katāti
th/00911/ kuṭivihārī thero
th/00912/ ayam āhu purāṇiyā kuṭi/ aññaṃ patthayase navaṃ kuṭiṃ
th/00913/ āsaṃ kuṭiyā virājaya/ dukkhā bhikkhu puna navā kuṭīti
th/00915/ kuṭivihārī thero
th/00916/ ramaṇīyā me kuṭikā saddhādeyyā manoramā
th/00917/ na me attho kumārīhi/ yesaṃ attho tahiṃ gacchatha
th/00918/ nāriyoti
th/00919/ ramaṇīyakuṭiko thero
th/00920/ saddhāyāhaṃ pabbajito/ araññe me kuṭikā katā
th/00921/ appamatto ca ātāpī sampajāno patissatoti
th/00922/ kosallavihārī
th/00923/ te me ijjhiṃsu saṃkappā yadattho pāvisiṃ kuṭiṃ
th/00924/ vijjā vimuttiṃ paccessaṃ mānānusayam ujjahan ti
th/00925/ sīvalitthero
th/00926/ vaggo chaṭṭho/ uddānaṃ
th/00927/ godhiko ca subāhu ca valliyo uttiyo isi
th/00928/ añjanāvaniyo thero duve kuṭivihārino
th/00929/ ramaṇīyakuṭiko ca kosallavhayasīvalīti
th/00931/ passati passo passantaṃ apassantañ ca passati
th/00932/ apassanto apassantaṃ passantañ ca na passatīti
th/00933/ vappo thero
th/01001/ ekakā mayaṃ araññe viharāma apaviddhaṃ va vanasmi
th/01002/ dārukaṃ
th/01003/ tassa me bahukā pihayanti nerayikā viya saggagāminan
th/01004/ ti
th/01005/ vajjiputto thero
th/01006/ cutā patanti patitā giddhā ca punar āgatā
th/01007/ kataṃ kiccaṃ rataṃ rammaṃ sukhenanvāgataṃ sukhan
th/01008/ ti
th/01009/ pakkho thero
th/01010/ dumavhayāya uppanno jāto paṇḍaraketunā
th/01011/ ketuhā ketunā yeva mahāketuṃ padhaṃsayīti
th/01012/ vimalakoṇḍañño thero
th/01013/ ukkhepakatavacchassa saṃkalitaṃ bahūhi vassehi
th/01014/ taṃ bhāsati gahaṭṭhānaṃ sunisinno uḷārapāmujjoti
th/01015/ ukkhepakatavaccho thero
th/01016/ anusāsi mahāvīro sabbadhammāna pāragu
th/01017/ tassāhaṃ dhammaṃ sutvāna vihāsiṃ santike rato
th/01018/ tisso vijjā anuppattā/ kataṃ buddhassa sāsanan ti
th/01019/ meghiyo thero
th/01020/ kilesā jhāpitā mayhaṃ/ bhavā sabbe samūhatā
th/01021/ vikkhīṇo jātisaṃsāro/ natthi dāni punabbhavoti
th/01022/ ekadhammasavanīyo thero
th/01023/ adhicetaso appamajjato munino monapathesu sikkhato
th/01024/ sokā na bhavanti tādino upasantassa sadā satīmatoti
th/01025/ ekuddāniyo thero
th/01026/ sutvāna dhammaṃ mahato mahārasaṃ sabbaññutaññāṇavarena
th/01027/ desitaṃ
th/01028/ maggaṃ papajjiṃ amatassa pattiyā/ so yogakkhemassa
th/01029/ pathassa kovidoti
th/01030/ channo thero
th/01101/ sīlam eva idha aggaṃ/ paññavā pana uttamo
th/01102/ manussesu ca devesu sīlapaññāṇato jayan ti
th/01103/ puṇṇo thero
th/01104/ vaggo sattamo/ uddānaṃ
th/01105/ vappo ca vajjiputto ca pakkho vimalakoṇḍañño
th/01106/ ukkhepakatavaccho ca meghiyo ekadhammiko
th/01107/ ekuddāniyachanno ca puṇṇathero mahabbaloti
th/01109/ susukhumanipuṇatthadassinā matikusalena nivātavuttinā
th/01110/ saṃsevitabuddhasīlinā nibbānaṃ na hi tena dullabhan
th/01111/ ti
th/01112/ vacchapālo thero
th/01113/ yathā kalīro susu vaḍḍhitaggo dunnikkhamo hoti pasākhajāto
th/01115/ evaṃ ahaṃ bhariyāyānītāya/ anumañña maṃ pabbajitomhi
th/01116/ dānīti
th/01117/ ātumo thero
th/01118/ jiṇṇañ ca disvā dukkhitañ ca byādhitaṃ matañ ca disvā
th/01119/ gatam āyusaṃkhayaṃ
th/01120/ tato ahaṃ nikkhamitūna pabbajiṃ pahāya kāmāni manoramānīti
th/01122/ māṇavo thero
th/01123/ kāmacchando ca byāpādo thīnamiddhañ ca bhikkhuno
th/01124/ uddhaccaṃ vicikicchā ca sabbasova na vijjatīti
th/01125/ suyāmano thero
th/01126/ sādhu suvihitāna dassanaṃ/ kaṅkhā chijjati/ buddhi
th/01127/ vaḍḍhati
th/01128/ bālam pi karonti paṇḍitaṃ/ tasmā sādhu sataṃ samāgamoti
th/01130/ susārado thero
th/01131/ uppatantesu nipate/ nipatantesu uppate
th/01132/ vase avasamānesu/ ramamānesu no rameti
th/01133/ piyañjaho thero
th/01201/ idaṃ pure cittam acāri cārikaṃ yenicchakaṃ yatthakāmaṃ
th/01202/ yathāsukhaṃ
th/01203/ tad ajjahaṃ niggahissāmi yoniso hatthippabhinnaṃ viya
th/01204/ aṅkusaggahoti
th/01205/ hatthārohaputto thero
th/01206/ anekajātisaṃsāraṃ sandhāvissaṃ anibbisaṃ
th/01207/ tassa me dukkhajātassa dukkhakkhandho aparaddhoti
th/01209/ meṇḍasiro thero
th/01210/ sabbo rāgo pahīno me/ sabbo doso samūhato
th/01211/ sabbo me vigato moho/ sītibhūtosmi nibbutoti
th/01212/ rakkhito thero
th/01213/ yaṃ mayā pakataṃ kammaṃ appaṃ vā yadi vā bahu
th/01214/ sabbam etaṃ parikkhīṇaṃ/ natthi dāni punabbhavoti
th/01216/ uggo thero
th/01217/ vaggo aṭṭhamo/ uddānaṃ
th/01218/ vacchapālo ca yo thero ātumo māṇavo isi
th/01219/ suyāmano susārado thero yo ca piyañjaho
th/01220/ ārohaputto meṇḍasiro rakkhito uggasavhayoti
th/01222/ yaṃ mayā pakataṃ pāpaṃ pubbe aññāsu jātisu
th/01223/ idheva taṃ vedaniyaṃ/ vatthu aññaṃ na vijjatīti
th/01224/ samitigutto thero
th/01225/ yena yena subhikkhāni sivāni abhayāni ca
th/01226/ tena puttaka gacchassu/ mā sokā pahato bhavāti
th/01227/ kassapo thero
th/01228/ sīhappamatto vihara rattindivam atandito
th/01229/ bhāvehi kusalaṃ dhammaṃ/ jaha sīghaṃ samussayan
th/01230/ ti
th/01231/ sīho thero
th/01301/ sabbarattiṃ supitvāna divā saṃgaṇike rato
th/01302/ kudāssu nāma dummedho dukkhassantaṃ karissatīti
th/01303/ nīto thero
th/01304/ cittanimittassa kovido pavivekarasaṃ vijāniya
th/01305/ jhāyaṃ nipako patissato adhigaccheyya sukhaṃ nirāmisan
th/01306/ ti
th/01307/ sunāgo thero
th/01308/ itobahiddhā puthuaññavādinaṃ maggo na nibbānagamo
th/01309/ yathā ayaṃ
th/01310/ iti ssu saṃghaṃ bhagavānusāsati satthā sayaṃ pāṇitale va
th/01311/ dassayan ti
th/01312/ nāgito thero
th/01313/ khandhā diṭṭhā yathābhūtaṃ/ bhavā sabbe padālitā
th/01314/ vikkhīṇo jātisaṃsāro/ natthi dāni punabbhavoti
th/01315/ paviṭṭho thero
th/01316/ asakkhiṃ vata attānaṃ uddhātuṃ udakā thalaṃ
th/01317/ vuyhamāno mahoghe va saccāni paṭivijjhahan ti
th/01318/ ajjuno thero
th/01319/ uttiṇṇā paṅkā palipā/ pātālā parivajjitā
th/01320/ mutto oghā ca ganthā ca/ sabbe mānā visaṃhatāti
th/01321/ devasabho thero
th/01322/ pañca kkhandhā pariññātā tiṭṭhanti chinnamūlakā
th/01323/ vikkhīṇo jātisaṃsāro/ natthi dāni punabbhavoti
th/01324/ sāmidatto thero
th/01325/ vaggo navamo/ uddānaṃ
th/01326/ thero samitigutto ca kassapo sīhasavhayo
th/01327/ nīto sunāgo nāgito paviṭṭho ajjuno isi
th/01328/ devasabho ca yo thero sāmidatto mahabbalo
th/01330/ na tathāmataṃ satarasaṃ sudhannaṃ yaṃ mayajja paribhuttaṃ
th/01332/ aparimitadassinā gotamena buddhena desito dhammoti
th/01333/ paripuṇṇako thero
th/01401/ yassāsavā parikkhīṇā āhāre ca anissito
th/01402/ suññato animitto ca vimokkho yassa gocaro
th/01403/ ākāse va sakuntānaṃ padan tassa durannayan ti
th/01404/ vijayo thero
th/01405/ dukkhā kāmā eraka na sukhā kāmā eraka
th/01406/ yo kāme kāmayati dukkhaṃ so kāmayati eraka
th/01407/ yo kāme na kāmayati dukkhaṃ so na kāmayati erakāti
th/01409/ erako thero
th/01410/ namo hi tassa bhagavato sakyaputtassa sirīmato
th/01411/ tenāyaṃ aggapattena aggadhammo sudesitoti
th/01412/ mettaji thero
th/01413/ andhohaṃ hatanettosmi/ kantāraddhāna pakkhanno
th/01414/ sayamāno pi gacchissaṃ na sahāyena pāpenāti
th/01415/ cakkhupālo thero
th/01416/ ekapupphaṃ cajitvāna asītiṃ vassakoṭiyo
th/01417/ saggesu paricāretvā sesakenamhi nibbutoti
th/01418/ khaṇḍasumano thero
th/01419/ hitvā satapalaṃ kaṃsaṃ sovaṇṇaṃ satarājikaṃ
th/01420/ aggahiṃ mattikāpattaṃ/ idaṃ dutiyābhisecanan ti
th/01421/ tisso thero
th/01422/ rūpaṃ disvā sati muṭṭhā piyanimittaṃ manasikaroto
th/01423/ sārattacitto vedeti tañ ca ajjhosa tiṭṭhati
th/01424/ tassa vaḍḍhanti āsavā bhavamūlopagāminoti
th/01425/ abhayo thero
th/01426/ saddaṃ sutvā sati muṭṭhā piyanimittaṃ manasikaroto
th/01427/ sārattacitto vedeti tañ ca ajjhosa tiṭṭhati
th/01428/ tassa vaḍḍhanti āsavā saṃsāramupagāminoti
th/01429/ uttiyo thero
th/01430/ sammappadhānasampanno satipaṭṭhānagocaro
th/01431/ vimuttikusumasañchanno parinibbissaty anāsavoti
th/01432/ devasabho thero
th/01501/ vaggo dasamo/ uddānaṃ
th/01502/ paripuṇṇako ca vijayo erako mettajī muni
th/01503/ cakkhupālo khaṇḍasumano tisso abhayo ca
th/01504/ uttiyo mahāpañño thero devasabho pi cāti
th/01506/ hitvā gihitvaṃ anavositatto mukhanaṅgalī odariko kusīto
th/01507/ mahāvarāho va nivāpapuṭṭho punappunaṃ gabbham upeti
th/01508/ mandoti
th/01509/ belaṭṭhakāni thero
th/01510/ mānena vañcitāse saṃkhāresu saṃkilissamānāse
th/01511/ lābhālābhena mathitā samādhiṃ nādhigacchantīti
th/01512/ setucchatthero
th/01513/ nāhaṃ etena atthiko sukhito dhammarasena tappito
th/01514/ pītvāna rasaggam uttamaṃ na ca kāhāmi visena santhavan
th/01515/ ti
th/01516/ bandhuro thero
th/01517/ lahuko vata me kāyo phuṭṭho ca pītisukhena vipulena
th/01518/ tūlam iva eritaṃ mālutena pilavati va me kāyoti
th/01519/ khitako thero
th/01520/ ukkaṇṭhito pi na vase ramamāno pi pakkame
th/01521/ na tv evānatthasahitaṃ vase vāsaṃ vicakkhaṇoti
th/01522/ malitavambho thero
th/01523/ sataliṅgassa atthassa satalakkhaṇadhārino
th/01524/ ekaṅgadassī dummedho satadassī ca paṇḍitoti
th/01525/ suhemanto thero
th/01526/ pabbajiṃ tulayitvāna agārasmā anagāriyaṃ
th/01527/ tisso vijjā anuppattā/ kataṃ buddhassa sāsanan ti
th/01528/ dhammasavo thero
th/01529/ savīsaṃvassasatiko pabbajiṃ anagāriyaṃ
th/01530/ tisso vijjā anuppattā/ kataṃ buddhassa sāsanan ti
th/01531/ dhammasavapituthero
th/01601/ na nūnāyaṃ paramahitānukampino rahogato anuvigaṇeti
th/01602/ sāsanaṃ
th/01603/ tathā hayaṃ viharati pākatindriyo migī yathā taruṇajātikā
th/01604/ vaneti
th/01605/ saṃgharakkhito thero
th/01606/ nagā nagaggesu susaṃvirūḷhā udaggameghena navena sittā
th/01607/ vivekakāmassa araññasaññino janeti bhiyyo usabhassa
th/01608/ kalyatan ti
th/01609/ usabho thero
th/01610/ vaggo ekādasamo/ uddānaṃ
th/01611/ belaṭṭhakāni setuccho bandhuro khitako isi
th/01612/ malitavambho suhemanto dhammasavo dhammasavapitā
th/01613/ saṃgharakkhitathero ca usabho ca mahāmuni
th/01615/ duppabbajjaṃ ve/ duradhivāsā gehā/ dhammo gambhīro
th/01616/ duradhigamā bhogā
th/01617/ kicchā vutti no itarītareneva/ yuttaṃ cintetuṃ satatam
th/01618/ aniccatan ti
th/01619/ jento thero
th/01620/ tevijjohaṃ mahājhāyī cetosamathakovido
th/01621/ sadattho me anuppatto/ kataṃ buddhassa sāsanan ti
th/01622/ vacchagotto thero
th/01623/ acchodikā puthusilā gonaṅgulamigāyutā
th/01624/ ambusevālasañchannā te selā ramayanti man ti
th/01625/ vanavacchathero
th/01626/ kāyaduṭṭhullagaruno hiyyamānamhi jīvite
th/01627/ sarīrasukhagiddhassa kuto samaṇasādhutāti
th/01628/ adhimutto thero
th/01629/ esāvahiyyase pabbatena bahukuṭajasallakikena
th/01630/ nesādakena girinā yasassinā paricchadenāti
th/01631/ mahānāmo thero
th/01701/ cha phassāyatane hitvā guttadvāro susaṃvuto
th/01702/ aghamūlaṃ vamitvāna patto me āsavakkhayo
th/01703/ pārāpariyo thero
th/01704/ suvilitto suvasano sabbābharaṇabhūsito
th/01705/ tisso vijjā ajjhagamiṃ/ kataṃ buddhassa sāsanan ti
th/01706/ yaso thero
th/01707/ abhisattho va nipatati vayo/ rūpam aññam iva tatheva
th/01708/ santaṃ
th/01709/ tasseva sato avippavasato aññasseva sarāmi attānan ti
th/01710/ kimbilo thero
th/01711/ rukkhamūlagahanaṃ pasakkiya nibbānaṃ hadayasmiṃ
th/01712/ osiya
th/01713/ jhāya gotama mā ca pamādo/ kin te biḷibiḷikā karissatīti
th/01715/ vajjiputto thero
th/01716/ pañca kkhandhā pariññātā tiṭṭhanti chinnamūlakā
th/01717/ dukkhakkhayo anuppatto/ patto me āsavakkhayoti
th/01718/ isidatto thero
th/01719/ dvādasamo vaggo/ tatruddānaṃ bhavati
th/01720/ jento ca vacchagotto ca vaccho ca vanapavhayo
th/01721/ adhimutto mahānāmo pārāpariyo yaso pi ca
th/01722/ kimbilo vajjiputto ca isidatto mahāyasoti/ u
th/01723/ vīsuttarasataṃ therā katakiccā anāsavā
th/01724/ ekakeva nipātamhi susaṃgītā mahesibhīti/ u
th/01725/ niṭṭhito ekanipāto
th/01801/ dukanipāto
th/01802/ natthi koci bhavo nicco saṃkhārā vāpi sassatā
th/01803/ uppajjanti ca te khandhā cavanti aparāparaṃ
th/01804/ etaṃ ādīnavaṃ ñatvā bhavenamhi anatthiko
th/01805/ nissaṭo sabbakāmehi/ patto me āsavakkhayoti
th/01806/ itthaṃ sudaṃ āyasmā uttaro thero gāthāyo
th/01807/ abhāsitthāti
th/01808/ na idaṃ anayena jīvitaṃ/ nāhāro hadayassa santiko
th/01809/ āhāraṭṭhitiko samussayo/ iti disvāna carāmi esanaṃ
th/01810/ paṅkoti hi naṃ avedayuṃ yāyaṃ vandanapūjanā kulesu
th/01811/ sukhumaṃ sallaṃ durubbahaṃ/ sakkāro kāpurisena dujjahoti
th/01813/ itthaṃ sudaṃ āyasmā piṇḍolabhāradvājo thero
th/01814/ gāthāyo abhāsitthāti
th/01815/ makkaṭo pañcadvārāyaṃ kuṭikāyaṃ pasakkiya
th/01816/ dvārena anupariyeti ghaṭṭayanto muhuṃ muhuṃ
th/01817/ tiṭṭha makkaṭa mā dhāvi/ na hi te taṃ yathā pure
th/01818/ niggahītosi paññāya/ neto dūraṃ gamissasīti
th/01819/ valliyo thero
th/01820/ tiṇṇaṃ me tālapattānaṃ gaṅgātīre kuṭī katā
th/01821/ chavasitto va me patto/ paṃsukūlañ ca cīvaraṃ
th/01822/ dvinnaṃ antaravassānaṃ ekā vācā me bhāsitā
th/01823/ tatiye antaravassamhi tamokhandho padālitoti
th/01824/ gaṅgātīriyo bhikkhu
th/01825/ api ce hoti tevijjo maccuhāyī anāsavo
th/01826/ appaññātoti naṃ bālā avajānanti ajānatā
th/01901/ yo ca kho annapānassa lābhī hotidha puggalo
th/01902/ pāpadhammo pi ce hoti/ so nesaṃ hoti sakkatoti
th/01903/ ajino thero
th/01904/ yadāhaṃ dhammam assosiṃ bhāsamānassa satthuno
th/01905/ na kaṅkham abhijānāmi sabbaññu aparājite
th/01906/ satthavāhe mahāvīre sārathīnaṃ varuttame
th/01907/ magge paṭipadāyaṃ vā kaṅkhā mayhaṃ na vijjatīti
th/01908/ meḷajino thero
th/01909/ yathā agāraṃ ducchannaṃ vuṭṭhi samativijjhati
th/01910/ evaṃ abhāvitaṃ cittaṃ rāgo samativijjhati
th/01911/ yathā agāraṃ succhannaṃ vuṭṭhi na samativijjhati
th/01912/ evaṃ subhāvitaṃ cittaṃ rāgo na samativijjhati
th/01913/ rādho thero
th/01914/ khīṇā hi mayhaṃ jāti/ vusitaṃ jinasāsanaṃ
th/01915/ pahīno jālasaṃkhāto/ bhavanetti samūhatā
th/01916/ yassatthāya pabbajito agārasmā anagāriyaṃ
th/01917/ so me attho anuppatto sabbasaṃyojanakkhayo
th/01918/ surādho thero
th/01919/ sukhaṃ supanti munayo ye itthīsu na bajjhare
th/01920/ sadā ve rakkhitabbāsu yāsu saccaṃ sudullabhaṃ
th/01921/ vadhaṃ carimha te kāma/ anaṇā dāni te mayaṃ
th/01922/ gacchāma dāni nibbānaṃ yattha gantvā na socatīti
th/01923/ gotamo thero
th/01924/ pubbe hanati attānaṃ pacchā hanati so pare
th/01925/ suhataṃ hanti attānaṃ vītaṃseneva pakkhimā
th/01926/ na brāhmaṇo bahivaṇṇo/ antovaṇṇo hi brāhmaṇo
th/01927/ yasmiṃ pāpāni kammāni sa ve kaṇho sujampatīti
th/01928/ vasabho thero
th/01929/ vaggo paṭhamo/ uddānaṃ
th/01930/ uttaro ceva piṇḍolo valliyo tīriyo isi
th/01931/ ajino ca meḷajino rādho surādho gotamo
th/01932/ vasabhena ime honti dasa therā mahiddhikāti
th/02001/ sussūsā sutavaḍḍhanī/ sutaṃ paññāya vaḍḍhanaṃ
th/02002/ paññāya atthaṃ jānāti/ ñāto attho sukhāvaho
th/02003/ sevetha pantāni senāsanāni/ careyya saṃyojanavippamokkhaṃ
th/02005/ sace ratiṃ nādhigaccheyya tattha/ saṃghe vase rakkhitatto
th/02006/ satīmāti
th/02007/ mahācundo thero
th/02008/ ye kho te veghamissena nānatthena ca kammunā
th/02009/ manusse uparundhanti pharusupakkamā janā
th/02010/ te pi tatheva kīranti/ na hi kammaṃ panassati
th/02011/ yaṃ karoti naro kammaṃ kalyāṇaṃ yadi pāpakaṃ
th/02012/ tassa tasseva dāyādo yaṃ yaṃ kammaṃ pakubbatīti
th/02014/ jotidāsathero
th/02015/ accayanti ahorattā/ jīvitaṃ uparujjhati
th/02016/ āyu khīyati maccānaṃ kunnadīnaṃ va odakaṃ
th/02017/ atha pāpāni kammāni karaṃ bālo na bujjhati
th/02018/ pacchāssa kaṭukaṃ hoti/ vipāko hissa pāpakoti
th/02019/ heraññakāni thero
th/02020/ parittaṃ dārum āruyha yathā sīde mahaṇṇave
th/02021/ evaṃ kusītam āgamma sādhujīvī pi sīdati
th/02022/ tasmā taṃ parivajjeyya kusītaṃ hīnavīriyaṃ
th/02023/ pavivittehi ariyehi pahitattehi jhāyihi
th/02024/ niccaṃ āraddhaviriyehi paṇḍitehi sahāvaseti
th/02025/ somamitto thero
th/02026/ jano janamhi sambaddho/ janam evassito jano
th/02027/ jano janena heṭhiyati/ heṭheti ca jano janaṃ
th/02101/ ko hi tassa janenattho janena janitena vā
th/02102/ janaṃ ohāya gacchan taṃ heṭhayitvā bahuṃ janan ti
th/02103/ sabbamitto thero
th/02104/ kāḷī itthi brahatī dhaṅkarūpā satthiñ ca bhetvā aparañ ca
th/02105/ satthiñ
th/02106/ bāhañ ca bhetvā aparañ ca bāhuṃ sīsañ ca bhetvā dadhithālakaṃ
th/02107/ va esā nisinnā abhisaddahitvā
th/02108/ yo ve avidvā upadhiṃ karoti punappunaṃ dukkham upeti
th/02109/ mando
th/02110/ tasmā pajānaṃ upadhiṃ na kayirā māhaṃ puna bhinnasiro
th/02111/ sayissan ti
th/02112/ mahākālo thero
th/02113/ bahū sapatte labhati muṇḍo saṃghāṭipāruto
th/02114/ lābhī annassa pānassa vatthassa sayanassa ca
th/02115/ etam ādīnavaṃ ñatvā sakkāresu mahabbhayaṃ
th/02116/ appalābho anavassuto sato bhikkhu paribbajeti
th/02117/ tisso thero
th/02118/ pācīnavaṃsadāyamhi sakyaputtā sahāyakā
th/02119/ pahāyanappake bhoge uñchāpattāgate ratā
th/02120/ āraddhaviriyā pahitattā niccaṃ daḷhaparakkamā
th/02121/ ramanti dhammaratiyā hitvāna lokikaṃ ratin ti
th/02122/ kimbilo thero
th/02123/ ayonisomanasīkārā maṇḍanaṃ anuyuñjisaṃ
th/02124/ uddhato capalo cāsiṃ kāmarāgena aṭṭito
th/02125/ upāyakusalenāhaṃ buddhenādiccabandhunā
th/02126/ yoniso paṭipajjitvā bhave cittaṃ udabbahin ti
th/02127/ nando thero
th/02128/ pare ca naṃ pasaṃsanti attā ce asamāhito
th/02129/ moghaṃ pare pasaṃsanti/ attā hi asamāhito
th/02130/ pare ca naṃ garahanti attā ce susamāhito
th/02131/ moghaṃ pare garahanti/ attā hi susamāhito
th/02132/ sirimā thero
th/02201/ vaggo dutiyo/ uddānaṃ
th/02202/ cundo ca jotidāso ca thero heraññakāni yo
th/02203/ somamitto sabbamitto kālo tisso ca kimbilo
th/02204/ nando ca sirimā ceva dasa therā mahiddhikāti
th/02206/ khandhā mayā pariññātā/ taṇhā me susamūhatā
th/02207/ bhāvitā mama bojjhaṅgā/ patto me āsavakkhayo
th/02208/ sohaṃ khandhe pariññāya abbahitvāna jāliniṃ
th/02209/ bhāvayitvāna bojjhaṅge nibbāyissaṃ anāsavoti
th/02210/ uttaro thero
th/02211/ panādo nāma so rājā yassa yūpo suvaṇṇayo
th/02212/ tiriyaṃ soḷasapabbedho ubbham āhu sahassadhā
th/02213/ sahassakaṇḍu satabheṇḍu dhajālu haritāmayo
th/02214/ anaccuṃ tattha gandhabbā cha sahassāni sattadhāti
th/02215/ bhaddaji thero
th/02216/ satimā paññavā bhikkhu āraddhabalavīriyo
th/02217/ pañca kappasatānāhaṃ ekarattiṃ anussariṃ
th/02218/ cattāro satipaṭṭhāne satta aṭṭha ca bhāvayaṃ
th/02219/ pañca kappasatānāhaṃ ekarattiṃ anussarin ti
th/02220/ sobhito thero
th/02221/ yaṃ kiccaṃ daḷhaviriyena yaṃ kiccaṃ boddhum icchatā
th/02222/ karissaṃ nāvarajjhissaṃ/ passa viriyaparakkamaṃ
th/02223/ tvañ ca me maggam akkhāhi añjasaṃ amatogadhaṃ
th/02224/ ahaṃ monena monissaṃ gaṅgāsoto va sāgaran ti
th/02225/ valliyo thero
th/02226/ kese me olikhissan ti kappako upasaṃkami
th/02227/ tato ādāsaṃ ādāya sarīraṃ paccavekkhisaṃ
th/02301/ tuccho kāyo adissittha/ andhakāre tamo byagā
th/02302/ sabbe coḷā samucchinnā/ natthi dāni punabbhavoti
th/02303/ vītasoko thero
th/02304/ pañca nīvaraṇe hitvā yogakkhemassa pattiyā
th/02305/ dhammādāsaṃ gahetvāna ñāṇadassanam attano
th/02306/ paccavekkhiṃ imaṃ kāyaṃ sabbaṃ santarabāhiraṃ
th/02307/ ajjhattañ ca bahiddhā ca tuccho kāyo adissathāti
th/02308/ puṇṇamāso thero
th/02309/ yathāpi bhaddo ājañño khalitvā patitiṭṭhati
th/02310/ bhiyyo laddhāna saṃvegaṃ adīno vahate dhuraṃ
th/02311/ evaṃ dassanasampannaṃ sammāsambuddhasāvakaṃ
th/02312/ ājāniyaṃ maṃ dhāretha puttaṃ buddhassa orasan ti
th/02313/ nandako thero
th/02314/ ehi nandaka gacchāma upajjhāyassa santikaṃ
th/02315/ sīhanādaṃ nadissāma buddhaseṭṭhassa sammukhā
th/02316/ yāya no anukampāya amhe pabbājayī muni
th/02317/ so no attho anuppatto sabbasaṃyojanakkhayoti
th/02318/ bharato thero
th/02319/ nadanti evaṃ sappaññā sīhā va girigabbhare
th/02320/ vīrā vijitasaṃgāmā jetvā māraṃ savāhanaṃ
th/02321/ satthā ca pariciṇṇo me/ dhammo saṃgho ca pūjito
th/02322/ ahañ ca vitto sumano puttaṃ disvā anāsavan ti
th/02323/ bhāradvājo thero
th/02324/ upāsitā sappurisā/ sutā dhammā abhiṇhaso
th/02325/ sutvāna paṭipajjissaṃ añjasaṃ amatogadhaṃ
th/02326/ bhavarāgahatassa me sato bhavarāgo puna me na vijjati
th/02327/ na cāhu na ca me bhavissati na ca me etarahi pi
th/02328/ vijjatīti
th/02329/ kaṇhadinno thero
th/02330/ vaggo tatiyo/ uddānaṃ
th/02331/ uttaro bhaddaji thero sobhito valliyo isi
th/02332/ vītasoko ca so thero puṇṇamāso ca nandako
th/02333/ bharato bhāradvājo ca kaṇhadinno mahāmunīti
th/02401/ yato ahaṃ pabbajito sammāsambuddhasāsane
th/02402/ vimuccamāno uggacchiṃ/ kāmadhātuṃ upaccagaṃ
th/02403/ brahmuno pekkhamānassa tato cittaṃ vimucci me
th/02404/ akuppā me vimuttīti sabbasaṃyojanakkhayāti
th/02405/ migasiro thero
th/02406/ aniccāni gahakāni tattha tattha punappunaṃ
th/02407/ gahakāraṃ gavesanto dukkhā jāti punappunaṃ
th/02408/ gahakāraka diṭṭhosi/ puna gehaṃ na kāhasi
th/02409/ sabbā te pāsukā bhaggā thūṇirā ca vidālitā
th/02410/ vipariyādikataṃ cittaṃ idheva vidhamissatīti
th/02411/ sivako thero
th/02412/ arahaṃ sugato loke vātehābādhito muni
th/02413/ sace uṇhodakaṃ atthi munino dehi brāhmaṇa
th/02414/ pūjito pūjaneyyānaṃ sakkareyyāna sakkato
th/02415/ apacito apacineyyānaṃ tassa icchāmi hātaveti
th/02416/ upavāno thero
th/02417/ diṭṭhā mayā dhammadharā upāsakā kāmā aniccā iti bhāsamānā
th/02419/ sārattarattā maṇikuṇḍalesu puttesu dāresu ca te
th/02420/ apekkhā
th/02421/ addhā na jānanti yathā va dhammaṃ/ kāmā aniccā iti cāpi āhu
th/02422/ rāgañ ca tesaṃ na balatthi chettuṃ/ tasmā sitā puttadāraṃ
th/02423/ dhanañ cāti
th/02424/ isidinno thero
th/02425/ devo ca vassati devo ca gaḷagaḷāyati ekako cāhaṃ bherave
th/02426/ bile viharāmi
th/02427/ tassa mayhaṃ ekakassa bherave bile viharato natthi bhayaṃ
th/02428/ vā chambhitattaṃ vā lomahaṃso vā
th/02429/ dhammatā mamesā yassa me ekakassa bherave bile viharato
th/02430/ natthi bhayaṃ vā chambhitattaṃ vā lomahaṃso vāti
th/02431/ sambulakaccāno thero
th/02501/ kassa selūpamaṃ cittaṃ ṭhitaṃ nānupakampati
th/02502/ virattaṃ rajanīyesu kuppanīye na kuppati
th/02503/ yassevaṃ bhāvitaṃ cittaṃ kuto taṃ dukkham essati
th/02505/ mama selūpamaṃ cittaṃ ṭhitaṃ nānupakampati
th/02506/ virattaṃ rajanīyesu kuppanīye na kuppati
th/02507/ mamevaṃ bhāvitaṃ cittaṃ/ kuto maṃ dukkham essatīti
th/02509/ khitako thero
th/02510/ na tāva supituṃ hoti ratti nakkhattamālinī
th/02511/ paṭijaggitum evesā ratti hoti vijānatā
th/02512/ hatthikkhandhāvapatitaṃ kuñjaro ce anukkame
th/02513/ saṃgāme me mataṃ seyyo yañ ce jīve parājitoti
th/02514/ soṇo poṭiriyaputto
th/02515/ pañca kāmaguṇe hitvā piyarūpe manorame
th/02516/ saddhāya abhinikkhamma dukkhassantakaro bhave
th/02517/ nābhinandāmi maraṇaṃ nābhinandāmi jīvitaṃ
th/02518/ kālañ ca paṭikaṅkhāmi sampajāno patissatoti
th/02519/ nisabho thero
th/02520/ ambapallavasaṃkāsaṃ aṃse katvāna cīvaraṃ
th/02521/ nisinno hatthigīvāyaṃ gāmaṃ piṇḍāya pāvisiṃ
th/02522/ hatthikkhandhato oruyha saṃvegaṃ alabhin tadā
th/02523/ sohaṃ ditto tadā santo/ patto me āsavakkhayoti
th/02524/ usabho thero
th/02525/ ayaṃ iti kappaṭo kappaṭakuro/ acchāya atibharitāya
th/02526/ amataghaṭikāyaṃ dhammakatamatto/ katapadaṃ jhānāni
th/02527/ ocetuṃ
th/02601/ mā kho tvaṃ kappaṭa pacālesi mā taṃ upakaṇṇakamhi
th/02602/ tāḷessaṃ
th/02603/ na ha tvaṃ kappaṭa mattam aññāsi saṃghamajjhamhi
th/02604/ pacalāyamānoti
th/02605/ kappaṭakuro thero
th/02606/ vaggo catuttho/ uddānaṃ
th/02607/ migasiro sivako ca upavāno ca paṇḍito
th/02608/ isidinno ca kaccāno khitako ca mahāvasī
th/02609/ poṭiriyaputto nisabho usabho kappaṭakuroti
th/02611/ aho buddhā aho dhammā aho no satthu sampadā
th/02612/ yattha etādisaṃ dhammaṃ sāvako sacchikāhiti
th/02613/ asaṃkheyyesu kappesu sakkāyādhigatā ahuṃ
th/02614/ tesaṃ ayaṃ pacchimako/ carimoyaṃ samussayo
th/02615/ jātimaraṇasaṃsāro/ natthi dāni punabbhavoti
th/02616/ kumārakassapo thero
th/02617/ yo have daharo bhikkhu yañjati buddhasāsane
th/02618/ jāgaro patisuttesu/ amoghan tassa jīvitaṃ
th/02619/ tasmā saddhañ ca sīlañ ca pasādaṃ dhammadassanaṃ
th/02620/ anuyuñjetha medhāvī saraṃ buddhāna sāsanan ti
th/02621/ dhammapālo thero
th/02622/ kassindriyāni samathaṃ gatāni assā yathā sārathinā
th/02623/ sudantā
th/02624/ pahīnamānassa anāsavassa devāpi tassa pihayanti tādino
th/02626/ mayhindriyāni samathaṃ gatāni assā yathā sārathinā
th/02627/ sudantā
th/02628/ pahīnamānassa anāsavassa devāpi mayhaṃ pihayanti tādinoti
th/02630/ brahmāli thero
th/02701/ chavipāpaka cittabhaddaka mogharāja satataṃ samāhito
th/02702/ hemantikasītakālarattiyo/ bhikkhu tvaṃsi/ kathaṃ
th/02703/ karissasi
th/02704/ sampannasassā magadhā kevalā iti me sutaṃ
th/02705/ palālacchannako seyyaṃ yathaññe sukhajīvinoti
th/02706/ mogharājā thero
th/02707/ na ukkhipe no ca parikkhipe pare/ na okkhipe pāragataṃ
th/02708/ na eraye
th/02709/ na cattavaṇṇaṃ parisāsu byāhare anuddhato sammitabhāṇi
th/02710/ subbato
th/02711/ susukhumanipuṇatthadassinā matikusalena nivātavuttinā
th/02712/ saṃsevitabuddhasīlinā nibbānaṃ na hi tena dullabhan
th/02713/ ti
th/02714/ visākho pañcālīputto thero
th/02715/ nadanti morā susikhā supekhuṇā sunīlagīvā sumukhā
th/02716/ sugajjino
th/02717/ susaddalā cāpi mahāmahī ayaṃ subyāpitambu/ suvalāhakaṃ
th/02718/ nabhaṃ
th/02719/ sukallarūpo sumanassa jhāyitaṃ sunikkhamo sādhu subuddhasāsane
th/02721/ susukkasukkaṃ nipuṇaṃ sududdasaṃ phusāhi taṃ uttamam
th/02722/ accutaṃ padan ti
th/02723/ cūḷako thero
th/02724/ nandamānāgataṃ cittaṃ sūlam āropamānakaṃ
th/02725/ tena teneva vajasi yena sūlaṃ kaliṅgaraṃ
th/02726/ tāhaṃ citta kaliṃ brūmi taṃ brūmi cittadubbhakaṃ
th/02727/ satthā te dullabho laddho/ mānatthe maṃ niyojayīti
th/02729/ anūpamo thero
th/02730/ saṃsaraṃ dīgham addhānaṃ gatīsu parivattisaṃ
th/02731/ apassaṃ ariyasaccāni andhabhūto puthujjano
th/02801/ tassa me appamattassa saṃsārā vinalīkatā
th/02802/ sabbā gatī samucchinnā/ natthi dāni punabbhavoti
th/02803/ vajjito thero
th/02804/ assatthe haritobhāse saṃvirūḷhamhi pādape
th/02805/ ekaṃ buddhagataṃ saññaṃ alabhitthaṃ patissato
th/02806/ ekatiṃse ito kappe yaṃ saññaṃ alabhin tadā
th/02807/ tassā saññāya vāhasā patto me āsavakkhayoti
th/02808/ sandhito thero
th/02809/ pañcamo vaggo/ uddānaṃ
th/02810/ kumārakassapo thero dhammapālo ca brahmāli
th/02811/ mogharājā visākho ca cūḷako ca anūpamo
th/02812/ vajjito sandhito thero kilesarajavāhanoti/ u
th/02813/ gāthā dukanipātamhi navuti ceva aṭṭha ca
th/02814/ therā ekūnapaññāsaṃ bhāsitā nayakovidā/ u
th/02815/ dukanipāto
th/02901/ tikanipāto
th/02902/ ayonisuddhiṃ anvesaṃ aggiṃ paricariṃ vane
th/02903/ suddhimaggam ajānanto akāsiṃ amaraṃ tapaṃ
th/02904/ taṃ sukhena sukhaṃ laddhaṃ/ passa dhammasudhammataṃ
th/02906/ tisso vijjā anuppattā/ kataṃ buddhassa sāsanaṃ
th/02907/ brahmabandhu pure āsiṃ/ idāni khomhi brāhmaṇo
th/02908/ tevijjo nhātako camhi sotthiyo camhi vedagūti
th/02909/ aṅgaṇikabhāradvājo thero
th/02910/ pañcāhāhaṃ pabbajito sekho appattamānaso
th/02911/ vihāraṃ me paviṭṭhassa cetaso paṇidhī ahū
th/02912/ nāsissaṃ na pivissāmi vihārato na nikkhame
th/02913/ na pi passaṃ nipātessaṃ taṇhāsalle anūhate
th/02914/ tassa mevaṃ viharato passa viriyaparakkamaṃ
th/02915/ tisso vijjā anuppattā/ kataṃ buddhassa sāsanan ti
th/02916/ paccayo thero
th/02917/ yo pubbe karaṇīyāni pacchā so kātum icchati
th/02918/ sukhā so dhaṃsate ṭhānā pacchā cam anutappati
th/02919/ yañ hi kayirā tañ hi vade/ yaṃ na kayirā na taṃ vade
th/02920/ akarontaṃ bhāsamānaṃ parijānanti paṇḍitā
th/02921/ susukhaṃ vata nibbānaṃ sammāsambuddhadesitaṃ
th/02922/ asokaṃ virajaṃ khemaṃ yattha dukkhaṃ nirujjhatīti
th/02923/ bākulathero
th/02924/ sukhañ ce jīvituṃ icche sāmaññasmiṃ apekkhavā
th/02925/ saṃghikaṃ nātimaññeyya cīvaraṃ pānabhojanaṃ
th/02926/ sukhañ ce jīvituṃ icche sāmaññasmiṃ apekkhavā
th/02927/ ahimusikasobbhaṃ va sevetha sayanāsanaṃ
th/03001/ sukhañ ce jīvituṃ icche sāmaññasmiṃ apekkhavā
th/03002/ itarītarena tusseyya ekadhammañ ca bhāvayetidhaniyo
th/03003/ thero
th/03004/ atisītaṃ atiuṇhaṃ atisāyam idaṃ ahū
th/03005/ iti vissaṭṭhakammante khaṇā accenti māṇave
th/03006/ yo ca sītañ ca uṇhañ ca tiṇā bhiyyo na maññati
th/03007/ karaṃ purisakiccāni/ so sukhā na vihāyati
th/03008/ dabbaṃ kusaṃ poṭakilaṃ usīraṃ mañjapabbajaṃ
th/03009/ urasā panudahissāmi vivekam anubrūhayan ti
th/03010/ mātaṅgaputto thero
th/03011/ ye cittakathī bahussutā samaṇā pāṭaliputtavāsino
th/03012/ tesaññataroyam āyuvā dvāre tiṭṭhati khujjasobhito
th/03013/ ye cittakathī bahussutā samaṇā pāṭaliputtavāsino
th/03014/ tesaññataroyam āyuvā dvāre tiṭṭhati māluterito
th/03015/ suyuddhena suyiṭṭhena saṃgāmavijayena ca
th/03016/ brahmacariyānuciṇṇena evāyaṃ sukham edhati
th/03017/ khujjasobhito thero
th/03018/ yodha koci manussesu parapāṇāni hiṃsati
th/03019/ asmā lokā paramhā ca ubhayā dhaṃsate naro
th/03020/ yo ca mettena cittena sabbapāṇānukampati
th/03021/ bahuṃ hi so pasavati puññaṃ tādisako naro
th/03022/ subhāsitassa sikkhetha samaṇupāsanassa ca
th/03023/ ekāsanassa ca raho cittavūpasamassa cāti
th/03024/ vāraṇathero
th/03025/ eko pi saddho medhāvī asaddhānidha ñātinaṃ
th/03026/ dhammaṭṭho sīlasampanno hoti atthāya bandhunaṃ
th/03027/ niggayha anukampāya coditā ñātayo mayā
th/03028/ ñātibandhavapemena kāraṃ katvāna bhikkhusu
th/03029/ te abbhatītā kālakatā pattā te tidivaṃ sukhaṃ
th/03030/ bhātaro mayhaṃ mātā ca modanti kāmakāminoti
th/03031/ passikathero
th/03032/ kālāpabbaṅgasaṃkāso kiso dhamanisantato
th/03033/ mattaññu annapānamhi adīnamanaso naro
th/03101/ phuṭṭho ḍaṃsehi makasehi araññasmiṃ brahāvane
th/03102/ nāgo saṃgāmasīse va sato tatrādhivāsaye
th/03103/ yathā brahmā tathā eko/ yathā devo tathā duve
th/03104/ yathā gāmo tathā tayo/ kolāhalaṃ tatuttarin ti
th/03105/ yasojathero
th/03106/ ahū tuyhaṃ pure saddhā/ sā te ajja na vijjati
th/03107/ yaṃ tuyhaṃ tuyhaṃ evetaṃ/ natthi duccaritaṃ
th/03108/ mama
th/03109/ aniccā hi calā saddhā evaṃ diṭṭhā hi sā mayā
th/03110/ rajjanti pi virajjanti/ tattha kiṃ jiyyate muni
th/03111/ paccati munino bhattaṃ thokaṃ thokaṃ kule kule
th/03112/ piṇḍikāya carissāmi/ atthi jaṅghabalaṃ mamāti
th/03113/ sāṭimattiyathero
th/03114/ saddhāya adhinikkhamma navapabbajito navo
th/03115/ mitte bhajeyya kalyāṇe suddhājīve atandite
th/03116/ saddhāya abhinikkhamma navapabbajito navo
th/03117/ saṃghasmiṃ viharaṃ bhikkhu sikkhetha vinayaṃ
th/03118/ budho
th/03119/ saddhāya abhinikkhamma navapabbajito navo
th/03120/ kappākappesu kusalo careyya apurakkhato
th/03121/ upāli thero
th/03122/ paṇḍitaṃ vata maṃ santaṃ alamatthavicintakaṃ
th/03123/ pañca kāmaguṇā loke sammohā pātayiṃsu maṃ
th/03124/ pakkhanno māravisaye daḷhasallasamappito
th/03125/ asakkhiṃ maccurājassa ahaṃ pāsā pamuccituṃ
th/03126/ sabbe kāmā pahīnā me/ bhavā sabbe padālitā
th/03127/ vikkhīṇo jātisaṃsāro/ natthi dāni punabbhavoti
th/03128/ uttarapālo thero
th/03129/ suṇātha ñātayo sabbe yāvantettha samāgatā
th/03130/ dhammaṃ vo desayissāmi/ dukkhā jāti punappunaṃ
th/03131/ ārabhatha nikkhamatha yañjatha buddhasāsane
th/03132/ dhunātha maccuno senaṃ naḷāgāraṃ va kuñjaro
th/03133/ yo imasmiṃ dhammavinaye appamatto vihessati
th/03134/ pahāya jātisaṃsāraṃ dukkhassantaṃ karissatīti
th/03135/ abhibhūtathero
th/03201/ saṃsaraṃ hi nirayaṃ agacchisaṃ/ petalokam agamaṃ
th/03202/ punappunaṃ
th/03203/ dukkhamamhi pi tiracchānayoniyā nekadhā hi vusitaṃ
th/03204/ ciraṃ mayā
th/03205/ mānuso pi ca bhavobhirādhito/ saggakāyam agamaṃ
th/03206/ sakiṃ sakiṃ
th/03207/ rūpadhātusu arūpadhātusu nevasaññisu asaññisu ṭṭhitaṃ
th/03209/ sambhavā suviditā asārakā saṃkhatā pacalitā saderitā
th/03210/ taṃ viditvā maham attasambhavaṃ santim eva satimā
th/03211/ samajjhagan ti
th/03212/ gotamo thero
th/03213/ yo pubbe karaṇīyāni
th/03214/ hārito thero
th/03215/ pāpamitte vivajjetvā bhajeyyuttamapuggale
th/03216/ ovāde cassa tiṭṭheyya patthento acalaṃ sukhaṃ
th/03217/ parittaṃ dārum
th/03218/ vimalo thero
th/03219/ uddānaṃ
th/03220/ aṅgaṇiko bhāradvājo paccayo bākulo isi
th/03221/ dhaniyo mātaṅgaputto sobhito vāraṇo isi
th/03222/ passiko ca yasojo ca sāṭimattiyupāli ca u
th/03223/ uttarapālo abhibhūto gotamo hārito pi ca
th/03224/ thero tikanipātamhi nibbāne vimalo kato
th/03225/ aṭṭhatālīsa gāthāyo/ therā soḷasa kittitāti
th/03226/ tikanipāto niṭṭhito
th/03301/ catukkanipāto
th/03302/ alaṃkatā suvasanā mālinī candanussadā
th/03303/ majjhe mahāpathe nārī turiye naccati naṭṭakī
th/03304/ piṇḍikāya paviṭṭhohaṃ gacchanto naṃ udikkhisaṃ
th/03305/ alaṃkataṃ suvasanaṃ maccupāsaṃ va oḍḍitaṃ
th/03306/ tato me manasīkāro yoniso udapajjatha
th/03307/ ādīnavo pāturahū/ nibbidā samatiṭṭhata
th/03308/ tato cittaṃ vimucci me/ passa dhammasudhammataṃ
th/03309/ tisso vijjā anuppattā/ kataṃ buddhassa sāsanan ti
th/03310/ nāgasamālathero
th/03311/ ahaṃ middhena pakato vihārā upanikkhamiṃ
th/03312/ caṅkamaṃ abhirūhanto tatheva papatiṃ chamā
th/03313/ gattāni parimajjitvā puna pāruyha caṅkamaṃ
th/03314/ caṅkame caṅkamiṃ sohaṃ ajjhattaṃ susamāhito
th/03315/ tato me
th/03316/ bhagu thero
th/03317/ pare ca na vijānanti mayam ettha yamāmase
th/03318/ ye ca tattha vijānanti/ tato sammanti medhagā
th/03319/ yadā ca avijānantā iriyanty amarā viyā
th/03320/ vijānanti ca ye dhammaṃ āturesu anāturā
th/03321/ yaṃ kiñci sithilaṃ kammaṃ saṃkiliṭṭhañ ca yaṃ vataṃ
th/03322/ saṃkassaraṃ brahmacariyaṃ/ na taṃ hoti mahapphalaṃ
th/03324/ yassa sabrahmacārīsu gāravo nūpalabbhati
th/03325/ ārakā hoti saddhammā nabhaṃ puthaviyā yathāti
th/03326/ sabhiyo thero
th/03327/ dhir atthu pūre duggandhe mārapakkhe avassute
th/03328/ nava sotāni te kāye yāni sandanti sabbadā
th/03401/ mā purāṇam amaññittho/ māsādesi tathāgate
th/03402/ sagge pi te na rajjanti kim aṅga pana mānuse
th/03403/ ye ca kho bālā dummedhā dummantī mohapārutā
th/03404/ tādisā tattha rajjanti mārakhittasmi bandhane
th/03405/ yesaṃ rāgo ca doso ca avijjā ca virājitā
th/03406/ tādī tattha na rajjanti chinnasuttā abandhanāti
th/03407/ nandako thero
th/03408/ pañcapaññāsa vassāni rajojallam adhārayiṃ
th/03409/ bhuñjanto māsikaṃ bhattaṃ kesamassuṃ alocayiṃ
th/03410/ ekapādena aṭṭhāsiṃ/ āsanaṃ parivajjayiṃ
th/03411/ sukkhagūthāni ca khādiṃ/ uddesañ ca na sādiyiṃ
th/03412/ etādisaṃ karitvāna bahuṃ duggatigāminaṃ
th/03413/ vuyhamāno mahoghena buddhaṃ saraṇam āgamaṃ
th/03414/ saraṇagamanaṃ passa/ passa dhammasudhammataṃ
th/03415/ tisso vijjā anuppattā/ kataṃ buddhassa sāsanan ti
th/03416/ jambuko thero
th/03417/ svāgataṃ vata me āsi gayāyaṃ gayaphagguyā
th/03418/ yaṃ addasāsiṃ sambuddhaṃ desentaṃ dhammam uttamaṃ
th/03420/ mahappabhaṃ gaṇācariyaṃ aggapattaṃ vināyakaṃ
th/03421/ sadevakassa lokassa jinaṃ atuladassanaṃ
th/03422/ mahānāgaṃ mahāvīraṃ mahājutim anāsavaṃ
th/03423/ sabbāsavaparikkhīṇaṃ satthāram akutobhayaṃ
th/03424/ cirasaṃkiliṭṭhaṃ vata maṃ diṭṭhisandānasanditaṃ
th/03425/ vimocayī so bhagavā sabbaganthehi senakan ti
th/03426/ senako thero
th/03427/ yo dandhakāle tarati taraṇīye ca dandhaye
th/03428/ ayonisosaṃvidhānena bālo dukkhaṃ nigacchati
th/03429/ tassatthā parihāyanti kālapakkhe va candimā
th/03430/ āyasakyañ ca pappoti mittehi ca virujjhatīti
th/03431/ yo dandhakāle dandheti taraṇīye ca tāraye
th/03432/ yonisosaṃ vidhānena sukhaṃ pappoti paṇḍito
th/03433/ tassatthā paripūranti sukkapakkhe va candimā
th/03434/ yaso kittiñ ca pappoti/ mittehi na virujjhatīti
th/03435/ sambhūto thero
th/03501/ catukkanipāto
th/03502/ ubhayeneva sampanno rāhulabhaddoti maṃ vidu
th/03503/ yañ camhi putto buddhassa/ yañ ca dhammesu cakkhumā
th/03505/ yañ ca me āsavā khīṇā/ yañ ca natthi punabbhavo
th/03506/ arahā dakkhiṇeyyomhi teyijjo amataddaso
th/03507/ kāmandhā jālasañchannā taṇhāchadanachāditā
th/03508/ pamattabandhunā baddhā macchā va kumināmakhe
th/03509/ taṃ kāmam aham ujjhitvā chetvā mārassa bandhanaṃ
th/03510/ samūlaṃ taṇham abbuyha sītibhūtosmi nibbutoti
th/03511/ rāhulo thero
th/03512/ jātarūpena pacchannā dāsīgaṇapurakkhatā
th/03513/ aṅkena puttam ādāya bhariyā maṃ upāgami
th/03514/ tañ ca disvāna āyantiṃ sakaputtassa mātaraṃ
th/03515/ alaṃkataṃ suvasanaṃ maccupāsaṃ va oḍḍitaṃ
th/03516/ tato me
th/03517/ candano thero
th/03518/ dhammo have rakkhati dhammacāriṃ/ dhammo suciṇṇo
th/03519/ sukham āvahāti
th/03520/ esānisaṃso dhamme suciṇṇe/ na duggatiṃ gacchati dhammacārī
th/03522/ na hi dhammo adhammo ca ubho samavipākino
th/03523/ adhammo nirayaṃ neti/ dhammo pāpeti suggatiṃ
th/03524/ tasmā hi dhammesu kareyya chandaṃ iti modamāno
th/03525/ sugatena tādinā
th/03526/ dhamme ṭhitā sugatavarassa sāvakā niyyanti dhīrā saraṇavaraggagāmino
th/03528/ vipphoṭito gaṇḍamūlo/ taṇhājālo samūhato
th/03529/ so khīṇasaṃsāro na catthi kiñcanaṃ cando yathā dosināpuṇṇamāsiyāti
th/03531/ dhammiko thero
th/03532/ yadā balākā sucipaṇḍaracchadā kāḷassa meghassa bhayena
th/03533/ tajjitā
th/03534/ palehiti ālayam ālayesinī/ tadā nadī ajakaraṇī rameti
th/03535/ maṃ
th/03601/ yadā balākā suvisuddhapaṇḍarā kāḷassa meghassa bhayena
th/03602/ tajjitā
th/03603/ pariyesati lenam alenadassinī/ tadā nadī ajakaraṇī remeti
th/03604/ maṃ
th/03605/ kan nu tattha na ramenti jambuyo ubhato tahiṃ
th/03606/ sobhenti āpagākūlaṃ mahālenassa pacchato
th/03607/ tāmatamadasaṃghasuppahīnā bhekā mandavatī panādayanti
th/03608/ nājja girinadīhi vippavāsasamayo/ khemā ajakaraṇī sivā
th/03609/ surammāti
th/03610/ sappako thero
th/03611/ pabbajiṃ jīvikatthohaṃ/ laddhāna upasampadaṃ
th/03612/ tato saddhaṃ paṭilabhiṃ/ daḷhaviriyo parakkamiṃ
th/03613/ kāmaṃ bhijjatuyaṃ kāyo maṃsapesī visīyaruṃ
th/03614/ ubhojannukasandhīhi jaṅghāyo papatantu me
th/03615/ nāsissaṃ na pivissāmi vihārā ca na nikkhame
th/03616/ na pi passaṃ nipātessaṃ taṇhāsalle anūhate
th/03617/ tassa mevaṃ
th/03618/ mudito thero
th/03619/ uddānaṃ
th/03620/ nāgasamālo bhagu ca sabhiyo nandako pi ca
th/03621/ jambuko senako thero sambhūto rāhulo pi ca
th/03622/ bhavati candano thero/ dasete buddhasāvakā/ u
th/03623/ dhammiko sappako thero mudito cāpi te tayo
th/03624/ gāthāyo dve ca paññāsa therā sabbe pi terasāti
th/03625/ catukkanipāto niṭṭhito
th/03701/ pañcanipāto
th/03702/ bhikkhu sīvathikaṃ gantvā addasaṃ itthim ujjhitaṃ
th/03703/ apaviddhaṃ susānasmiṃ khajjantiṃ kimihī phuṭaṃ
th/03704/ yaṃ hi eke jigucchanti mataṃ disvāna pāpakaṃ
th/03705/ kāmarāgo pāturahū/ andho va savatī ahuṃ
th/03706/ oraṃ odanapākamhā tamhā ṭhānā apakkamiṃ
th/03707/ satimā sampajānohaṃ ekamantaṃ upāvisiṃ
th/03708/ tato me
th/03709/ rājadatto thero
th/03710/ ayoge yuñjam attānaṃ puriso kiccam icchato
th/03711/ caraṃ ce nādhigaccheyya/ taṃ me dubbhagalakkhaṇaṃ
th/03713/ abbūḷhaṃ aghataṃ vijitaṃ ekañ ce ossajjeyya kalī va siyā
th/03714/ sabbāni pi ce ossajjeyya andho va siyā samavisamassa
th/03715/ adassanato
th/03716/ yañ hi kayirā
th/03717/ yathāpi ruciraṃ pupphaṃ vaṇṇavantaṃ agandhakaṃ
th/03718/ evaṃ subhāsitā vācā aphalā hoti akubbato
th/03719/ yathāpi ruciraṃ pupphaṃ vaṇṇavantaṃ sagandhakaṃ
th/03720/ evaṃ subhāsitā vācā saphalā hoti sakubbatoti
th/03721/ subhūto thero
th/03801/ vassati devo yathā sugītaṃ/ channā me kuṭikā sukhā nivātā
th/03802/ tassaṃ viharāmi vūpasanto/ atha ce patthayasi pavassa
th/03803/ deva
th/03804/ vassati devo yathā sugītaṃ/ channā me kuṭikā sukhā nivātā
th/03805/ tassaṃ viharāmi santacitto/ pa/ tassaṃ viharāmi vītarāgo
th/03806/ vītadoso/ vītamoho/ atha ce patthayasi
th/03807/ pavassa devāti
th/03808/ girimānando thero
th/03809/ yaṃ patthayāno dhammesu upajjhāyo anuggahi
th/03810/ amataṃ abhikaṅkhantaṃ/ kataṃ kattabbakaṃ mayā
th/03811/ anuppatto sacchikato sayaṃ dhammo anītiho
th/03812/ visuddhañāṇo nikkhaṅkho byākaromi tavantike
th/03813/ pubbenivāsaṃ jānāmi/ dibbacakkhuṃ visodhitaṃ
th/03814/ sadattho me anuppatto/ kataṃ buddhassa sāsanaṃ
th/03815/ appamattassa me sikkhā sussutā tava sāsane
th/03816/ sabbe me āsavā khīṇā/ natthi dāni punabbhavo
th/03817/ anusāsi maṃ ariyavatā/ anukampī anuggahi
th/03818/ amogho tuyham ovādo/ antevāsimhi sikkhitoti
th/03819/ sumano thero
th/03820/ sādhu hi kira me mātā patodaṃ upadaṃsayi
th/03821/ yassāhaṃ vacanaṃ sutvā anusiṭṭho janettiyā
th/03822/ āraddhaviriyo pahitatto patto sambodhim uttamaṃ
th/03823/ arahā dakkhiṇeyyomhi tevijjo amataddaso
th/03824/ jitvā namucino senaṃ viharāmi anāsavo
th/03825/ ajjhattañ ca bahiddhā ca ye me vijjiṃsu āsavā
th/03826/ sabbe asesā ucchinnā na ca uppajjare puna
th/03827/ visāradā kho bhaginī etaṃ atthaṃ abhāsayi
th/03828/ api hā nūna mayi pi vanatho te na vijjati
th/03829/ pariyantakataṃ dukkhaṃ/ antimoyaṃ samussayo
th/03830/ jātimaraṇasaṃsāro/ natthi dāni punabbhavoti
th/03831/ vaḍḍho thero
th/03832/ atthāya vata me buddho nadiṃ nerañjaraṃ agā
th/03833/ yassāhaṃ dhammaṃ sutvāna micchādiṭṭhiṃ vivajjayiṃ
th/03901/ yajiṃ uccāvace yaññe/ aggihuttaṃ juhiṃ ahaṃ
th/03902/ esā suddhīti maññanto andhabhūto puthujjano
th/03903/ diṭṭhigahaṇapakkhanno parāmāsena mohito
th/03904/ asuddhiṃ maññisaṃ suddhiṃ andhabhūto aviddasu
th/03905/ micchādiṭṭhi pahīnā me/ bhavā sabbe vidālitā
th/03906/ juhāmi dakkhiṇeyyaggiṃ/ namassāmi tathāgataṃ
th/03907/ mohā sabbe pahīnā me/ bhavataṇhā padālitā
th/03908/ vikkhīṇo jātisaṃsāro/ natthi dāni punabbhavoti
th/03909/ nadīkassapo thero
th/03910/ pāto majjhantikaṃ sāyaṃ tikkhattuṃ divasassahaṃ
th/03911/ otariṃ udakaṃ sotaṃ gayāya gayaphagguyā
th/03912/ yaṃ mayā pakataṃ pāpaṃ pubbe aññāsu jātisu
th/03913/ tan dānīdha pavāhemi/ evaṃdiṭṭhi pure ahuṃ
th/03914/ sutvā subhāsitaṃ vācaṃ dhammatthasahitaṃ padaṃ
th/03915/ tathaṃ yathāvakaṃ atthaṃ yoniso paccavekkhisaṃ
th/03916/ ninhātasabbapāpomhi nimmalo payato suci
th/03917/ suddho suddhassa dāyādo putto buddhassa oraso
th/03918/ ogayhaṭṭhaṅgikaṃ sotaṃ sabbapāpaṃ pavāhayiṃ
th/03919/ tisso vijjā ajjhagamiṃ/ kataṃ buddhassa sāsanan ti
th/03920/ gayākassapo thero
th/03921/ vātarogābhinīto tvaṃ viharaṃ kānane vane
th/03922/ paviddhagocare lūkhe kathaṃ bhikkhu karissasi
th/03923/ pītisukhena vipulena pharamāno samussayaṃ
th/03924/ lūkham pi abhisambhonto viharissāmi kānane
th/03925/ bhāvento satipaṭṭhāne indriyāni balāni ca
th/03926/ bojjhaṅgāni ca bhāvento viharissāmi kānane
th/03927/ āraddhaviriye pahitatte niccaṃ daḷhaparakkame
th/03928/ samagge sahite disvā viharissāmi kānane
th/03929/ anussaranto sambuddhaṃ aggadantaṃ samāhitaṃ
th/03930/ atandito rattidivaṃ viharissāmi kānaneti
th/03931/ vakkali thero
th/03932/ olaggessāmi te citta āṇidvāre va hatthinaṃ
th/03933/ na taṃ pāpe niyojessaṃ kāmajāla sarīraja
th/04001/ tvaṃ olaggo na gacchisi dvāravivaraṃ gajo va alabhanto
th/04002/ na ca cittakali punappunaṃ pasahan pāparato carissasi
th/04003/ yathā kuñjaraṃ adantaṃ navaggaham aṅkusaggaho
th/04004/ balavā āvatteti akāmaṃ/ evaṃ āvattayissan taṃ
th/04005/ yathā varahayadamakusalo sārathi pavaro dameti ājaññaṃ
th/04006/ evaṃ damayissan taṃ patiṭṭhito pañcasu balesu
th/04007/ satiyā taṃ nibandhissaṃ/ payatatto vo damessāmi
th/04008/ viriyadhuraniggahīto na yito dūraṃ gamissase cittāti
th/04009/ vijitaseno thero
th/04010/ upārambhacitto dummedho suṇāti jinasāsanaṃ
th/04011/ ārakā hoti saddhammā nabhaso pathavī yathā
th/04012/ upārambhacitto dummedho suṇāti jinasāsanaṃ
th/04013/ parihāyati saddhammā kāḷapakkhe va candimā
th/04014/ upārambhacitto dummedho suṇāti jinasāsanaṃ
th/04015/ parisussati saddhamme maccho appodake yathā
th/04016/ upārambhacitto dummedho suṇāti jinasāsanaṃ
th/04017/ na virūhati saddhamme khette bījaṃ va pūtikaṃ
th/04018/ yo ca tuṭṭhena cittena suṇāti jinasāsanaṃ
th/04019/ khepetvā āsave sabbe sacchikatvā akuppataṃ
th/04020/ pappuyya paramaṃ santiṃ parinibbāti anāsavoti
th/04021/ yasadatto thero
th/04022/ upasampadā ca me laddhā/ vimutto camhi anāsavo
th/04023/ so ca me bhagavā diṭṭho/ vihāre ca sahāvasiṃ
th/04024/ bahud eva rattiṃ bhagavā abbhokāsetināmayi
th/04025/ vihārakusalo satthā vihāraṃ pāvisī tadā
th/04026/ santharitvāna saṃghāṭiṃ seyyaṃ kappesi gotamo
th/04027/ sīho selaguhāyaṃ va pahīnabhayabheravo
th/04028/ tato kalyāṇavākkaraṇo sammāsambuddhasāvako
th/04029/ soṇo abhāsi saddhammaṃ buddhaseṭṭhassa sammukhā
th/04030/ pañca kkhandhe pariññāya bhāvayitvāna añjasaṃ
th/04031/ pappuyya paramaṃ santiṃ parinibbissaty anāsavoti
th/04032/ soṇo kuṭikaṇṇo thero
th/04101/ yo ve garūnaṃ vacanaññu dhīro vase ca tamhi janayetha
th/04102/ pemaṃ
th/04103/ so bhattimā nāma ca hoti paṇḍito ñatvā ca dhammesu
th/04104/ visesi assa
th/04105/ yaṃ āpadā uppatitā uḷārā na kkhambhayante paṭisaṃkhayantaṃ
th/04107/ so thāmavā nāma ca hoti paṇḍito ñatvā ca dhammesu visesi
th/04108/ assa
th/04109/ yo ve samuddo va ṭhito anejo gambhīrapañño nipuṇatthadassī
th/04111/ asaṃhāriyo nāma ca hoti
th/04112/ bahussuto dhammadharo ca hoti/ dhammassa hoti anudhammacārī
th/04114/ so tādiso nāma ca hoti
th/04115/ atthañ ca yo jānāti bhāsitassa atthañ ca ñatvāna tathā
th/04116/ karoti
th/04117/ atthantaro nāma sa hoti paṇḍito ñatvā ca dhammesu visesi
th/04118/ assāti
th/04119/ kosiyo thero
th/04120/ uddānaṃ
th/04121/ rājadatto subhūto ca girimānandasumano
th/04122/ vaḍḍho ca kassapo thero gayākassapavakkali u
th/04123/ vijito yasadatto ca soṇo kosiyasavhayo
th/04124/ saṭṭhi ca pañcagāthāyo/ therā ca ettha dvādasāti
th/04125/ pañcanipāto
th/04201/ chanipāto
th/04202/ disvāna pāṭihīrāni gotamassa yasassino
th/04203/ na tāvāhaṃ paṇipatiṃ issāmānena vañcito
th/04204/ mama saṃkappam aññāya codesi narasārathi
th/04205/ tato me āsi saṃvego abbhuto lomahaṃsano
th/04206/ pubbe jaṭilabhūtassa yā me iddhi parittikā
th/04207/ tāhaṃ tadā niraṃkatvā pabbajiṃ jinasāsane
th/04208/ pubbe yaññena santuṭṭho kāmadhātupurakkhato
th/04209/ pacchā rāgañ ca dosañ ca mohañ cāpi samūhaniṃ
th/04210/ pubbenivāsaṃ jānāmi/ dibbacakkhuṃ visodhitaṃ
th/04211/ iddhimā paracittaññū dibbasotañ ca pāpuṇiṃ
th/04212/ yassa catthāya pabbajito agārasmā anagāriyaṃ
th/04213/ so me attho anuppatto sabbasaṃyojanakkhayoti
th/04214/ uruveḷakassapo thero
th/04215/ atihitā vīhi/ khalagatā sāli/ na ca labhe piṇḍaṃ/ katham
th/04216/ ahaṃ kassaṃ
th/04217/ buddham appameyyaṃ anussara/ pasanno pītiyā phuṭasarīro
th/04218/ hohisi satatam udaggo
th/04219/ dhammam appameyyaṃ/ pa/ saṃgham appameyyaṃ
th/04220/ pa
th/04221/ abbhokāse viharasi/ sītā hemantikā imā rattiyo
th/04222/ mā sītena pareto vihaññittho/ pavisa tvaṃ vihāraṃ phusitaggaḷaṃ
th/04224/ phusissaṃ catasso appamaññāyo tāhi ca sukhito viharissaṃ
th/04225/ nāhaṃ sītena vihaññissaṃ aniñjito viharantoti
th/04226/ tekicchakāni thero
th/04301/ yassa sabrahmacārīsu gāravo nūpalabbhati
th/04302/ parihāyati saddhammā maccho appodake yathā
th/04303/ yassa sabrahmacārīsu
th/04304/ na virūhati saddhamme khette bījaṃ va pūtikaṃ
th/04305/ yassa sabrahmacārīsu
th/04306/ ārakā hoti nibbānā dhammarājassa sāsane
th/04307/ yassa sabrahmacārīsu gāravo upalabbhati
th/04308/ na vihāyati saddhammā maccho bavhodake yathā
th/04309/ yassa
th/04310/ so virūhati saddhamme khette bījaṃ va bhaddakaṃ
th/04311/ yassa
th/04312/ santike hoti nibbānaṃ dhammarājassa sāsaneti
th/04313/ mahānāgo thero
th/04314/ kullo sīvathikaṃ gantvā addasaṃ itthiṃ ujjhitaṃ
th/04315/ apaviddhaṃ susānasmiṃ khajjantiṃ kimihī phuṭaṃ
th/04316/ āturaṃ asuciṃ pūtiṃ passa kulla samussayaṃ
th/04317/ uggharantaṃ paggharantaṃ bālānaṃ abhinanditaṃ
th/04318/ dhammādāsaṃ gahetvāna ñāṇadassanapattiyā
th/04319/ paccavekkhiṃ imaṃ kāyaṃ tucchaṃ santarabāhiraṃ
th/04320/ yathā idaṃ tathā etaṃ/ yathā etaṃ tathā idaṃ
th/04321/ yathā adho tathā uddhaṃ/ yathā uddhaṃ tathā adho
th/04322/ yathā divā tathā rattiṃ/ yathā rattiṃ tathā divā
th/04323/ yathā pure tathā pacchā/ yathā pacchā tathā pure
th/04324/ pañcaṅgikena turiyena na rati hoti tādisī
th/04325/ yathā ekaggacittassa sammā dhammaṃ vipassatoti
th/04326/ kullo thero
th/04327/ manujassa pamattacārino taṇhā vaḍḍhati māḷuvā viyā
th/04328/ so palavatī hurāhuraṃ phalam icchaṃ va vanasmi vānaro
th/04330/ yaṃ esā sahatī jammī taṇhā loke visattikā
th/04331/ sokā tassa pavaḍḍhanti abhivaḍḍhaṃ va bīraṇaṃ
th/04332/ yo ve taṃ sahatī jammiṃ taṇhaṃ loke duraccayaṃ
th/04333/ sokā tamhā papatanti udabindu va pokkharā
th/04401/ taṃ vo vadāmi bhaddaṃ vo yāvantettha samāgatā
th/04402/ taṇhāya mūlaṃ khaṇatha usīrattho va bīraṇaṃ
th/04403/ mā vo naḷaṃ va soto va māro bhañji punappunaṃ
th/04404/ karotha buddhavacanaṃ/ khaṇo ve mā upaccagā
th/04405/ khaṇātītā hi socanti nirayamhi samappitā
th/04406/ pamādo rajo/ pamādānupatito rajo
th/04407/ appamādena vijjāya abbahe sallam attanoti
th/04408/ māluṅkyaputto thero
th/04409/ paṇṇavīsativassāni yato pabbajito ahaṃ
th/04410/ accharāsaṃghātamattam pi cetosantim anajjhagaṃ
th/04411/ aladdhā cittassekaggaṃ kāmarāgena addito
th/04412/ bāhā paggayha kandanto vihārān upanikkhamiṃ
th/04413/ satthaṃ vā āharissāmi/ ko attho jīvitena me
th/04414/ kathaṃ hi sikkhaṃ paccakkhaṃ kālaṃ kubbetha mādiso
th/04416/ tadāhaṃ khuram ādāya mañcakamhi upāvisiṃ
th/04417/ parinīto khuro āsi dhamaniṃ chettum attano
th/04418/ tato me
th/04419/ sappadāsatthero
th/04420/ uṭṭhāhi nisīda kātiyāna mā niddābahulo ahu jāgarassu
th/04421/ mā taṃ alasaṃ pamattabandhu kūṭeneva jinātu maccurājā
th/04423/ sayathāpi mahāsamuddavego evaṃ jātijarātivattate taṃ
th/04424/ so karohi sudīpam attano tvaṃ/ na hi tāṇaṃ tava vijjateva
th/04425/ aññaṃ
th/04426/ satthā hi vijesi maggam etaṃ saṅgā jātijarābhayā atītaṃ
th/04427/ pubbāpararattam appamatto anuyuñjassu daḷhaṃ karohi
th/04428/ yogaṃ
th/04429/ purimāni pamuñca bandhanāni saṃghāṭīkhuramuṇḍabhikkhabhojī
th/04431/ mā khiḍḍāratiñ ca mā niddaṃ anuyuñjittha jhiyāya
th/04432/ kātiyāna
th/04501/ jhāyāhi jināhi kātiyāna/ yogakkhemapathe sukovidosi
th/04502/ pappuyya anuttaraṃ visuddhiṃ parinibbāhisi vārinā va
th/04503/ joti
th/04504/ pajjotakaro paritaraṃso vātena vinamyate latā va
th/04505/ evam pi tuvaṃ anādiyāno māraṃ indasagotta niddhunāhi
th/04506/ so vedayitāsu vītarāgo kālaṃ kaṅkha idheva sītibhūtoti
th/04508/ kātiyāno thero
th/04509/ sudesito cakkhumatā buddhenādiccabandhunā
th/04510/ sabbasaṃyojanātīto sabbavaṭṭavināsano
th/04511/ niyyāniko uttaraṇo taṇhāmūlavisosano
th/04512/ visamūlaṃ āghātanaṃ chetvā pāpeti nibbutiṃ
th/04513/ aññāṇamūlabhedāya kammayantavighāṭano
th/04514/ viññāṇānaṃ pariggahe ñāṇavajiranipātano
th/04515/ vedanānaṃ viññāpano upādānappamocano
th/04516/ bhavaṃ aṅgārakāsuṃ va ñāṇena anupassako
th/04517/ mahāraso sugambhīro jarāmaccunivāraṇo
th/04518/ ariyo aṭṭhaṅgiko maggo dukkhūpasamano sivo
th/04519/ kammaṃ kamman ti ñatvāna vipākañ ca vipākato
th/04520/ paṭiccuppannadhammānaṃ yathāvālokadassano
th/04521/ mahākhemaṃgamo santo pariyosānabhaddakoti
th/04522/ migajālo thero
th/04523/ jātimadena mattohaṃ bhogaissariyena ca
th/04524/ saṇṭhāṇavaṇṇarūpena madamatto acārihaṃ
th/04525/ nāttano samakaṃ kañci atirekaṃ ca maññisaṃ
th/04526/ atimānahato bālo patthaddho ussitaddhajo
th/04527/ mātaraṃ pitarañ cāpi aññe pi garusammate
th/04528/ na kañci abhivādesiṃ mānatthaddho anādaro
th/04529/ disvā vināyakaṃ aggaṃ sārathīnaṃ varuttamaṃ
th/04530/ tapantam iva ādiccam bhikkhusaṃghapurakkhataṃ
th/04531/ mānaṃ madañ ca chaḍḍetvā vippasannena cetasā
th/04532/ sirasā abhivādesiṃ sabbasattānam uttamaṃ
th/04601/ atimāno ca omāno pahīnā susamūhatā
th/04602/ asmimāno samucchinno/ sabbe mānavidhā hatāti
th/04603/ jento purohitaputto thero
th/04604/ yadā navo pabbajito jātiyā sattavassiko
th/04605/ iddhiyā abhibhotvāna pannagindaṃ mahiddhikaṃ
th/04606/ upajjhayassa udakaṃ anotattā mahāsarā
th/04607/ āharāmi/ tato disvā maṃ satthā etad abravī
th/04608/ sāriputta imaṃ passa āgacchantaṃ kumārakaṃ
th/04609/ udakumbhakam ādāya ajjhattaṃ susamāhitaṃ
th/04610/ pāsādikena vattena kalyāṇairiyāpatho
th/04611/ sāmaṇeronuruddhassa iddhiyā ca visārado
th/04612/ ājāniyena ājañño sādhunā sādhukārito
th/04613/ vinīto anuruddhena katakiccena sikkhito
th/04614/ so patvā pāramaṃ santiṃ sacchikatvā akuppataṃ
th/04615/ sāmaṇero sa sumano mā maṃ jaññāti icchatīti
th/04616/ sumano thero
th/04617/ vātarogābhinīto tvaṃ viharaṃ kānane vane
th/04618/ paviddhagocare lūkhe kathaṃ bhikkhu karissasi
th/04619/ pūtisukhena vipulena pharitvāna samussayaṃ
th/04620/ lūkham pi abhisambhonto viharissāmi kānane
th/04621/ bhāvento satta bojjhaṅge indriyāni balāni ca
th/04622/ jhānasokhummasamupanno viharissaṃ anāsavo
th/04623/ vippamuttaṃ kilesehi suddhacittaṃ anāvilaṃ
th/04624/ abhiṇhaṃ paccavekkhanto viharissaṃ anāsavo
th/04625/ ajjhattañ ca bahiddhā ca ye me vijjiṃsu āsavā
th/04626/ sabbe asesā ucchinnā na ca uppajjare puna
th/04627/ pañca kkhandhā pariññātā tiṭṭhanti chinnamūlakā
th/04628/ dukkhakkhayo anuppatto/ natthi dāni punabbhavoti
th/04630/ nhātakamuni thero
th/04631/ akkodhassa kuto kodho dantassa samajīvino
th/04632/ sammadaññāvimuttassa upasantassa tādino
th/04701/ tasseva tena pāpiyyo yo kudhaṃ paṭikujjhati
th/04702/ kuddhaṃ appaṭikujjhanto saṃgāmaṃ jeti dujjayaṃ
th/04703/ ubhinnam atthaṃ carati attano ca parassa ca
th/04704/ paraṃ saṃkupitaṃ ñatvā yo sato upasammati
th/04705/ ubhinnaṃ tikicchantan taṃ attano ca parassa ca
th/04706/ janā maññanti bāloti ye dhammassa akovidā
th/04707/ uppajjate sace kodhe/ āvajja kakacūpamaṃ
th/04708/ uppajje ce rase taṇhā/ puttamaṃsūpamaṃ sara
th/04709/ sace dhāvati te cittaṃ kāmesu ca bhavesu ca
th/04710/ khippaṃ niggaṇha satiyā kiṭṭhādaṃ viya duppasun ti
th/04711/ brahmadatto thero
th/04712/ channam ativassati/ vivaṭaṃ nātivassati
th/04713/ tasmā channaṃ vivaretha/ evan taṃ nātivassati
th/04714/ maccunabbhāhato loko/ jarāya parivārito
th/04715/ taṇhāsallena otiṇṇo/ icchādhūpāyito sadā
th/04716/ maccunabbhāhato loko parikkhitto jarāya ca
th/04717/ haññati niccam attāṇo pattadaṇḍo va takkaro
th/04718/ āgacchantaggikhandhā va maccubyādhijarā tayo
th/04719/ paccuggantuṃ balaṃ natthi/ javo natthi palāyituṃ
th/04721/ amoghaṃ divasaṃ kayirā appena bahukena vā
th/04722/ yaṃ yaṃ vijahate rattiṃ tadūnan tassa jīvitaṃ
th/04723/ carato tiṭṭhato vāpi āsīnasayanassa vā
th/04724/ upeti carimā ratti/ na te kālo pamajjitun ti
th/04725/ sirimaṇḍo thero
th/04726/ dipādakoyam asuci duggandho parihīrati
th/04727/ nānākuṇapaparipūro vissavanto tato tato
th/04728/ migaṃ nilīnaṃ kūṭena baliseneva ambujaṃ
th/04729/ vānaraṃ viya lepena bādhayanti puthujjanaṃ
th/04730/ rūpā saddā rasā gandhā phoṭṭhabbā ca manoramā
th/04731/ pañca kāmaguṇā ete itthirūpasmiṃ dissare
th/04801/ ye etā upasevanti rattacittā puthujjanā
th/04802/ vaḍḍhenti kaṭasiṃ ghoraṃ ācinanti punabbhavaṃ
th/04803/ yo vetā parivajjeti sappasseva padā siro
th/04804/ somaṃ visattikaṃ loke sato samativattati
th/04805/ kāmesv ādīnavaṃ disvā nekkhammaṃ daṭṭhu khemato
th/04806/ nissaṭo sabbakāmehi/ patto me āsavakkhayoti
th/04807/ sabbakāmo thero
th/04808/ uddānaṃ
th/04809/ uruveḷakassapo ca thero tekicchakāni ca
th/04810/ mahānāgo ca kullo ca māluto sappadāsako u
th/04811/ kātiyāno ca migajālo jento sumanasavhayo
th/04812/ nhātamuni brahmadatto sirimaṇḍo sabbakāmako
th/04813/ gāthāyo caturāsīti/ therā cettha catuddasāti
th/04814/ chanipāto niṭṭhito
th/04901/ sattanipāto
th/04902/ alaṃkatā suvasanā māladhārī vibhūsitā
th/04903/ alattakakatāpādā pādukāruyha vesikā
th/04904/ pādukā oruhitvāna purato pañjalīkatā
th/04905/ sā maṃ saṇhena mudunā mhitapubbaṃ abhāsatha
th/04906/ yuvāsi tvaṃ pabbajito/ tiṭṭhāhi mama sāsane
th/04907/ bhuñja mānusake kāme/ ahaṃ vittaṃ dadāmi te
th/04908/ saccan te paṭijānāmi/ aggiṃ vā te harāmahaṃ
th/04909/ yadā jiṇṇā bhavissāma ubho daṇḍaparāyanā
th/04910/ ubho pi pabbajissāma/ ubhayattha kaṭaggaho
th/04911/ tañ ca disvāna yācantiṃ vesikaṃ pañjalīkataṃ
th/04912/ alaṃkataṃ suvasanaṃ maccupāsaṃ va oḍḍitaṃ
th/04913/ tato me
th/04914/ sundarasamuddo thero
th/04915/ pare ambāṭakārāme vanasaṇḍamhi bhaddiyo
th/04916/ samūlaṃ taṇham abbuyha tattha bhaddo jhiyāyati
th/04917/ ramanteke mutiṅgehi vīṇāhi paṇavehi ca
th/04918/ ahañ ca rukkhamūlasmiṃ rato buddhassa sāsane
th/04919/ buddho ca me varaṃ dajjā so ca labbhetha me varo
th/04920/ gaṇhehaṃ sabbalokassa niccaṃ kāyagatāsatiṃ
th/04921/ ye maṃ rūpena pāmiṃsu ye ca ghosena anvagū
th/04922/ chandarāgavasūpetā na maṃ jānanti te janā
th/04923/ ajjhattañ ca na jānāti bahiddhā ca na passati
th/04924/ samantāvaraṇo bālo/ sa ve ghosena vuyhati
th/04925/ ajjhattañ ca na jānāti bahiddhā ca vipassati
th/04926/ bahiddhāphaladassāvī/ so pi ghosena vuyhati
th/04927/ ajjhattañ ca pajānāti bahiddhā ca vipassati
th/04928/ anāvaraṇadassāvī/ na so ghosena vuyhatīti
th/04929/ lakuṇṭako thero
th/05001/ ekaputto ahaṃ āsiṃ piyo mātu piyo pitu
th/05002/ bahūhi vatacariyāhi laddho āyācanāhi ca
th/05003/ te ca maṃ anukampāya atthakāmā hitesino
th/05004/ ubho pitā ca mātā ca buddhassa upanāmayuṃ
th/05005/ kicchā laddho ayaṃ putto sukhumālo sukhedito
th/05006/ imaṃ dadāma te nātha jinassa paricārakaṃ
th/05007/ satthā ca maṃ paṭiggayha ānandaṃ etad abravi
th/05008/ pabbājehi imaṃ khippaṃ/ hessaty ājāniyo ayaṃ
th/05009/ pabbājetvāna maṃ satthā vihāraṃ pāvisī jino
th/05010/ anoggatasmiṃ suriyasmiṃ tato cittaṃ vimucci me
th/05011/ tato satthā niraṃkatvā paṭisallānavuṭṭhito
th/05012/ ehi bhaddāti maṃ āha/ sā me āsūpasampadā
th/05013/ jātiyā sattavassena laddhā me upasampadā
th/05014/ tisso vijjā anuppattā/ aho dhammasudhammatāti
th/05015/ bhaddo thero
th/05016/ disvā pāsādachāyāyaṃ caṅkamantaṃ naruttamaṃ
th/05017/ tattha naṃ upasaṃkamma vandissaṃ purisuttamaṃ
th/05018/ ekaṃsaṃ cīvaraṃ katvā saṃharitvāna pāṇiyo
th/05019/ anucaṅkamissaṃ virajaṃ sabbasattānam uttamaṃ
th/05020/ tato pañhe apucchi maṃ pañhānaṃ kovido vidū
th/05021/ acchambhī ca abhīto ca byākāsiṃ satthuno ahaṃ
th/05022/ vissajjitesu pañhesu anumodi tathāgato
th/05023/ bhikkhusaṃghaṃ viloketvā imam atthaṃ abhāsatha
th/05024/ lābhā aṅgāna magadhānaṃ yesāyaṃ paribhuñjati
th/05025/ cīvaraṃ piṇḍapātañ ca paccayaṃ sayanāsanaṃ
th/05026/ paccuṭṭhānañ ca sāmīciṃ/ tesaṃ lābhāti cabravī
th/05027/ ajjadagge maṃ sopāka dassanāyopasaṃkama
th/05028/ esā ceva te sopāka bhavatu upasampadā
th/05029/ jātiyā sattavassohaṃ laddhāna upasampadaṃ
th/05030/ dhāremi antimaṃ dehaṃ/ aho dhammasudhammatāti
th/05032/ sopāko thero
th/05033/ sare hatthehi bhañjitvā katvāna kuṭim acchisaṃ
th/05034/ tena me sarabhaṅgoti nāmaṃ sammutiyā ahū
th/05101/ na mayhaṃ kappate ajja sare hatthehi bhañjituṃ
th/05102/ sikkhāpadā no paññattā gotamena yasassinā
th/05103/ sakalaṃ samattaṃ rogaṃ sarabhaṅgo nāddasaṃ pubbe
th/05104/ soyaṃ rogo diṭṭho vacanakarenātidevassa
th/05105/ yeneva maggena gato vipassī yeneva maggena sikhī ca
th/05106/ vessabhū
th/05107/ kakusandhakoṇāgamano ca kassapo tenañjasena agamāsi
th/05108/ gotamo
th/05109/ vītataṇhā anādānā satta buddhā khayogadhā
th/05110/ yehayaṃ desito dhammo dhamabhūtehi tādihi
th/05111/ cattāri ariyasaccāni anukampāya pāṇinaṃ
th/05112/ dukkhaṃ samudayo maggo nirodho dukkhasaṃkhayo
th/05113/ yasmiṃ nibbattate dukkhaṃ saṃsārasmiṃ anantakaṃ
th/05114/ bhedā imassa kāyassa jīvitassa ca saṃkhayā
th/05115/ añño punabbavo natthi/ suvimuttomhi sabbadhīti
th/05116/ sarabhaṅgo thero
th/05117/ uddānaṃ
th/05118/ sundarasamuddo thero thero lakuṇṭabhaddiyo
th/05119/ bhaddo thero ca sopāko sarabhaṅgo mahā isi
th/05120/ sattake pañcakā therā/ gāthāyo pañcatiṃsatīti
th/05121/ niṭṭhito ca sattanipāto
th/05201/ aṭṭhanipāto
th/05202/ kammaṃ bahukaṃ na kāraye/ parivajjeyya janaṃ/ na
th/05203/ uyyame
th/05204/ so ussuko rasānugiddho atthaṃ riñcati yo sukhādhivāho
th/05206/ paṅkoti hi naṃ avedayuṃ yāyaṃ vandanapūjanā kulesu
th/05207/ sukhumaṃ sallaṃ durubbahaṃ/ sakkāro kāpurisena
th/05208/ dujjaho
th/05209/ na parassupanidhāya kammaṃ maccassa pāpakaṃ
th/05210/ attanā taṃ na seveyya/ kammabandhū hi mātiyā
th/05211/ na pare vacanā coro/ na pare vacanā muni
th/05212/ attānañ ca yathā veti devāpi naṃ tathā vidu
th/05213/ pare ca na vijānanti mayam ettha yamāmase
th/05214/ ye ca tattha vijānanti/ tato sammanti medhagā
th/05215/ jīvatevāpi sappañño api vittaparikkhayā
th/05216/ paññāya ca alābhena vittavāpi na jīvati
th/05217/ sabbaṃ suṇāti sotena/ sabbaṃ passati cakkhunā
th/05218/ na ca diṭṭhaṃ sutaṃ dhīro sabbam ujjhitum arahati
th/05219/ cakkhumassa yathā andho/ sotavā badhiro yathā
th/05220/ paññāvassa yathā mūgo/ balavā dubbaloriva
th/05221/ atha atthe samuppanne sayetha matasāyikan ti
th/05222/ mahākaccāyano thero
th/05223/ akkodhano anupanāhī amāyo rittapesuṇo
th/05224/ sa ve tādisako bhikkhu evaṃ pecca na socati
th/05225/ akkodhano anupanāhī amāyo rittapesuṇo
th/05226/ guttadvāro sadā bhikkhu evaṃ pecca na socati
th/05227/ akkodhano
th/05228/ kalyāṇasīlo yo bhikkhu evaṃ pecca na socati
th/05229/ akkodhano
th/05230/ kalyāṇamitto yo bhikkhu evaṃ pecca na socati
th/05301/ akkodhano
th/05302/ kalyāṇapañño yo bhikkhu evaṃ pecca na socati
th/05303/ yassa saddhā tathāgate acalā supatiṭṭhitā
th/05304/ sīlañ ca yassa kalyāṇaṃ ariyakantaṃ pasaṃsitaṃ
th/05305/ saṃghe pasādo yassatthi ujubhūtañ ca dassanaṃ
th/05306/ adaḷiddoti taṃ āhu/ amoghan tassa jīvitaṃ
th/05307/ tasmā saddhañ ca sīlañ ca pasādaṃ dhammadassanaṃ
th/05308/ anuyuñjetha medhāvī saraṃ buddhāna sāsanan ti
th/05309/ sirimitto thero
th/05310/ yadā paṭhamam addakkhiṃ satthāraṃ akutobhayaṃ
th/05311/ tato me ahu saṃvego passitvā purisuttamaṃ
th/05312/ siriṃ hatthehi pādehi yo paṇāmeyya āgataṃ
th/05313/ etādisaṃ so satthāraṃ ārādhetvā virādhaye
th/05314/ tadāhaṃ puttadārañ ca dhanadhaññañ ca chaḍḍayiṃ
th/05315/ kesamassūni chedetvā pabbajiṃ anagāriyaṃ
th/05316/ sikkhāsājīvasampanno indriyesu susaṃvuto
th/05317/ namassamāno sambuddhaṃ vihāsiṃ aparājito
th/05318/ tato me paṇidhī āsi cetaso abhipatthito
th/05319/ na nisīde muhuttam pi taṇhāsalle anūhate
th/05320/ tassa mevaṃ viharato passa viriyaparakkamaṃ
th/05321/ tisso vijjā anuppattā/ kataṃ buddhassa sāsanaṃ
th/05322/ pubbenivāsaṃ jānāmi/ dibbacakkhuṃ visodhitaṃ
th/05323/ arahā dakkhiṇeyyomhi vippamutto nirūpadhi
th/05324/ tato ratyā vivasane suriyassuggamanaṃ pati
th/05325/ sabbaṃ taṇhaṃ visosetva pallaṅkena upāvisin ti
th/05326/ mahāpanthako thero
th/05327/ uddānaṃ
th/05328/ mahākaccāyano thero sirimitto mahāpanthako
th/05329/ ete aṭṭhanipātamhi/ gāthāyo catuvīsatīti
th/05330/ aṭṭhanipāto niṭṭhito
th/05401/ navanipāto
th/05402/ yadā dukkhaṃ jarāmaraṇan ti paṇḍito aviddasū yattha sitā
th/05403/ puthujjanā
th/05404/ dukkhaṃ pariññāya satova jhāyati/ tato ratiṃ paramataraṃ
th/05405/ na vindati
th/05406/ yadā dukkhassāvahaniṃ visattikaṃ papañcasaṃghāṭadukhādhivāhaniṃ
th/05408/ taṇhaṃ pahatvāna satova jhāyati/ tato ratiṃ paramataraṃ
th/05409/ na vindati
th/05410/ yadā sivaṃ dvecaturaṅgagāminaṃ magguttamaṃ sabbakilesasodhanaṃ
th/05412/ paññāya passitvā satova jhāyati/ tato
th/05413/ yadā asokaṃ virajaṃ asaṃkhataṃ santaṃ padaṃ sabbakilesasodhanaṃ
th/05415/ bhāveti saññojanabandhanacchidaṃ/ tato
th/05416/ yadā nabhe gajjati meghadundubhi dhārākulā vihaṅgapathe
th/05417/ samantato
th/05418/ bhikkhu ca pabbhāragatova jhāyati/ tato
th/05419/ yadā nadīnaṃ kusumākulānaṃ vicittavāneyyavaṭaṃsakānaṃ
th/05421/ tīre nisinno sumanova jhāyati/ tato
th/05422/ yadā nisīthe rahitamhi kānane deve gaḷantamhi nadanti
th/05423/ dāṭhino
th/05424/ bhikkhu ca pabbhāragatova jhāyati/ tato
th/05425/ yadā vitakke uparundhiyattano nagantare nagavivaraṃ
th/05426/ samassito
th/05427/ vītaddaro vigatakhilova jhāyati/ tato
th/05501/ yadā sukhī malakhilasokanāsano niraggalo nibbanatho
th/05502/ visallo
th/05503/ sabbāsave byantikatova jhāyati/ tato ratiṃ paramataraṃ
th/05504/ na vindatīti
th/05505/ bhūto thero
th/05506/ uddānaṃ
th/05507/ bhūto tathaddaso thero eko khaggavisāṇavā
th/05508/ navakamhi nipātamhi/ gāthāyo pi imā navāti
th/05509/ navanipāto niṭṭhito
th/05601/ dasanipāto
th/05602/ aṅgārino dāni dumā bhadante phalesino chadanaṃ vippahāya
th/05604/ te accimanto va pabhāsayanti/ samayo mahāvīra bhagī
th/05605/ rasānaṃ
th/05606/ dumāni phullāni manoramāni samantato sabbadisā pavanti
th/05607/ pattaṃ pahāya phalam āsasānā/ kālo ito pakkamanāya
th/05608/ vīra
th/05609/ nevātisītaṃ na panātiuṇhaṃ sukhā utu addhaniyā
th/05610/ bhadante
th/05611/ passantu taṃ sākiyā koḷiyā ca pacchāmukhaṃ rohiṇiyaṃ
th/05612/ tarantaṃ
th/05613/ āsāya kassate khettaṃ/ bījaṃ āsāya vuppati
th/05614/ āsāya vāṇijā yanti samuddaṃ dhanahārakā
th/05615/ yāya āsāya tiṭṭhāmi/ sā me āsā samijjhatu
th/05616/ punappunaṃ ceva vapanti bījaṃ/ punappunaṃ vassati
th/05617/ devarājā
th/05618/ punappunaṃ khettaṃ kasanti kassakā/ punappunaṃ
th/05619/ dhaññam upeti raṭṭhaṃ
th/05620/ punappunaṃ yācanakā caranti/ punappunaṃ dānapatī
th/05621/ dadanti
th/05622/ punappunaṃ dānapatī daditvā punappunaṃ saggam upenti
th/05623/ ṭhānaṃ
th/05701/ vīro have sattayugaṃ puneti yasmiṃ kule jāyati bhūripañño
th/05703/ maññāmahaṃ sakkati devadevo/ tayā hi jāto muni saccanāmo
th/05705/ suddhodano nāma pitā mahesino/ buddhassa mātā pana
th/05706/ māyanāmā
th/05707/ yā bodhisattaṃ parihariya kucchinā kāyassa bhedā tidivasmi
th/05708/ modati
th/05709/ sā gotamī kālakatā ito cutā dibbehi kāmehi samaṅgibhūtā
th/05710/ sā modati kāmaguṇehi pañcahi parivāritā devagaṇehi
th/05711/ tehi
th/05712/ buddhassa puttomhi asayhasāhino aṅgīrasassappaṭimassa
th/05713/ tādino
th/05714/ pitu pitā mayhaṃ tuvaṃsi sakka/ dhammena me gotama
th/05715/ ayyakosīti
th/05716/ kāḷudāyī thero
th/05717/ purato pacchato vāpi aparo ce na vijjati
th/05718/ atīva phāsu bhavati ekassa vasato vane
th/05719/ handa eko gamissāmi araññaṃ buddhavaṇṇitaṃ
th/05720/ phāsuṃ ekavihārissa pahitattassa bhikkhuno
th/05721/ yogipītikaraṃ rammaṃ mattakuñjarasevitaṃ
th/05722/ eko atthavasī khippaṃ pavisissāmi kānanaṃ
th/05723/ supupphite sītavane sītale girikandare
th/05724/ gattāni parisiñcitvā caṅkamissāmi ekako
th/05725/ ekākiyo adutiyo ramaṇīye mahāvane
th/05726/ kadāhaṃ viharissāmi katakicco anāsavo
th/05727/ evaṃ me kattukāmassa adhippāyo samijjhatu
th/05728/ sādhayissāmahaṃ yeva/ nañño aññassa kārako
th/05729/ esa bandhāmi sannāhaṃ/ pavisissāmi kānanaṃ
th/05730/ ne tato nikkhamissāmi appatto āsavakkhayaṃ
th/05731/ mālute upavāyante sīte surabhigandhake
th/05732/ avijjaṃ dālayissāmi nisinno nagamuddhani
th/05733/ vane kusumasañchanne pabbhāre nūna sītale
th/05734/ vimuttisukhena sukhito ramissāmi giribbaje
th/05801/ sohaṃ paripuṇṇasaṃkappo cando pannaraso yathā
th/05802/ sabbāsavaparikkhīṇo/ natthi dāni punabbhavoti
th/05803/ ekavihāriyo thero
th/05804/ anāgataṃ yo paṭigacca passati hitañ ca atthaṃ ahitañ ca
th/05805/ taṃ dvayaṃ
th/05806/ viddesino tassa hitesino vā randhaṃ na passanti samekkhamānā
th/05808/ ānāpānasatī yassa paripuṇṇā subhāvitā
th/05809/ anupubbaṃ paricitā yathā buddhena desitā
th/05810/ somaṃ lokaṃ pabhāseti abbhā mutto va candimā
th/05811/ odātaṃ vata me cittaṃ appamāṇaṃ subhāvitaṃ
th/05812/ nibbiddhaṃ paggahītañ ca sabbā obhāsate disā
th/05813/ jīvatevāpi sappañño api vittaparikkhayā
th/05814/ paññāya ca alābhena vittavāpi na jīvati
th/05815/ paññā sutavinicchinī/ paññā kittisilokavaddhanī
th/05816/ paññāsahito naro idha api dukkhesu sukhāni vindati
th/05818/ nāyaṃ ajjatano dhammo nacchero na pi abbhuto
th/05819/ yattha jāyetha mīyetha/ tattha kiṃ viya abbhutaṃ
th/05820/ anantaraṃ hi jātassa jīvitā maraṇaṃ dhuvaṃ
th/05821/ jātā jātā marantīdha/ evaṃdhammā hi pāṇino
th/05822/ na hetad atthāya matassa hoti yaṃ jīvitatthaṃ paraporisānaṃ
th/05824/ matamhi ruṇṇaṃ/ na yaso na lokyaṃ/ na vaṇṇitaṃ samaṇabrāhmaṇehi
th/05826/ cakkhuṃ sarīraṃ upahanti roṇṇaṃ/ nihīyatī vaṇṇabalaṃ
th/05827/ matī ca
th/05828/ ānandino tassa divā bhavanti/ hitesino nāssa sukhī
th/05829/ bhavanti
th/05830/ tasmā hi iccheyya kule vasante medhāvino ceva bahussute
th/05831/ ca
th/05901/ yesaṃ hi paññāvibhavena kiccaṃ taranti nāvāya nadiṃ va
th/05902/ puṇṇan ti
th/05903/ mahākappino thero
th/05904/ dandhā mayhaṃ gatī āsi/ paribhūto pure ahaṃ
th/05905/ bhātā ca maṃ paṇāmesi/ gaccha dāni tuvaṃ gharaṃ
th/05906/ sohaṃ paṇāmito santo saṃghārāmassa koṭṭhake
th/05907/ dummano tattha aṭṭhāsiṃ sāsanasmiṃ apekkhavā
th/05908/ bhagavā tattha āgacchi/ sīsaṃ mayhaṃ parāmasi
th/05909/ bāhāya maṃ gahetvāna saṃghārāmaṃ pavesayi
th/05910/ anukampāya me satthā pādāsi pādapuñchaniṃ
th/05911/ etaṃ suddhaṃ adhiṭṭhehi ekamantaṃ svadhiṭṭhitaṃ
th/05912/ tassāhaṃ vacanaṃ sutvā vihāsiṃ sāsane rato
th/05913/ samādhiṃ paṭipādesiṃ uttamatthassa pattiyā
th/05914/ pubbenivāsaṃ jānāmi/ dibbacakkhuṃ visodhitaṃ
th/05915/ tisso vijjā anuppattā/ kataṃ buddhassa sāsanaṃ
th/05916/ sahassakkhattum attānaṃ nimminitvāna panthako
th/05917/ nisīdi ambavane ramme yāva kālappavedanaṃ
th/05918/ tato me satthā pāhesi dūtaṃ kālappavedakaṃ
th/05919/ paveditamhi kālamhi vehāsān upasaṃkamiṃ
th/05920/ vanditvā satthuno pāde ekamantaṃ nisīdahaṃ
th/05921/ nisinnaṃ maṃ viditvāna atha satthā paṭiggahi
th/05922/ āyāgo sabbalokassa āhutīnaṃ paṭiggaho
th/05923/ puññakhettaṃ manussānaṃ paṭigaṇhittha dakkhiṇan
th/05924/ ti
th/05925/ cūḷapanthako thero
th/05926/ nānākulamalasampuṇṇo mahāukkārasambhavo
th/05927/ candanikaṃ va paripakkaṃ mahāgaṇḍo mahāvaṇo
th/05928/ pubbaruhirasampuṇṇo gūthakūpe nigāḷhiko
th/05929/ āpopaggharaṇī kāyo sadā sandati pūtikaṃ
th/06001/ saṭṭhikaṇḍarasambandho maṃsalepanalepito
th/06002/ cammakañcukasannaddho pūtikāyo niratthako
th/06003/ aṭṭhisaṃghāṭaghaṭito nhārusuttanibandhano
th/06004/ nekesaṃ saṃgatibhāvā kappeti iriyāpathaṃ
th/06005/ dhuvappayāto maraṇassa maccurājassa santike
th/06006/ idheva chaḍḍayitvāna yenakāmaṃgamo naro
th/06007/ avijjāya nivuto kāyo/ catuganthena ganthito
th/06008/ oghasaṃsīdano kāyo/ anusayajālamotthato
th/06009/ pañcanīvaraṇe yutto/ vitakkena samappito
th/06010/ taṇhāmūlenānugato/ mohacchadanachādito
th/06011/ evāyaṃ vattatī kāyo kammayantena yantito
th/06012/ sampatti ca vipatyantā/ nānābhavo vipajjati
th/06013/ yemaṃ kāyaṃ mamāyanti andhabālā puthujjanā
th/06014/ vaḍḍhenti kaṭasiṃ ghoraṃ/ ādiyanti punabbhavaṃ
th/06015/ yemaṃ kāyaṃ vivajjenti gūthalittaṃ va pannagaṃ
th/06016/ bhavamūlaṃ vamitvāna parinibbissanty anāsavāti
th/06017/ kappo thero
th/06018/ vivittaṃ appanigghosaṃ vāḷamiganisevitaṃ
th/06019/ seve senāsanaṃ bhikkhu paṭisallānakāraṇā
th/06020/ saṃkārapuñjā āhatvā susānā rathiyāhi ca
th/06021/ tato saṃghāṭikaṃ katvā lūkhaṃ dhāreyya cīvaraṃ
th/06023/ nīcaṃ manaṃ karitvāna sapadānaṃ kulā kulaṃ
th/06024/ piṇḍikāya care bhikkhu guttadvāro susaṃvuto
th/06025/ lūkhena pi ca santusse/ nāññaṃ patthe rasaṃ bahuṃ
th/06026/ rasesu anugiddhassa jhāne na ramatī mano
th/06027/ appiccho ceva santuṭṭho pavivitto vase muni
th/06028/ asaṃsaṭṭho gahaṭṭhehi anāgārehi cūbhayaṃ
th/06029/ yathā jaḷo ca mūgo ca attānaṃ dassaye tathā
th/06030/ nātivelaṃ pabhāseyya saṃghamajjhamhi paṇḍito
th/06031/ na so upavade kañci/ upaghātaṃ vivajjaye
th/06032/ saṃvuto pātimokkhasmiṃ mattaññū cassa bhojane
th/06033/ suggahītanimittassa cittassuppādakovido
th/06034/ samathaṃ anuyuñjeyya kālena ca vipassanaṃ
th/06101/ viriyasātaccasampanno yuttayogo sadā siyā
th/06102/ na ca appatvā dukkhassantaṃ vissāsam eyya paṇḍito
th/06103/ evaṃ viharamānassa suddhikāmassa bhikkhuno
th/06104/ khīyanti āsavā sabbe nibbutiñ cādhigacchatīti
th/06105/ upaseno vaṅgantaputto thero
th/06106/ vijāneyya sakaṃ atthaṃ/ avalokeyyātha pāvacanaṃ
th/06107/ yañ cettha assa paṭirūpaṃ sāmaññaṃ ajjhupagatassa
th/06108/ mittaṃ idha kalyāṇaṃ sikkhāvipulaṃ samādānaṃ
th/06109/ sussūsā ca garūnaṃ/ etaṃ samaṇassa paṭirūpaṃ
th/06110/ buddhesu sagāravatā dhamme apaciti yathābhūtaṃ
th/06111/ saṃghe ca cittikāro/ etaṃ samaṇassa paṭirūpaṃ
th/06112/ ācāragocare yutto ājīvo sodhito agārayho
th/06113/ cittassa saṇṭhapanaṃ/ etaṃ samaṇassa paṭirūpaṃ
th/06114/ cārittaṃ atha vārittaṃ iriyāpathiyaṃ pasādaniyaṃ
th/06115/ adhicitte ca āyogo/ etaṃ
th/06116/ āraññakāni senāsanāni pantāni appasaddāni
th/06117/ bhajitabbāni muninā/ etaṃ
th/06118/ sīlañ ca bāhusaccañ ca dhammānaṃ pavicayo yathābhūtaṃ
th/06119/ saccānaṃ abhisamayo/ etaṃ
th/06120/ bhāveyya aniccan ti anattasaññaṃ asubhasaññañ ca
th/06121/ lokamhi ca anabhiratiṃ/ etaṃ
th/06122/ bhāveyya ca bojjhaṅge iddhipādāni indriyabalāni
th/06123/ aṭṭhaṅgamaggam ariyaṃ/ etaṃ
th/06124/ taṇhaṃ pajaheyya munī/ samūlake āsave padāleyya
th/06125/ vihareyya vimutto/ etaṃ samaṇassa paṭirūpan ti
th/06126/ gotamo thero
th/06127/ uddānaṃ
th/06128/ kāḷudāyī ca so thero ekavihārī ca kappino
th/06129/ cūḷapanthako kappo ca upaseno ca gotamo
th/06130/ sattime dasake therā/ gāthāyo cettha sattatīti
th/06131/ dasanipāto niṭṭhito
th/06201/ ekādasanipāto
th/06202/ kin tavattho vane tāta ujjuhāno va pāvuse
th/06203/ verambā ramaṇīyā te/ paviveko hi jhāyinaṃ
th/06204/ yathā abbhāni verambo vāto nudati pāvuse
th/06205/ saññā me abhikīranti vivekapaṭisaññutā
th/06206/ apaṇḍaro aṇḍasambhavo sīvathikāya niketacāriko
th/06207/ uppādayateva me satiṃ sandehasmi virāganissitaṃ
th/06208/ yañ ca aññe na rakkhanti yo ca aññe na rakkhati
th/06209/ sa ve bhikkhu sukhaṃ seti kāmesu anapekkhavā
th/06210/ acchodikā puthusilā gonaṅgulamigāyutā
th/06211/ ambusevālasañchannā te selā ramayanti maṃ
th/06212/ vasitam me araññesu kandarāsu guhāsu ca
th/06213/ senāsanesu pantesu vāḷamiganisevite
th/06214/ ime haññantu vajjhantu dukkhaṃ pappontu pāṇino
th/06215/ saṃkappaṃ nābhijānāmi anariyaṃ dosasaṃhitaṃ
th/06216/ pariciṇṇo mayā satthā/ kataṃ buddhassa sāsanaṃ
th/06217/ ohito garuko bhāro/ bhavanetti samūhatā
th/06218/ yassa catthāya pabbajito agārasmā anagāriyaṃ
th/06219/ so me attho anuppatto sabbasaṃyojanakkhayo
th/06220/ nābhinandāmi maraṇam nābhinandāmi jīvitaṃ
th/06221/ kālañ ca paṭikaṅkhāmi nibbisaṃ bhatako yathā
th/06222/ nābhinandāmi maraṇaṃ nābhinandāmi jīvitaṃ
th/06223/ kālañ ca paṭikaṅkhāmi sampajāno patissatoti
th/06224/ saṃkiccathero
th/06225/ uddānaṃ
th/06226/ saṃkiccathero eko va katakicco anāsavo
th/06227/ ekādasanipātamhi/ gāthā ekādaseva tāti
th/06228/ ekādasanipāto niṭṭhito
th/06301/ dvādasanipāto
th/06302/ sīlam evidha sikkhetha asmiṃ loke susikkhitaṃ
th/06303/ sīlaṃ hi sabbasampattiṃ upanāmeti sevitaṃ
th/06304/ sīlaṃ rakkheyya medhāvī patthayāno tayo sukhe
th/06305/ pasaṃsaṃ vittilābhañ ca pecca sagge ca modanaṃ
th/06306/ sīlavā hi bahū mitte saññamenādhigacchati
th/06307/ dussīlo pana mittehi dhaṃsate pāpam ācaraṃ
th/06308/ avaṇṇañ ca akittiñ ca dussīlo labhate naro
th/06309/ vaṇṇaṃ kittiṃ pasaṃsañ ca sadā labhati sīlavā
th/06310/ ādi sīlaṃ patiṭṭhā ca kalyāṇānañ ca mātukaṃ
th/06311/ pamukhaṃ sabbadhammānaṃ/ tasmā sīlaṃ visodhaye
th/06312/ velā ca saṃvaraṃ sīlaṃ cittassa abhibhāsanaṃ
th/06313/ titthañ ca sabbabuddhānaṃ/ tasmā sīlaṃ visodhaye
th/06314/ sīlaṃ balaṃ appaṭimaṃ/ sīlaṃ āvudham uttamaṃ
th/06315/ sīlam ābharaṇaṃ seṭṭhaṃ/ sīlaṃ kavacam abbhutaṃ
th/06316/ sīlaṃ setu mahesakkho/ sīlaṃ gandho anuttaro
th/06317/ sīlaṃ vilepanaṃ seṭṭhaṃ yena vāti diso disaṃ
th/06318/ sīlaṃ sambalam evaggaṃ/ sīlaṃ pātheyyam uttamaṃ
th/06319/ sīlaṃ seṭṭho ativāho yena yāti diso disaṃ
th/06320/ idheva nindaṃ labhati peccāpāye ca dummano
th/06321/ sabbattha dummano bālo sīlesu asamāhito
th/06322/ idheva kittiṃ labhati pecca sagge ca summano
th/06323/ sabbattha sumano dhīro sīlesu susamāhito
th/06324/ sīlam eva idha aggaṃ/ paññavā pana uttamo
th/06325/ manussesu ca devesu sīlapaññāṇato jayan ti
th/06326/ sīlavatthero
th/06327/ nīce kulamhi jātohaṃ daḷiddo appabhojano
th/06328/ hīnaṃ kammaṃ mamaṃ āsi/ ahosiṃ pupphachaḍḍako
th/06329/ jigucchito manussānaṃ paribhūto ca vambhito
th/06330/ nīcaṃ manaṃ karitvāna vandissaṃ bahukaṃ janaṃ
th/06401/ athaddasāsiṃ sambuddhaṃ bhikkhusaṃghapurakkhataṃ
th/06402/ pavisantaṃ mahāvīraṃ magadhānaṃ puruttamaṃ
th/06403/ nikkhipitvāna byābhaṅgiṃ vandituṃ upasaṃkamiṃ
th/06404/ mameva anukampāya aṭṭhāsi purisuttamo
th/06405/ vanditvā satthuno pāde ekamantaṃ ṭhito tadā
th/06406/ pabbajjaṃ aham āyāciṃ sabbasattānam uttamaṃ
th/06407/ tato kāruṇiko satthā sabbalokānukampako
th/06408/ ehi bhikkhūti maṃ āha/ sā me āsupasampadā
th/06409/ sohaṃ eko araññasmiṃ viharanto atandito
th/06410/ akāsiṃ satthu vacanaṃ yathā maṃ ovadī jino
th/06411/ rattiyā paṭhamaṃ yāmaṃ pubbajātim anussariṃ
th/06412/ rattiyā majjhimaṃ yāmaṃ dibbacakkhuṃ visodhitaṃ
th/06413/ rattiyā pacchime yāme tamokhandhaṃ padālayiṃ
th/06414/ tato ratyā vivasane suriyassuggamanaṃ pati
th/06415/ indo brahmā ca āgantvā maṃ namassiṃsu pañjalī
th/06416/ namo te purisājañña/ namo te purisuttama
th/06417/ yassa te āsavā khīṇā/ dakkhiṇeyyosi mārisa
th/06418/ tato disvāna maṃ satthā devasaṃghapurakkhataṃ
th/06419/ sitaṃ pātukaritvāna imaṃ atthaṃ abhāsatha
th/06420/ tapena brahmacariyena saṃyamena damena ca
th/06421/ etena brāhmaṇo hoti/ etaṃ brāhmaṇam uttaman ti
th/06422/ sunīto thero
th/06423/ uddānaṃ
th/06424/ sīlavā ca sunīto ca therā dvete mahiddhikā
th/06425/ dvādasamhi nipātamhi/ gāthāyo catuvīsatīti
th/06426/ dvādasanipāto niṭṭhito
th/06501/ terasanipāto
th/06502/ yāhu raṭṭhe samukkaṭṭho rañño aṅgassa paddhagu
th/06503/ sv ājja dhammesu ukkaṭṭho soṇo dukkhassa pāragu
th/06504/ pañca chinde pañca jahe pañca cuttari bhāvaye
th/06505/ pañcasaṅgātigo bhikkhu oghatiṇṇoti vuccati
th/06506/ unnaḷassa pamattassa bāhirāsassa bhikkhuno
th/06507/ sīlaṃ samādhi paññā ca pāripūriṃ na gacchati
th/06508/ yaṃ hi kiccaṃ tad apaviddhaṃ/ akiccaṃ pana kayirati
th/06509/ unnaḷānaṃ pamattānaṃ tesaṃ vaḍḍhanti āsavā
th/06510/ yesañ ca susamāraddhā niccaṃ kāyagatā sati
th/06511/ akiccan te na sevanti kicce sātaccakārino
th/06512/ satānaṃ sampajānānaṃ atthaṃ gacchanti āsavā
th/06513/ ujumaggamhi akkhāte gacchatha mā nivattatha
th/06514/ attanā codayattānaṃ/ nibbānaṃ abhihāraye
th/06515/ accāraddhamhi viriyamhi satthā loke anuttaro
th/06516/ vīṇopamaṃ karitvā me dhammaṃ desesi cakkhumā
th/06517/ tassāhaṃ vacanaṃ sutvā vihāsiṃ sāsane rato
th/06518/ samataṃ paṭipādesiṃ uttamatthassa pattiyā
th/06519/ tisso vijjā anuppattā/ kataṃ buddhassa sāsanaṃ
th/06520/ nekkhamme adhimuttassa pavivekañ ca cetaso
th/06521/ abyāpajjhādhimuttassa upādānakkhayassa ca
th/06522/ taṇhakkhayādhimuttassa asammohañ ca cetaso
th/06523/ disvā āyatanuppādaṃ sammā cittaṃ vimuccati
th/06601/ tassa sammāvimuttassa santacittassa bhikkhuno
th/06602/ katassa paṭicayo natthi/ karaṇīyaṃ na vijjati
th/06603/ selo yathā ekaghano vātena na samīrati
th/06604/ evaṃ rūpā rasā saddā gandhā phassā ca kevalā
th/06605/ iṭṭhā dhammā aniṭṭhā ca na ppavedhenti tādino
th/06606/ ṭhitaṃ cittaṃ visaññuttaṃ vayañ cassānupassatīti
th/06607/ soṇo koḷiviso thero
th/06608/ uddānaṃ
th/06609/ soṇo koḷiviso thero eko yeva mahiddhiko
th/06610/ terasamhi nipātamhi/ gāthāyo cettha terasāti
th/06611/ terasanipāto niṭṭhito
th/06701/ cuddasanipāto
th/06702/ yadā ahaṃ pabbajito agārasmā anagāriyaṃ
th/06703/ nābhijānāmi saṃkappaṃ anariyaṃ dosasaṃhitaṃ
th/06704/ ime haññantu vajjhantu dukkhaṃ pappontu pāṇino
th/06705/ saṃkappaṃ nābhijānāmi imasmiṃ dīghamantare
th/06706/ mettañ ca abhijānāmi appamāṇaṃ subhāvitaṃ
th/06707/ anupubbaṃ paricitaṃ yathā buddhena desitaṃ
th/06708/ sabbamitto sabbasakho sabbabhūtānukampako
th/06709/ mettaṃ cittañ ca bhāvemi abyāpajjharato sadā
th/06710/ asaṃhīraṃ asaṃkuppaṃ cittaṃ āmodayāmahaṃ
th/06711/ brahmavihāraṃ bhāvemi akāpurisasevitaṃ
th/06712/ avitakkaṃ samāpanno sammāsambuddhasāvako
th/06713/ ariyena tuṇhibhāvena upeto hoti tāvade
th/06714/ yathāpi pabbato selo acalo suppatiṭṭhito
th/06715/ evaṃ mohakkhayā bhikkhu pabbato va na vedhati
th/06716/ anaṅgaṇassa posassa niccaṃ sucigavesino
th/06717/ vālaggamattaṃ pāpassa abbhāmattaṃ va khāyati
th/06718/ nagaraṃ yathā paccantaṃ guttaṃ santarabāhiraṃ
th/06719/ evaṃ gopetha attānaṃ/ khaṇo ve mā upaccagā
th/06720/ nābhinandāmi
th/06721/ pariciṇṇo
th/06722/ sampādethappamādena/ esā me anusāsanī
th/06723/ handāhaṃ parinibbissaṃ/ vippamuttomhi sabbadhīti
th/06724/ revato thero
th/06725/ yathāpi bhaddo ājañño dhure yutto dhurassaho
th/06726/ mathito atibhārena saṃyugaṃ nātivattati
th/06727/ evaṃ paññāya ye tittā samuddo vārinā yathā
th/06728/ na pare atimaññanti/ ariyadhammova pāṇinaṃ
th/06801/ kāle kālavasam pattā bhavābhavavasaṃ gatā
th/06802/ narā dukkhaṃ nigacchanti/ tedha socanti māṇavā
th/06803/ unnatā sukhadhammena dukkhadhammena vonatā
th/06804/ dvayena bālā haññanti yathābhūtaṃ adassino
th/06805/ ye ca dukkhe sukhasmiñ ca majjhe sibbanim ajjhagū
th/06806/ ṭhitā te indakhīlo va/ na te unnataonatā
th/06807/ na heva lābhe nālābhe na yase na ca kittiyā
th/06808/ na nindāyaṃ pasaṃsāya na te dukkhe sukhamhi ca
th/06809/ sabbattha te na lippanti udabindu va pokkhare
th/06810/ sabbattha sukhitā vīrā sabbattha aparājitā
th/06811/ dhammena ca alābho yo yo ca lābho adhammiko
th/06812/ alābho dhammiko seyyo yañ ce lābho adhammiko
th/06813/ yaso ca appabuddhīnaṃ viññūnaṃ ayaso ca yo
th/06814/ ayaso ca seyyo viññūnaṃ na yaso appabuddhinaṃ
th/06815/ dummedhehi pasaṃsā ca viññūhi garahā ca yā
th/06816/ garahāva seyyo viññūhi yañ ce bālappasaṃsanā
th/06817/ sukhañ ca kāmamayikaṃ dukkhañ ca pavivekiyaṃ
th/06818/ pavivekiyaṃ dukkhaṃ seyyo yañ ce kāmamayaṃ
th/06819/ sukhaṃ
th/06820/ jīvitañ ca adhammena dhammena maraṇañ ca yaṃ
th/06821/ maraṇaṃ dhammikaṃ seyyo yañ ce jīve adhammikaṃ
th/06822/ kāmakopapahīnā ye santacittā bhavābhave
th/06823/ caranti loke asitā/ natthi tesaṃ piyāppiyaṃ
th/06824/ bhāvayitvāna bojjhaṅge indriyāni balāni ca
th/06825/ pappuyya paramaṃ santiṃ parinibbanti anāsavāti
th/06826/ godatto thero
th/06827/ uddānaṃ
th/06828/ revato ceva godatto therā dve te mahiddhikā
th/06829/ cuddasamhi nipātamhi/ gāthāyo aṭṭhavīsatīti
th/06830/ cuddasanipāto niṭṭhito
th/06901/ soḷasanipāto
th/06902/ esa bhiyyo pasīdāmi sutvā dhammaṃ mahārasaṃ
th/06903/ virāgo desito dhammo anupādāya sabbaso
th/06904/ bahūni loke citrāni asmiṃ puthuvimaṇḍale
th/06905/ mathenti maññesaṃkappaṃ subhaṃ rāgūpasaṃhitaṃ
th/06906/ rajam upātaṃ vātena yathā megho pasāmaye
th/06907/ evaṃ sammanti saṃkappā yadā paññāya passati
th/06908/ sabbe saṃkhārā aniccāti yadā paññāya passati
th/06909/ atha nibbindatī dukkhe/ esa maggo visuddhiyā
th/06910/ sabbe saṃkhārā dukkhāti/ sabbe dhammā anattāti yadā
th/06911/ paññāya passati
th/06912/ atha nibbindatī dukkhe/ esa maggo visuddhiyā
th/06913/ buddhānubuddho yo thero koṇḍañño tibbanikkhamo
th/06914/ pahīnajātimaraṇo brahmacariyassa kevalī
th/06915/ oghāpāso daḷho khīlo/ pabbato duppadāliyo
th/06916/ chetvā khīlañ ca pāsañ ca selaṃ chetvāna dubbhidaṃ
th/06917/ tiṇṇo pāraṃgato jhāyī mutto so mārabandhanā
th/06918/ uddhato capalo bhikkhu mitte āgamma pāpake
th/06919/ saṃsīdati mahoghasmiṃ ummiyā paṭikujjito
th/06920/ anuddhato acapalo nipako saṃvutindriyo
th/06921/ kalyāṇamitto medhāvī dukkhassantakaro siyā
th/06922/ kālāpabbaṅgasaṃkāso
th/06923/ nābhinandāmi
th/06924/ pariciṇṇo
th/06925/ yassa catthāya pabbajito agārasmā anagāriyaṃ
th/06926/ so me attho anuppatto/ kiṃ me sandavihārenāti
th/06927/ aññākoṇḍañño thero
th/06928/ manussabhūtaṃ sambuddhaṃ attadantaṃ samāhitaṃ
th/06929/ iriyamānaṃ brahmapathe cittassupasame rataṃ
th/06930/ yaṃ manussā namassanti sabbadhammāna pāraguṃ
th/06931/ devāpi taṃ namassanti/ iti me arahato sutaṃ
th/07001/ sabbasaṃyojanātītaṃ vanā nibbanam āgataṃ
th/07002/ kāmehi nikkhammarataṃ muttaselā va kañcanaṃ
th/07003/ sa ve accantarucī nāgo himavāvaññe siluccaye
th/07004/ sabbesaṃ nāganāmānaṃ saccanāmo anuttaro
th/07005/ nāgaṃ vo kittayissāmi/ na hi āguṃ karoti so
th/07006/ soraccaṃ avihiṃsā ca pādā nāgassa te duve
th/07007/ sati ca sampajaññañ ca caraṇā nāgassa te pare
th/07008/ saddhāhattho mahānāgo/ upekkhāsetadantavā
th/07009/ sati gīvā/ siro paññā/ vīmaṃsā dhammacintanā
th/07010/ dhammakucchi/ samāvāso/ viveko tassa vāladhi
th/07011/ so jhāyī assāsarato ajjhattaṃ susamāhito
th/07012/ gacchaṃ samāhito nāgo/ ṭhito nāgo samāhito
th/07013/ sayaṃ samāhito nāgo/ nisinno pi samāhito
th/07014/ sabbattha saṃvuto nāgo/ esā nāgassa sampadā
th/07015/ bhuñjati anavajjāni/ sāvajjāni na bhuñjati
th/07016/ ghāsaṃ acchādanaṃ laddhā sannidhiṃ parivajjayaṃ
th/07017/ saṃyojanaṃ aṇuṃ thūlaṃ sabbaṃ chetvāna bandhanaṃ
th/07018/ yena yeneva gacchati anapekkhova gacchati
th/07019/ yathāpi udake jātaṃ puṇḍarīkaṃ pavaḍḍhati
th/07020/ nopalippati toyena sucigandhaṃ manoramaṃ
th/07021/ tatheva ca loke jāto buddho loke viharati
th/07022/ nopalippati lokena toyena padumaṃ yathā
th/07023/ mahāgini pajjalito anāhāro pasammati
th/07024/ aṅgāresu ca santesu nibbutoti pavuccati
th/07025/ atthassāyaṃ viññāpanī upamā viññūhi desitā
th/07026/ viññissanti mahānāgā nāgaṃ nāgena desitaṃ
th/07027/ vītarāgo vītadoso vītamoho anāsavo
th/07028/ sarīraṃ vijahaṃ nāgo parinibbissaty anāsavoti
th/07029/ udāyī thero
th/07030/ tatruddānaṃ bhavati
th/07031/ koṇḍañño ca udāyī ca therā dve te mahiddhikā
th/07032/ soḷasamhi nipātamhi/ gāthāyo dve ca tiṃsa cāti
th/07033/ soḷasanipāto niṭṭhito
th/07101/ vīsatinipāto
th/07102/ yaññatthaṃ vā dhanatthaṃ vā ye hanāma mayaṃ pure
th/07103/ avasesaṃ bhayaṃ hoti/ vedhanti vilapanti ca
th/07104/ tassa te natthi bhītattaṃ/ bhiyyo vaṇṇo pasīdati
th/07105/ kasmā na paridevesi evarūpe mahabbhaye
th/07106/ natthi cetasikaṃ dukkhaṃ anapekkhassa gāmaṇi
th/07107/ atikkantā bhayā sabbe khīṇasaṃyojanassa ve
th/07108/ khīṇāya bhavanettiyā diṭṭhe dhamme yathātathe
th/07109/ na bhayaṃ maraṇe hoti bhāranikkhepane yathā
th/07110/ suciṇṇaṃ brahmacariyaṃ me/ maggo cāpi subhāvito
th/07111/ maraṇe me bhayaṃ natthi rogānam iva saṃkhaye
th/07112/ suciṇṇaṃ brahmacariyaṃ me/ maggo cāpi subhāvito
th/07113/ nirassādā bhavā diṭṭhā/ visaṃ pitvāna chaḍḍitaṃ
th/07114/ pāragū anupādāno katakicco anāsavo
th/07115/ tuṭṭho āyukkhayā hoti mutto āghātanā yathā
th/07116/ uttamaṃ dhammataṃ patto sabbaloke anatthiko
th/07117/ ādittā va gharā mutto maraṇasmiṃ na socati
th/07118/ yad atthi saṃgataṃ kiñci bhavo ca yattha labbhati
th/07119/ sabbaṃ anissaraṃ etaṃ/ iti vuttaṃ mahesinā
th/07120/ yo taṃ tathā pajānāti yathā buddhena desitaṃ
th/07121/ na gaṇhati bhavaṃ kiñci sutattaṃ va ayoguḷaṃ
th/07122/ na me hoti ahosin ti/ bhavissan ti na hoti me
th/07123/ saṃkhārā vibhavissanti/ tattha kā paridevanā
th/07124/ suddhaṃ dhammasamuppādaṃ suddhaṃ saṃkhārasantatiṃ
th/07125/ passantassa yathābhūtaṃ na bhayaṃ hoti gāmaṇi
th/07126/ tiṇakaṭṭhasamaṃ lokaṃ yadā paññāya passati
th/07127/ mamattaṃ so asaṃvindaṃ natthi meti na socati
th/07201/ ukkaṇṭhāmi sarīrena/ bhavenamhi anatthiko
th/07202/ soyaṃ bhijjissati kāyo añño ca na bhavissati
th/07203/ yaṃ vo kiccaṃ sarīrena taṃ karotha yadicchatha
th/07204/ na me tappaccayā tattha doso pemaṃ ca hehiti
th/07205/ tassa taṃ vacanaṃ sutvā abbhutaṃ lomahaṃsanaṃ
th/07206/ satthāni nikkhipitvāna māṇavā etad abravuṃ
th/07207/ kiṃ bhaddante karitvāna/ ko vā ācariyo tava
th/07208/ kassa sāsanam āgamma labbhate taṃ asokatā
th/07209/ sabbaññū sabbadassāvī jino ācariyo mama
th/07210/ mahākāruṇiko satthā sabbalokatikicchako
th/07211/ tenāyaṃ desito dhammo khayagāmī anuttaro
th/07212/ tassa sāsanam āgamma labbhate taṃ asokatā
th/07213/ sutvāna corā isino subhāsitaṃ nikkhippa satthāni ca
th/07214/ āvudhāni ca
th/07215/ tamhā ca kammā viramiṃsu eke/ eke ca pabbajjam arocayiṃsu
th/07217/ te pabbajitvā sugatassa sāsane bhāvetvā bojjhaṅgabalāni
th/07218/ paṇḍitā
th/07219/ udaggacittā sumanā katindriyā phusiṃsu nibbānapadaṃ
th/07220/ asaṃkhatan ti
th/07221/ adhimutto thero
th/07222/ samaṇassa ahū cintā pārāpariyassa bhikkhuno
th/07223/ ekakassa nisinnassa pavivittassa jhāyino
th/07224/ kim ānupubbaṃ puriso kiṃ vataṃ kiṃ samācāraṃ
th/07225/ attano kiccakārissa na ca kiñci viheṭhaye
th/07226/ indriyāni manussānaṃ hitāya ahitāya ca
th/07227/ arakkhitāni ahitāya rakkhitāni hitāya ca
th/07228/ indriyāneva sārakkhaṃ indriyāni ca gopayaṃ
th/07229/ attano kiccakārissa na ca kiñci viheṭhaye
th/07230/ cakkhundriyañ ce rūpesu gacchantaṃ anivārayaṃ
th/07231/ anādīnavadassāvī/ so dukkhā na hi muccati
th/07232/ sotindriyañ ca saddesu gacchantaṃ anivārayaṃ
th/07233/ anādīnavadassāvī/ so dukkhā na hi muccati
th/07301/ anissaraṇadassāvī gandhe ce paṭisevati
th/07302/ na so muccati dukkhamhā gandhesu adhimucchito
th/07303/ ambilamadhuraggañ ca tittakaggam anussaraṃ
th/07304/ rasataṇhāya gadhito hadayaṃ nāvabujjhati
th/07305/ subhāny appaṭikūlāni phoṭṭhabbāni anussaraṃ
th/07306/ ratto rāgādhikaraṇaṃ vividhaṃ vindate dukhaṃ
th/07307/ manañ cetehi dhammehi yo na sakkoti rakkhituṃ
th/07308/ tato naṃ dukkham anveti sabbehetehi pañcahi
th/07309/ pubbalohitasampuṇṇaṃ bahussa kuṇapassa ca
th/07310/ naravīrakataṃ vagguṃ samuggam iva cittitaṃ
th/07311/ kaṭukaṃ madhurassādaṃ piyanibandhanaṃ dukhaṃ
th/07312/ khuraṃ va madhunālittaṃ ullittaṃ nāvabujjhati
th/07313/ itthirūpe itthirase phoṭṭhabbe pi ca itthiyā
th/07314/ itthigandhesu sāratto vividhaṃ vindate dukhaṃ
th/07315/ itthisotāni sabbāni sandanti pañcapañcasu
th/07316/ tesaṃ āvaraṇaṃ kātuṃ yo sakkoti viriyavā
th/07317/ so atthavā/ so dhammaṭṭho/ so dakkho/ so vicakkhaṇo
th/07318/ kareyya ramamāno hi kiccaṃ dhammatthasaṃhitaṃ
th/07319/ atho sīdati saññuttaṃ vajje kiccaṃ niratthakaṃ
th/07320/ na taṃ kiccan ti maññitvā appamatto vicakkhaṇo
th/07321/ yañ ca atthena saññuttaṃ yā ca dhammagatā rati
th/07322/ taṃ samādāya vattetha/ sa hi ve uttamā rati
th/07323/ uccāvacehupāyehi paresam abhijigīsāti
th/07324/ hantvā vadhitvā atha socayitvā ālopati sāhasā yo paresaṃ
th/07326/ tacchanto āṇiyā āṇiṃ nihanti balavā yathā
th/07327/ indriyānindriyeheva nihanti kusalā tathā
th/07328/ saddhaṃ viriyaṃ samādhiñ ca satipaññañ ca bhāvayaṃ
th/07329/ pañca pañcahi hantvāna anīgho yāti brāhmaṇo
th/07330/ so atthavā so dhammaṭṭho katvā vākyānusāsaniṃ
th/07331/ sabbena sabbaṃ buddhassa/ so naro sukham edhatīti
th/07332/ pārāpariyo thero
th/07333/ cirarattaṃ vatātāpī dhammaṃ anuvicintayaṃ
th/07334/ samaṃ cittassa nālatthaṃ pucchaṃ samaṇabrāhmaṇe
th/07401/ ko so pāraṃgato loke/ ko patto amatogadhaṃ
th/07402/ kassa dhammaṃ paṭicchāmi paramatthavijānanaṃ
th/07403/ antovaṅkagato āsiṃ maccho va ghasam āmisaṃ
th/07404/ baddho mahindapāsena vepacity āsuro yathā
th/07405/ añcāmi naṃ na muñcāmi asmā sokapariddavā
th/07406/ ko me bandhaṃ muñcaṃ loke sambodhiṃ vedayissati
th/07407/ samaṇaṃ brāhmaṇaṃ vā kaṃ ādisantaṃ pabhaṅgunaṃ
th/07408/ kassa dhammaṃ paṭicchāmi jarāmaccupavāhanaṃ
th/07409/ vicikicchākaṅkhāgathitaṃ sārambhabalasaññutaṃ
th/07410/ kodhappattamanatthaddhaṃ abhijappapadāraṇaṃ
th/07411/ taṇhādhanusamuṭṭhānaṃ dve ca pannarasāyutaṃ
th/07412/ passa orasikaṃ bālaṃ bhetvāna yadi ṭhati
th/07413/ anudiṭṭhīnaṃ appahānaṃ saṃkappasaratejitaṃ
th/07414/ tena viddho pavedhāmi pattaṃ va māluteritaṃ
th/07415/ ajjhattaṃ me samuṭṭhāya khippaṃ paccati māmakaṃ
th/07416/ chaphassāyatanī kāyo yattha sarati sabbadā
th/07417/ taṃ na passāmi tekicchaṃ yo me taṃ sallam uddhare
th/07418/ nānārajjena satthena nāññena vicikicchitaṃ
th/07419/ ko me asattho avaṇo sallam abbhantarāpassayaṃ
th/07420/ ahiṃsaṃ sabbagattāni sallaṃ me uddharissati
th/07421/ dhammappati hi so seṭṭho visadosapavāhako
th/07422/ gambhīre patitassa me thalaṃ pāṇi va dassaye
th/07423/ rahadeham asmi ogāḷho ahāriyarajamantike
th/07424/ māyāussuyyasārambhathīnamiddhamapatthaṭe
th/07425/ uddhaccameghathanitaṃ saṃyojanavalāhakaṃ
th/07426/ vāhā vahanti kuddiṭṭhiṃ saṃkappā rāganissitā
th/07427/ savanti sabbadhī sotā/ latā ubbhijja tiṭṭhati
th/07428/ te sote ko nivāreyya/ taṃ lataṃ ko hi checchati
th/07501/ velaṃ karotha bhaddante sotānaṃ sannivāraṇaṃ
th/07502/ mā te manomayo soto rukkhaṃ va sahasā luve
th/07503/ evaṃ me bhayajātassa apārā pāram esato
th/07504/ tāṇo paññāvudho satthā isisaṃghanisevito
th/07505/ sopānaṃ sukataṃ suddhaṃ dhammasāramayaṃ daḷhaṃ
th/07506/ pādāsi vuyhamānassa mā bhāyīti ca mabravī
th/07507/ satipaṭṭhānapāsādaṃ āruyha paccavekkhisaṃ
th/07508/ yan taṃ pubbe amaññissaṃ sakkāyābhirataṃ pajaṃ
th/07509/ yadā ca maggam addakkhiṃ nāvāya abhirūhanaṃ
th/07510/ anadhiṭṭhāya attānaṃ tittham addakkhim uttamaṃ
th/07511/ sallaṃ attasamuṭṭhānaṃ bhavanettipabhāvitaṃ
th/07512/ etesaṃ appavattāya desesi maggam uttamaṃ
th/07513/ dīgharattānusayitaṃ cirarattapatiṭṭhitaṃ
th/07514/ buddho me pānudī ganthaṃ visadosapavāhanoti
th/07515/ telakāni thero
th/07516/ passa cittakataṃ bimbaṃ arukāyaṃ samussitaṃ
th/07517/ āturaṃ bahusaṃkappaṃ/ yassa natthi dhuvaṃ ṭhiti
th/07518/ passa cittakataṃ rūpaṃ maṇinā kuṇḍalena ca
th/07519/ aṭṭhitacena onaddhaṃ saha vatthehi sobhati
th/07520/ alattakakatā pāpā mukhaṃ cuṇṇakamakkhitaṃ
th/07521/ alaṃ bālassa mohāya no ca pāragavesino
th/07522/ aṭṭhāpadakatā kesā/ nettā añjanamakkhitā
th/07523/ alaṃ bālassa mohāya no ca pāragavesino
th/07524/ añjanīva navā cittā pūtikāyo alaṃkato
th/07525/ alaṃ bālassa mohāya no ca pāragavesino
th/07526/ odahi migavo pāsaṃ/ nāsādā vākuraṃ migo
th/07527/ bhutvā nivāpaṃ gacchāma kandante migabandhake
th/07528/ chinnā pāsā migavassa/ nāsādā vākuraṃ migo
th/07529/ bhutvā nivāpaṃ gacchāma socante migaluddake
th/07530/ passāmi loke sadhane manusse/ laddhāna vittaṃ na dadanti
th/07531/ mohā
th/07601/ luddhā dhanaṃ sannicayaṃ karonti bhiyyo ca kāme abhipatthayanti
th/07603/ rājā pasayha ppathaviṃ vijetvā sasāgarantaṃ mahim
th/07604/ āvasanto
th/07605/ oraṃ samuddassa atittarūpo pāraṃ samuddassa pi patthayetha
th/07607/ rājā ca aññe ca bahū manussā avītataṇhā maraṇaṃ upenti
th/07608/ ūnā va hutvāna jahanti dehaṃ/ kāmehi lokamhi na hatthi
th/07609/ titti
th/07610/ kandanti naṃ ñāti pakiriya kese/ aho vatā no amarāti
th/07611/ cāhu
th/07612/ vatthena naṃ pārutaṃ nīharitvā citaṃ samodhāya tato
th/07613/ dahanti
th/07614/ so ḍayhati sūlehi tujjamāno ekena vatthena pahāya bhoge
th/07615/ na miyyamānassa bhavanti tāṇā ñātī ca mittā athavā
th/07616/ sahāyā
th/07617/ dāyādakā tassa dhanaṃ haranti/ satto pana gacchati
th/07618/ yenakammaṃ
th/07619/ na miyyamānaṃ dhanam anveti kiñci puttā ca dārā ca
th/07620/ dhanañ ca raṭṭhaṃ
th/07621/ na dīgham āyuṃ labhate dhanena na cāpi vittena jaraṃ
th/07622/ vihanti
th/07623/ appañ hi naṃ jīvitam āhu dhīrā asassataṃ vippariṇāmadhammaṃ
th/07625/ addhā daliddā ca phusanti phassaṃ/ bālo ca dhīro ca tatheva
th/07626/ phuṭṭho
th/07627/ bālo hi bālyā vadhito va seti/ dhīro ca na vedhati phassaphuṭṭho
th/07629/ tasmā hi paññāva dhanena seyyo yāya vosānaṃ idhādhigacchati
th/07631/ abyositatthā hi bhavābhavesu pāpāni kammāni karonti
th/07632/ mohā
th/07701/ upeti gabbhañ ca parañ ca lokaṃ saṃsāram āpajja paramparāya
th/07703/ tassappapañño abhisaddahanto upeti gabbhañ ca parañ ca
th/07704/ lokaṃ
th/07705/ coro yathā sandhimukhe gahīto sakammunā haññati pāpadhammo
th/07707/ evaṃ pajā pecca paramhi loke sakammunā haññati pāpadhammo
th/07709/ kāmā hi citrā madhurā manoramā virūparūpena mathenti
th/07710/ cittaṃ
th/07711/ ādīnavaṃ kāmaguṇesu disvā tasmā ahaṃ pabbajitomhi
th/07712/ rāja
th/07713/ dumapphalānīva patanti māṇavā daharā ca vuḍḍhā ca
th/07714/ sarīrabhedā
th/07715/ etam pi disvā pabbajitomhi rāja/ apaṇṇakaṃ sāmaññam
th/07716/ eva seyyo
th/07717/ saddhāyāhaṃ pabbajito upeto jinasāsane
th/07718/ avajjā mayhaṃ pabbajjā/ anaṇo bhuñjāmi bhojanaṃ
th/07719/ kāme ādittato disvā jātarūpāni satthato
th/07720/ gabbhe vokkantito dukkhaṃ nirayesu mahabbhayaṃ
th/07721/ etam ādīnavaṃ disvā saṃvegaṃ alabhiṃ tadā
th/07722/ sohaṃ viddho tadā santo sampatto āsavakkhayaṃ
th/07723/ pariciṇṇo
th/07724/ yassaṭṭhāya pabbajito/ sabbasaṃyojanakkhayoti
th/07726/ raṭṭhapālo thero
th/07727/ rūpaṃ disvā sati muṭṭhā piyanimittaṃ manasikaroto
th/07728/ sārattacitto vedeti tañ ca ajjhosa tiṭṭhati
th/07729/ tassa vaḍḍhanti vedanā anekā rūpasambhavā
th/07730/ abhijjhā ca vihesā ca cittam assūpahaññati
th/07731/ evam ācinato dukkhaṃ ārā nibbāna vuccati
th/07732/ saddaṃ sutvā sati muṭṭhā
th/07733/ rūpasambhavā read saddasambhavā
th/07734/ gandhaṃ ghatvā/ gandhasambhavā
th/07735/ rasaṃ bhotvā/ rasasambhavā
th/07801/ phassaṃ phussa/ phassasambhavā
th/07802/ dhammaṃ ñatvā/ dhammasambhavā
th/07803/ na so rajjati rūpesu/ rūpaṃ disvā patissato
th/07804/ virattacitto vedeti tañ ca najjhosa tiṭṭhati
th/07805/ yathāssa passato rūpaṃ sevato vāpi vedanaṃ
th/07806/ khiyyati nopaciyyati evaṃ so caratī sato
th/07807/ evaṃ apacinato dukkhaṃ santike nibbāna vuccati
th/07808/ na so rajjati saddesu/ saddaṃ sutvā patissato/ gandhesu
th/07809/ gandhaṃ ghatvā/ rasesu rasaṃ bhotvā
th/07810/ phassesu phassaṃ phussa/ dhammesu dhammaṃ
th/07811/ ñatvā patissato
th/07812/ virattacitto vedeti tañ ca najjhosa tiṭṭhati
th/07814/ yathāssa suṇato saddaṃ/ ghāyato gandhaṃ/ sāyato rasaṃ
th/07815/ phusato phassaṃ/ vijānato dhammaṃ/ sevato vāpi
th/07816/ vedanaṃ
th/07817/ khiyyati nopaciyyati evaṃ so caratī sato
th/07818/ evaṃ apacinato dukkhaṃ santike nibbāna vuccati
th/07820/ māluṅkyaputto thero
th/07821/ paripuṇṇakāyo suruci sujāto cārudassano
th/07822/ suvaṇṇavaṇṇosi bhagavā/ susukkadāṭhosi viriyavā
th/07823/ narassa hi sujātassa ye bhavanti viyañjanā
th/07824/ sabbe te tava kāyasmiṃ mahāpurisalakkhaṇā
th/07825/ pasannanetto sumukho brahā uju patāpavā
th/07826/ majjhe samaṇasaṃghassa ādicco va virocasi
th/07827/ kalyāṇadassano bhikkhu kañcanasannibhattaco
th/07828/ kin te samaṇabhāvena evaṃ uttamavaṇṇino
th/07829/ rājā arahasi bhavituṃ cakkavattirathesabho
th/07830/ cāturanto vijitāvī jambusaṇḍassa issaro
th/07831/ khattiyā bhojarājāno anuyantā bhavanti te
th/07832/ rājābhirājā manujindo rajjaṃ kārehi gotama
th/07901/ rājāham asmi selāti bhagavā dhammarājā anuttaro
th/07902/ dhammena cakkaṃ vattemi cakkaṃ appaṭivattiyaṃ
th/07903/ sambuddho paṭijānāsi iti selo brāhmaṇo dhammarājā
th/07904/ anuttaro
th/07905/ dhammena cakkaṃ vattemi iti bhāsasi gotama
th/07906/ ko nu senāpatī bhoto sāvako satthur anvayo
th/07907/ ko imaṃ anuvatteti dhammacakkaṃ pavattitaṃ
th/07908/ mayā pavattitaṃ cakkaṃ selāti bhagavā dhammacakkam
th/07909/ anuttaraṃ
th/07910/ sāriputtonuvatteti anujāto tathāgataṃ
th/07911/ abhiññeyyaṃ abhiññātaṃ/ bhāvetabbañ ca bhāvitaṃ
th/07912/ pahātabbaṃ pahīnaṃ me/ tasmā buddhosmi brāhmaṇa
th/07914/ vinayassu mayī kaṅkhaṃ/ adhimuccassu brāhmaṇa
th/07915/ dullabhaṃ dassanaṃ hoti sambuddhānaṃ abhiṇhaso
th/07916/ yesaṃ ve dullabho loke pātubhāvo abhiṇhaso
th/07917/ sohaṃ brāhmaṇa buddhosmi sallakatto anuttaro
th/07918/ brahmabhūto atitulo mārasenappamaddano
th/07919/ sabbāmitte vasīkatvā modāmi akutobhayo
th/07920/ idaṃ bhonto nisāmetha yathā bhāsati cakkhumā
th/07921/ sallakatto mahāvīro/ sīho va nadatī vane
th/07922/ brahmabhūtaṃ atitulaṃ mārasenappamaddanaṃ
th/07923/ ko disvā na ppasīdeyya api kaṇhābhijātiko
th/07924/ yo maṃ icchati anvetu yo vā nicchati gacchatu
th/07925/ idhāhaṃ pabbajissāmi varapaññassa santike
th/07926/ etañ ce ruccatī bhoto sammāsambuddhasāsanaṃ
th/07927/ mayam pi pabbajissāma varapaññassa santike
th/07928/ brāhmaṇā tisatā ime yācanti pañjalīkatā
th/07929/ brahmacariyaṃ carissāma bhagavā tava santike
th/07930/ svākkhātaṃ brahmacariyaṃ selāti bhagavā sandiṭṭhikam
th/07931/ akālikaṃ
th/07932/ yattha amoghā pabbajjā appamattassa sikkhato
th/08001/ yan taṃ saraṇam āgamma ito aṭṭhami cakkhuma
th/08002/ sattarattena bhagavā dantamha tava sāsane
th/08003/ tuvaṃ buddho/ tuvaṃ satthā/ tuvaṃ mārābhibhū muni
th/08004/ tuvaṃ anusaye chetvā tiṇṇo tāresimaṃ pajaṃ
th/08005/ upadhī te samatikkantā/ āsavā te padālitā
th/08006/ sīho va anupādāno pahīnabhayabheravo
th/08007/ bhikkhavo tisatā ime tiṭṭhantī pañjalīkatā
th/08008/ pāde vīra pasārehi/ nāgā vandantu satthunoti
th/08009/ selo thero
th/08010/ yā taṃ me hatthigīvāya sukhumā vatthā padhāritā
th/08011/ sālīnaṃ odano bhutto sucimaṃsūpasecano
th/08012/ sojja bhaddo sātatiko uñchāpattāgate rato
th/08013/ jhāyati anupādāno putto godhāya bhaddiyo
th/08014/ paṃsukūlī sātatiko uñchāpattāgate rato
th/08015/ jhāyati anupādāno putto godhāya bhaddiyo
th/08016/ piṇḍapātī sātatiko/ pa/ tecīvarī sātatiko/ pa/ sapa
th/08017/ dānacārī s©ª/ pa/ ekāsanī s©ª/ pa/ pattapiṇḍī
th/08018/ s©ª/ pa/ khalupacchābhattī s©ª/ pa/ āraññiko s©ª
th/08019/ pa/ rukkhamūliko s©ª/ pa/ abbhokāsī s©ª
th/08020/ pa/ s?āniko s©ª/ pa/ yathāsanthatiko s©ª
th/08021/ pa/ nesajjiko s©ª/ pa/ appiccho s©ª/ pa
th/08022/ santuṭṭho s©ª/ pa/ pavivitto s©ª/ pa/ asaṃsaṭṭho s©ª
th/08023/ pa/ āraddhaviriyo sātatiko/ pa
th/08024/ hitvā satapalaṃ kaṃsaṃ sovaṇṇaṃ satarājikaṃ
th/08025/ aggahiṃ mattikāpattaṃ/ idaṃ dutiyābhisecanaṃ
th/08026/ ucce maṇḍalipākāre daḷhamaṭṭālakoṭṭhake
th/08027/ rakkhito khaggahatthehi uttasaṃ vihariṃ pure
th/08028/ sojja bhaddo anutrāsī pahīnabhayabheravo
th/08029/ jhāyati vanam ogayha putto godhāya bhaddiyo
th/08030/ sīlakkhandhe patiṭṭhāya satiṃ paññañ ca bhāvayaṃ
th/08031/ pāpuṇiṃ anupubbena sabbasaṃyojanakkhayanti ti
th/08032/ bhaddiyo kāligodhāya putto
th/08033/ gacchaṃ vadesi samaṇa ṭhitomhi mamañ ca brūsi ṭhitam
th/08034/ aṭṭhitoti
th/08101/ pucchāmi taṃ samaṇa etam atthaṃ/ kasmā ṭhito tvaṃ
th/08102/ aham aṭṭhitomhi
th/08103/ ṭhito ahaṃ aṅgulimāla sabbadā sabbesu bhūtesu nidhāya
th/08104/ daṇḍaṃ
th/08105/ tvañ ca pāṇesu asaññatosi/ tasmā ṭhitohaṃ tuvam aṭṭhitosi
th/08107/ cirassaṃ vata me mahito mahesi mahāvanaṃ samaṇo
th/08108/ paccupādi
th/08109/ sohaṃ cajissāmi sahassapāpaṃ sutvāna gāthaṃ tava
th/08110/ dhammayuttaṃ
th/08111/ itv eva coro asim āvudhañ ca sobbhe papāte narake anvakāsi
th/08112/ avandi coro sugatassa pāde/ tattheva pabbajjam ayāci
th/08113/ buddhaṃ
th/08114/ buddho ca kho kāruṇiko mahesi yo satthā lokassa sadevakassa
th/08116/ tam ehi bhikkhūti tadā avoca/ eseva tassa ahu bhikkhubhāvo
th/08118/ yo pubbe pamajjitvāna pacchā so na ppamajjati
th/08119/ somaṃ lokaṃ pabhāseti abbhā mutto va candimā
th/08120/ yassa pāpaṃ kataṃ kammaṃ kusalena pithīyati
th/08121/ somaṃ lokaṃ pabhāseti abbhā mutto va candimā
th/08122/ yo have daharo bhikkhu yuñjatī buddhasāsane
th/08123/ somaṃ lokaṃ pabhāseti abbhā mutto va candimā
th/08124/ disā hi me dhammakathaṃ suṇantu/ disā hi me yuñjantu
th/08125/ buddhasāsane
th/08126/ disā hi me te manusse bhajantu ye dhammam evādapayanti
th/08127/ santo
th/08128/ disā hi me khantivādānaṃ avirodhappasaṃsinaṃ
th/08129/ suṇantu dhammaṃ kālena tañ ca anuvidhīyantu
th/08130/ na hi jātu so mamaṃ hiṃse aññaṃ vā pana kañcinaṃ
th/08131/ pappuyya paramaṃ santiṃ rakkheyya tasathāvare
th/08201/ udakaṃ hi nayanti nettikā/ usukārā namayanti tejanaṃ
th/08202/ dāruṃ namayanti tacchakā/ attānaṃ damayanti paṇḍitā
th/08204/ daṇḍeneke damayanti aṅkusehi kasāhi ca
th/08205/ adaṇḍena asatthena ahaṃ dantomhi tādinā
th/08206/ ahiṃsakoti me nāmaṃ hiṃsakassa pure sato
th/08207/ ajjāhaṃ saccanāmomhi/ na naṃ hiṃsāmi kañcinaṃ
th/08208/ coro ahaṃ pure āsiṃ aṅgulimāloti vissuto
th/08209/ vuyhamāno mahoghena buddhaṃ saraṇam āgamaṃ
th/08210/ lohitapāṇi pure āsiṃ aṅgulimāloti vissuto
th/08211/ saraṇāgamanaṃ passa/ bhavanetti samūhatā
th/08212/ tādisaṃ kammaṃ katvāna bahuṃ duggatigāminaṃ
th/08213/ phuṭṭho kammavipākena anaṇo bhuñjāmi bhojanaṃ
th/08214/ pamādam anuyuñjanti bālā dummedhino janā
th/08215/ appamādañ ca medhāvī dhanaṃ seṭṭhaṃ va rakkhati
th/08216/ mā pamādam anuyuñjetha mā kāmaratisanthavaṃ
th/08217/ appamatto hi jhāyanto pappoti paramaṃ sukhaṃ
th/08218/ svāgataṃ nāpagataṃ/ netaṃ dummantitaṃ mama
th/08219/ saṃvibhattesu dhammesu yaṃ seṭṭhaṃ tad upāgamaṃ
th/08220/ svāgataṃ nāpagataṃ netaṃ dummantitaṃ mama
th/08221/ tisso vijjā anuppattā/ kataṃ buddhassa sāsanaṃ
th/08222/ araññe rukkhamūle vā pabbatesu guhāsu vā
th/08223/ tattha tattheva aṭṭhāsiṃ ubbiggamanaso tadā
th/08224/ sukhaṃ sayāmi ṭhāyāmi/ sukhaṃ kappemi jīvitaṃ
th/08225/ ahatthapāso mārassa/ aho satthānukampito
th/08226/ brahmajacco pure āsiṃ/ udicco ubhato ahuṃ
th/08227/ sojja putto sugatassa dhammarājassa satthuno
th/08228/ vītataṇho anādāno guttadvāro susaṃvuto
th/08229/ aghamūlaṃ vamitvāna patto me āsavakkhayo
th/08230/ pariciṇṇo mayā satthā/ kataṃ buddhassa sāsanaṃ
th/08231/ ohito garuko bhāro/ bhavanetti samūhatāti
th/08232/ aṅgulimālo thero
th/08301/ pahāya mātāpitaro bhaginīñātibhātaro
th/08302/ pañca kāmaguṇe hitvā anuruddhova jhāyati
th/08303/ sameto naccagītehi sammaṭāḷappabodhano
th/08304/ na tena suddhiṃ ajjhagamā mārassa visaye rato
th/08305/ etañ ca samatikkamma rato buddhassa sāsane
th/08306/ sabboghaṃ samatikkamma anuruddhova jhāyati
th/08307/ rūpā saddā rasā gandhā phoṭṭhabbā ca manoramā
th/08308/ ete ca samatikkamma anuruddhova jhāyati
th/08309/ piṇḍapātapaṭikkanto eko adutiyo muni
th/08310/ esati paṃsukūlāni anuruddho anāsavo
th/08311/ vicini aggahī dhovi rajayī dhārayī muni
th/08312/ paṃsukūlāni matimā anuruddho anāsavo
th/08313/ mahiccho ca asantuṭṭho saṃsaṭṭho yo ca uddhato
th/08314/ tassa dhammā ime honti pāpakā saṃkilesikā
th/08315/ sato ca hoti appiccho santuṭṭho avighātavā
th/08316/ pavivekarato vitto niccam āraddhavīriyo
th/08317/ tassa dhammā ime honti kusalā bodhipakkhikā
th/08318/ anāsavo ca so hoti/ iti vuttaṃ mahesinā
th/08319/ mama saṃkappam aññāya satthā loke anuttaro
th/08320/ manomayena kāyena iddhiyā upasaṃkami
th/08321/ yadā me ahu saṃkappo tato uttari desayi
th/08322/ nippapañcarato buddho nippapañcam adesayi
th/08323/ tassāhaṃ dhammam aññāya vihāsiṃ sāsane rato
th/08324/ tisso vijjā anuppattā/ kataṃ buddhassa sāsanaṃ
th/08325/ pañcapaññāsa vassāni yato nesajjiko ahaṃ
th/08326/ pañcavīsati vassāni yato middhaṃ samūhataṃ
th/08327/ nāhu assāsapassāso ṭhitacittassa tādino
th/08328/ anejo santim ārabbha cakkhumā parinibbuto
th/08329/ asallīnena cittena vedanaṃ ajjhavāsayi
th/08330/ pajjotasseva nibbānaṃ vimokkho cetaso ahū
th/08331/ ete pacchimakā dāni munino phassapañcamā
th/08332/ nāññe dhammā bhavissanti sambuddhe parinibbute
th/08333/ natthi dāni punāvāso devakāyasmi jālini
th/08334/ vikkhīṇo jātisaṃsāro/ natthi dāni punabbhavo
th/08401/ yassa muhutte sahassadā loko saṃvidito/ sa brahmakappo
th/08402/ vasī iddhiguṇe cutūpapāte kāle passati devatā sa bhikkhu
th/08404/ annabhāro pure āsiṃ daḷiddo ghāsahārako
th/08405/ samaṇaṃ paṭipādesiṃ upariṭṭhaṃ yasassinaṃ
th/08406/ somhi sakyakule jāto/ anuruddhoti maṃ vidū
th/08407/ upeto naccagītehi sammaṭāḷappabodhano
th/08408/ athaddasāsiṃ sambuddhaṃ satthāraṃ akutobhayaṃ
th/08409/ tasmiṃ cittaṃ pasādetvā pabbajiṃ anagāriyaṃ
th/08410/ pubbenivāsaṃ jānāmi yattha me vusitaṃ pure
th/08411/ tāvatiṃsesu devesu aṭṭhāsiṃ sakkajātiyā
th/08412/ sattakkhattuṃ manussindo ahaṃ rajjam akārayiṃ
th/08413/ cāturanto vijitāvī jambusaṇḍassa issaro
th/08414/ adaṇḍena asatthena dhammena anusāsayiṃ
th/08415/ ito satta ito satta saṃsārāni catuddasa
th/08416/ nivāsam abhijānissaṃ devaloke ṭhito tadā
th/08417/ pañcaṅgike samādhimhi sante ekodibhāvite
th/08418/ paṭippassaddhiladdhamhi/ dibbacakkhuṃ visujjhi me
th/08419/ cutūpapātaṃ jānāmi sattānaṃ āgatiṃ gatiṃ
th/08420/ itthabhāvaññathābhāvaṃ jhāne pañcaṅgike ṭhito
th/08421/ pariciṇṇo mayā satthā/ pa/ samūhatā
th/08422/ vajjīnaṃ veḷuvagāme ahaṃ jīvitasaṃkhayā
th/08423/ heṭṭhato veḷugumbasmiṃ nibbāyissaṃ anāsavoti
th/08424/ anuruddho thero
th/08425/ samaṇassa ahū cintā pupphitamhi mahāvane
th/08426/ ekaggassa nisinnassa pavivittassa jhāyino
th/08427/ aññathā lokanāthamhi tiṭṭhante purisuttame
th/08428/ iriyaṃ āsi bhikkhūnaṃ/ aññathā dāni dissate
th/08429/ sītavātaparittānaṃ/ hirikopīnachādanaṃ
th/08430/ mattaṭṭhiyaṃ abhuñjiṃsu santuṭṭhā itarītare
th/08431/ paṇītaṃ yadi vā lūkhaṃ appaṃ vā yadi vā bahuṃ
th/08432/ yāpanatthaṃ abhuñjiṃsu agiddhā nādhimucchitā
th/08501/ jīvitānaṃ parikkhāre bhesajje atha paccaye
th/08502/ na bāḷhaṃ ussukā āsuṃ yathā te āsavakkhaye
th/08503/ araññe rukkhamūlesu kandarāsu guhāsu ca
th/08504/ vivekaṃ anubrūhantā vihiṃsu tapparāyanā
th/08505/ nīcaniviṭṭhā subharā mudū atthaddhamānasā
th/08506/ abyāsekā amukharā atthacintāvasānugā
th/08507/ tato pāsādikaṃ āsi gataṃ bhuttaṃ nisevitaṃ
th/08508/ siniddhā teladhārā va ahosi iriyāpatho
th/08509/ sabbāsavaparikkhīṇā mahājhāyī mahāhitā
th/08510/ nibbutā dāni te therā/ parittā dāni tādisā
th/08511/ kusalānañ ca dhammānaṃ paññāya ca parikkhayā
th/08512/ sabbākāravarūpetaṃ lujjate jinasāsanaṃ
th/08513/ pāpakānañ ca dhammānaṃ kilesānañ ca yo utu
th/08514/ upaṭṭhitāvivekāya ye ca saddhammasesakā
th/08515/ te kilesā pavaḍḍhantā āvisanti bahuṃ janaṃ
th/08516/ kīḷanti maññe bālehi ummattehi va rakkhasā
th/08517/ kilesehābhibhūtā te tena tena vidhāvitā
th/08518/ narā kilesavatthūsu sayaṃgāhe va ghosite
th/08519/ pariccajitvā saddhammaṃ aññamaññehi bhaṇḍare
th/08520/ diṭṭhigatāni anventā idaṃ seyyoti maññare
th/08521/ dhanañ ca puttaṃ bhariyañ ca chaḍḍayitvāna niggatā
th/08522/ kaṭacchubhikkhahetū pi akiccāni nisevare
th/08523/ udarāvadehakaṃ bhutvā sayantuttānaseyyakā
th/08524/ kathā vadenti paṭibuddhā yā kathā satthu garahitā
th/08525/ sabbakārukasippāni cittikatvāna sikkhare
th/08526/ avūpasantā ajjhattaṃ sāmaññatthoti acchati
th/08527/ mattikaṃ telaṃ cuṇṇañ ca udakāsanabhojanaṃ
th/08528/ gihīnaṃ upanāmenti ākaṅkhantā bahuttaraṃ
th/08529/ dantapoṇaṃ kapiṭṭhañ ca pupphakhādaniyāni ca
th/08530/ piṇḍapāte ca sampanne ambe āmalakāni ca
th/08531/ bhesajjesu yathā vejjā/ kiccākicce yathā gihī
th/08532/ gaṇikā va vibhūsāyaṃ/ issare khattiyā yathā
th/08601/ nekatikā vañcanikā kūṭasakkhī avāṭukā
th/08602/ bahūhi parikappehi āmisaṃ paribhuñjare
th/08603/ lesakappe pariyāye parikappenudhāvitā
th/08604/ jīvikatthā upāyena saṃkaḍḍhanti bahuṃ dhanaṃ
th/08605/ upaṭṭhapenti parisaṃ kammato no ca dhammato
th/08606/ dhammaṃ paresaṃ desenti lābhato no ca atthato
th/08607/ saṃghalābhassa bhaṇḍanti saṃghato paribāhirā
th/08608/ paralābhopajīvantā ahirikāva na lajjare
th/08609/ nānuyuttā tathā eke muṇḍā saṃghāṭipārutā
th/08610/ sambhāvanaṃ yevicchanti lābhasakkāramucchitā
th/08611/ evaṃ nānappayātamhi ni dāni sukaraṃ tathā
th/08612/ aphusitaṃ vā phusituṃ phusitaṃ vānurakkhituṃ
th/08613/ yathā kaṇṭakaṭṭhānamhi careyya anupāhano
th/08614/ satiṃ upaṭṭhapetvāna/ evaṃ gāme munī care
th/08615/ saritvā pubbake yogī tesaṃ vattam anussaraṃ
th/08616/ kiñcāpi pacchimo kālo phuseyya amataṃ padaṃ
th/08617/ idaṃ vatvā sālavane samaṇo bhāvitindriyo
th/08618/ brāhmaṇo parinibbāyi isi khīṇapunabbhavoti
th/08619/ pārāpariyo thero
th/08620/ uddānaṃ
th/08621/ adhimutto pārāpariyo telakāni raṭṭhapālo
th/08622/ māluṅkyaselo bhaddiyo aṅguli dibbacakkhuko u
th/08623/ pārāpariyo/ dasete vīsamhi suparikittitā
th/08624/ gāthāyo dve satā honti pañcatālīsa uttarin ti
th/08625/ niṭṭhito vīsatinipāto
th/08701/ tiṃsanipāto
th/08702/ pāsādike bahū disvā bhāvitatte susaṃvute
th/08703/ isi paṇḍarasagotto apucchi phussasavhayaṃ
th/08704/ kiṃchandā kimadhippāyā kimākappā bhavissare
th/08705/ anāgatamhi kālamhi/ taṃ me akkhāhi pucchito
th/08706/ suṇohi vacanaṃ mayhaṃ isi paṇḍarasavhaya
th/08707/ sakkaccaṃ upadhārehi/ ācikkhissāmy anāgataṃ
th/08708/ kodhanā upanāhī ca makkhī thambhī saṭhā bahū
th/08709/ issukī nānāvādā ca bhavissanti anāgate
th/08710/ aññātamānino dhamme gambhīre tīragocarā
th/08711/ lahukā agarū dhamme aññamaññam agāravā
th/08712/ bahū ādīnavā loke uppajjissantināgate
th/08713/ sudesitaṃ imaṃ dhammaṃ kilisissanti dummati
th/08714/ guṇahīnāpi saṃghamhi voharanti visāradā
th/08715/ balavanto bhavissanti mukharā assutāvino
th/08716/ guṇavanto pi saṃghamhi voharantā yathatthato
th/08717/ dubbalā te bhavissanti hirimanā anatthikā
th/08718/ rajataṃ jātarūpañ ca khettaṃ vatthuṃ ajeḷakaṃ
th/08719/ dāsīdāsañ ca dummedhā sādiyissantināgate
th/08720/ ujjhānasaññino bālā sīlesu asamāhitā
th/08721/ unnaḷā vicarissanti kalahābhiratā magā
th/08722/ uddhatā ca bhavissanti nīlacīvarapārutā
th/08723/ kuhā thaddhā lapā siṅgī carissanty ariyā viya
th/08724/ telasaṇhehi kesehi capalā añjanakkhikā
th/08725/ rathiyāya gamissanti dantavaṇṇakapārutā
th/08726/ ajegucchaṃ vimuttehi surattaṃ arahaddhajaṃ
th/08727/ jigucchissanti kāsāvaṃ odātesu samucchitā
th/08728/ lābhakāmā bhavissanti kusītā hīnavīriyā
th/08729/ kicchantā vanapattāni gāmantesu vasissare
th/08801/ ye ye lābhaṃ labhissanti micchājīvaratā sadā
th/08802/ te te ca anusikkhantā bhajissanti asaṃyatā
th/08803/ ye ye alābhino lābhaṃ/ na te pujjā bhavissare
th/08804/ supesale pi te dhīre sevissanti na te tadā
th/08805/ milakkhurajanaṃ rattaṃ garahantā sakaṃ dhajaṃ
th/08806/ titthiyānaṃ dhajaṃ keci dhāressanty avadātakaṃ
th/08807/ agāravo ca kāsāve tadā tesaṃ bhavissati
th/08808/ paṭisaṃkhā ca kāsāve bhikkhūnaṃ na bhavissati
th/08809/ abhibhūtassa dukkhena sallaviddhassa ruppato
th/08810/ paṭisaṃkhā mahāghorā nāgassāsi acintiyā
th/08811/ chaddanto hi tadā disvā surattaṃ arahaddhajaṃ
th/08812/ tāvad eva bhaṇī gāthā gajo atthopasañhitā
th/08813/ anikkasāvo kāsāvaṃ yo vatthaṃ paridahissati
th/08814/ apeto damasaccena/ na so kāsāvam arahati
th/08815/ yo ca vantakasāvassa sīlesu susamāhito
th/08816/ upeto damasaccena/ sa ve kāsāvam arahati
th/08817/ vipannasīlo dummedho pākaṭo kāmakāriyo
th/08818/ vibbhantacitto nissukko/ na so kāsāvam arahati
th/08819/ yo ca sīlena sampanno vītarāgo samāhito
th/08820/ odātamanasaṃkappo/ sa ve kāsāvam arahati
th/08821/ uddhato unnaḷo bālo sīlaṃ yassa na vijjati
th/08822/ odātakaṃ arahati/ kāsāvaṃ kiṃ karissati
th/08823/ bhikkhū ca bhikkhuniyo ca duṭṭhacittā anādarā
th/08824/ tādīnaṃ mettacittānaṃ niggaṇhissantināgate
th/08825/ sikkhāpentāpi therehi bālā cīvaradhāraṇaṃ
th/08826/ na suṇissanti dummedhā pākaṭā kāmakāriyā
th/08827/ te tathā sikkhitā bālā aññamaññaṃ agāravā
th/08828/ nādiyissantupajjhāye khaluṅko viya sārathiṃ
th/08829/ evaṃ anāgataddhānaṃ paṭipatti bhavissati
th/08830/ bhikkhūnaṃ bhikkhunīnañ ca patte kālamhi pacchime
th/08831/ purā āgacchate etaṃ anāgataṃ mahabbhayaṃ
th/08832/ subbacā hotha sakhilā aññamaññaṃ sagāravā
th/08833/ mettacittā kāruṇikā hotha sīle susaṃvutā
th/08834/ āraddhaviriyā pahitattā niccaṃ daḷhaparakkamā
th/08901/ pamādaṃ bhayato disvā appamādañ ca khemato
th/08902/ bhāvethaṭṭhaṅgikaṃ maggaṃ phusanti amataṃ padan
th/08903/ ti
th/08904/ phussathero
th/08905/ yathācārī yathāsato satimā yathā saṃkappacariyāya appamatto
th/08907/ ajjhattarato susamāhitatto eko santusito/ tam āhu bhikkhuṃ
th/08909/ allaṃ sukkhaṃ ca bhuñjanto na bāḷhaṃ suhito siyā
th/08910/ ūnūdaro mitāhāro sato bhikkhu paribbaje
th/08911/ cattāro pañca ālope abhutvā udakaṃ pive
th/08912/ alaṃ phāsuvihārāya pahitattassa bhikkhuno
th/08913/ kappiyatañ ca ādeti cīvaraṃ idamatthikaṃ
th/08914/ alaṃ phāsuvihārāya pahitattassa bhikkhuno
th/08915/ pallaṅkena nisinnassa jaṇṇuke nābhivassati
th/08916/ alaṃ
th/08917/ yo sukhaṃ dukkhato adda/ dukkhaṃ addakkhi sallato
th/08918/ ubhayantarena nāhosi/ kena lokasmi kiṃ siyā
th/08919/ mā me kadāci pāpiccho kusīto hīnavīriyo
th/08920/ appassuto anādaro/ kena lokasmi kiṃ siyā
th/08921/ bahussuto ca medhāvī sīlesu susamāhito
th/08922/ cetosamatham anuyutto api muddhani tiṭṭhatu
th/08923/ yo papañcam anuyutto papañcābhirato mago
th/08924/ virādhayī so nibbānaṃ yogakkhemaṃ anuttaraṃ
th/08925/ yo ca papañcaṃ hitvāna nippapañcapathe rato
th/08926/ ārādhayī so nibbānaṃ yogakkhemaṃ anuttaraṃ
th/08927/ gāme vā yadi vāraññe ninne vā yadi vā thale
th/08928/ yattha arahanto viharanti/ taṃ bhūmiṃ rāmaṇeyyakaṃ
th/08930/ ramaṇīyā araññāni/ yattha na ramatī jano
th/08931/ vītarāgā ramissanti/ na te kāmagavesino
th/08932/ nidhīnaṃ va pavattāraṃ yaṃ passe vajjadassinaṃ
th/09001/ niggayhavādiṃ medhāviṃ/ tādisaṃ paṇḍitaṃ bhaje
th/09002/ tādisaṃ bhajamānassa seyyo hoti na pāpiyo
th/09003/ ovadeyyānusāseyya asabbhā ca nivāraye
th/09004/ sataṃ hi so piyo hoti asataṃ hoti appiyo
th/09005/ aññassa bhagavā buddho dhammaṃ desesi cakkhumā
th/09006/ dhamme desiyamānamhi sotam odhesiṃ atthiko
th/09007/ tam me amoghaṃ savanaṃ/ vimuttomhi anāsavo
th/09008/ neva pubbenivāsāya na pi dibbassa cakkhuno
th/09009/ cetopariyāyaiddhiyā cutiyā upapattiyā
th/09010/ sotadhātuvisuddhiyā paṇidhī me na vijjati
th/09011/ rukkhamūlaṃ va nissāya muṇḍo saṃghāṭipāruto
th/09012/ paññāya uttamo thero upatissova jhāyati
th/09013/ avitakkaṃ samāpanno sammāsambuddhasāvako
th/09014/ ariyena tuṇhibhāvena upeto hoti tāvade
th/09015/ yathāpi pabbato selo acalo supatiṭṭhito
th/09016/ evaṃ mohakkhayā bhikkhu pabbato va na vedhati
th/09017/ anaṅgaṇassa posassa niccaṃ sucigavesino
th/09018/ vālaggamattaṃ pāpassa abbhāmattaṃ va khāyati
th/09019/ nābhinandāmi maraṇaṃ nābhinandāmi jīvitaṃ
th/09020/ nikkhipissaṃ imaṃ kāyaṃ sampajāno patissato
th/09021/ pa/ nibbisaṃ bhatako yathā
th/09022/ ubhayenam idaṃ maraṇam eva nāmaraṇaṃ pacchā vā
th/09023/ pure vā
th/09024/ paṭipajjatha mā vinassatha/ khaṇo ve mā upaccagā
th/09025/ nagaraṃ yathā paccantaṃ guttaṃ santarabāhiraṃ
th/09026/ evaṃ gopetha attānaṃ/ khaṇo ve mā upaccagā
th/09027/ khaṇātītā hi socanti nirayamhi samappitā
th/09028/ upasanto uparato mantabhāṇī anuddhato
th/09029/ dhunāti pāpake dhamme dumapattaṃ va māluto
th/09030/ upasanto/ pa
th/09031/ abbahi pāpake dhamme dumapattaṃ va māluto
th/09101/ upasanto anāyāso vippasannamanāvilo
th/09102/ kalyāṇasīlo medhāvī dukkhassantakaro siyā
th/09103/ na vissase ekatiyesu evaṃ agārisu pabbajitesu cāpi
th/09104/ sādhū pi hutvāna asādhu honti/ asādhu hutvā puna sādhu
th/09105/ honti
th/09106/ kāmacchando ca byāpādo thīnamiddhañ ca bhikkhuno
th/09107/ uddhaccaṃ vicikicchā ca pañca te cittakelisā
th/09108/ yassa sakkariyamānassa asakkārena cūbhayaṃ
th/09109/ samādhi na vikampati appamādavihārino
th/09110/ taṃ jhāyinaṃ sātatikaṃ sukhumadiṭṭhivipassakaṃ
th/09111/ upādānakkhayārāmaṃ āhu sappuriso iti
th/09112/ mahāsamuddo pathavī pabbato anilo pi ca
th/09113/ upamāya na yujjanti satthu varavimuttiyā
th/09114/ cakkānuvattako thero mahāñāṇī samāhito
th/09115/ pathavāpaggi samāno na rajjati na dussati
th/09116/ paññāpāramitaṃ patto mahābuddhi mahāmuni
th/09117/ ajaḷo jaḷasamāno sadā carati nibbuto
th/09118/ pariciṇṇo mayā satthā/ pa
th/09119/ sampādethappamādena/ esā me anusāsanī
th/09120/ handāhaṃ parinibbissaṃ/ vippamuttomhi sabbadhīti
th/09122/ sāriputto thero
th/09123/ pisunena ca kodhanena maccharinā ca vibhūtinandinā
th/09124/ sakhitaṃ na kareyya paṇḍito/ pāpo kāpurisena saṃgamo
th/09126/ saddhena ca pesalena ca paññavatā bahussutena ca
th/09127/ sakhitaṃ hi kareyya paṇḍito/ bhaddo sappurisena saṃgamo
th/09129/ passa cittakataṃ bimbaṃ/ pa
th/09130/ bahussuto cittakathī buddhassa paricārako
th/09131/ pannabhāro visaññutto seyyaṃ kappeti gotamo
th/09132/ khīṇāsavo visaññutto saṅgātīto sunibbuto
th/09133/ dhāreti antimaṃ dehaṃ jātimaraṇapāragu
th/09201/ yasmiṃ patiṭṭhitā dhammā buddhassādiccabandhuno
th/09202/ nibbānagamane magge/ soyaṃ tiṭṭhati gotamo
th/09203/ dvāsītiṃ buddhato gaṇhi/ dve sahassāni bhikkhuto
th/09204/ caturāsīti sahassāni yeme dhammā pavattino
th/09205/ appassutoyaṃ puriso balivaddo va jīrati
th/09206/ maṃsāni tassa vaḍḍhanti/ paññā tassa na vaḍḍhati
th/09207/ bahussuto appasutaṃ yo sutenātimaññati
th/09208/ andho padīpadhāro va tatheva paṭibhāti maṃ
th/09209/ bahussutaṃ upāseyya sutañ ca na vināsaye
th/09210/ taṃ mūlaṃ brahmacariyassa/ tasmā dhammadharo
th/09211/ siyā
th/09212/ pubbāparaññū atthaññū niruttipadakovido
th/09213/ suggahītañ ca gaṇhāti atthañ copaparikkhati
th/09214/ khantyā chandikato hoti/ ussahitvā tuleti taṃ
th/09215/ samaye so padahati ajjhattaṃ susamāhito
th/09216/ bahussutaṃ dhammadharaṃ sappaññaṃ buddhasāvakaṃ
th/09217/ dhammaviññāṇaṃ ākaṅkhaṃ taṃ bhajetha tathāvidhaṃ
th/09219/ bahussuto dhammadharo kosārakkho mahesino
th/09220/ cakkhu sabbassa lokassa pūjaneyyo bahussuto
th/09221/ dhammārāmo dhammarato dhammaṃ anuvicintayaṃ
th/09222/ dhammaṃ anussaraṃ bhikkhu saddhammā na parihāyati
th/09224/ kāyamaccheragaruno hiyyamāne anuṭṭhahe
th/09225/ sarīrasukhagiddhassa kuto samaṇaphāsutā
th/09226/ na pakkhanti disā sabbā/ dhammā na paṭibhanti maṃ
th/09227/ gate kalyāṇamittamhi andhakāraṃ va khāyati
th/09228/ abbhatītasahāyassa atītagatasatthuno
th/09229/ natthi etādisaṃ mittaṃ yathā kāyagatā sati
th/09230/ ye purāṇā atītā te/ navehi na sameti me
th/09231/ sv ajja ekova jhāyāmi vassupeto va pakkhimā
th/09232/ dassanāya atikkante nānāverajjake bahū
th/09233/ mā vārayittha sotāro/ passantu samayo mamaṃ
th/09301/ dassanāya atikkante nānāverajjake puthū
th/09302/ karoti satthā okāsaṃ na nivāreti cakkhumā
th/09303/ paṇṇavīsativassāni sekhabhūtassa me sato
th/09304/ na kāmasaññā uppajji/ passa dhammasudhammataṃ
th/09305/ paṇṇavīsativassāni sekhabhūtassa me sato
th/09306/ na dosasaññā uppajji/ passa dhammasudhammataṃ
th/09307/ paṇṇavīsativassāni bhagavantaṃ upaṭṭhahiṃ
th/09308/ mettena kāyakammena/ mettena vacikammena/ mettena
th/09309/ manokammena chāyā va anapāyinī
th/09310/ buddhassa caṅkamantassa piṭṭhito anucaṅkamiṃ
th/09311/ dhamme desiyamānamhi ñāṇaṃ me udapajjatha
th/09312/ ahaṃ sakaraṇīyomhi sekho appattamānaso
th/09313/ satthu ca parinibbānaṃ yo amhaṃ anukampako
th/09314/ tadāsi yaṃ bhiṃsanakaṃ/ tadāsi lomahaṃsanaṃ
th/09315/ sabbākāravarūpete sambuddhe parinibbute
th/09316/ bahussuto dhammadharo kosārakkho mahesino
th/09317/ cakkhu sabbassa lokassa ānando parinibbuto
th/09318/ bahussuto dhammadharo/ pa/ andhakāre tamonudo
th/09320/ gatimanto satīmanto dhitimanto ca yo isi
th/09321/ saddhammādhārako thero ānando ratanākaro
th/09322/ pariciṇṇo mayā satthā/ pa
th/09323/ ānando thero
th/09324/ uddānaṃ
th/09325/ phusso upatisso ānando tayotime pakittitā
th/09326/ gāthāyo tattha saṃkhātā sataṃ pañca ca uttarīti
th/09327/ niṭṭhito tiṃsanipāto
th/09401/ cattālīsanipāto
th/09402/ na gaṇena purakkhato care/ vimano hoti/ samādhi dullabho
th/09403/ nānājanasaṃgaho dukkho iti disvāna gaṇaṃ na rocaye
th/09405/ na kulāni upabbaje muni/ vimano hoti/ samādhi dullabho
th/09406/ so ussuko rasānugiddho atthaṃ riñcati yo sukhāvaho
th/09407/ paṅkoti hi naṃ avedayuṃ yāyaṃ vandanapūjanā kulesu
th/09408/ sukhumaṃ sallaṃ durubbahaṃ/ sakkāro kāpurisena dujjaho
th/09410/ senāsanamhā oruyha nagaraṃ piṇḍāya pāvisiṃ
th/09411/ bhuñjantaṃ purisaṃ kuṭṭhiṃ sakkaccaṃ taṃ upaṭṭhahiṃ
th/09413/ so taṃ pakkena hattena ālopaṃ upanāmayi
th/09414/ ālopaṃ pakkhipantassa aṅgulī pettha chijjatha
th/09415/ kuḍḍamūlañ ca nissāya ālopan taṃ abhuñjisaṃ
th/09416/ bhuñjamāne ca bhutte vā jegucchaṃ me na vijjati
th/09417/ uttiṭṭhapiṇḍo āhāro pūtimuttañ ca osadhaṃ
th/09418/ senāsanaṃ rukkhamūlaṃ paṃsukūlañ ca cīvaraṃ
th/09419/ yassete abhisambhutvā/ sa ve cātuddiso naro
th/09420/ yattha eke vihaññanti āruhanto siluccayaṃ
th/09421/ tassa buddhassa dāyādo sampajāno patissato
th/09422/ iddhibalenupatthaddho kassapo abhirūhati
th/09423/ piṇḍapātapaṭikkanto selam āruyha kassapo
th/09424/ jhāyati anupādāno pahīnabhayabheravo
th/09425/ piṇḍapātapaṭikkanto selam āruyha kassapo
th/09426/ jhāyati anupādāno ḍayhamānesu nibbuto
th/09427/ piṇḍapātapaṭikkanto selam āruyha kassapo
th/09428/ jhāyati anupādāno katakicco anāsavo
th/09501/ karerimālāvitatā bhūmibhāgā manoramā
th/09502/ kuñjarābhirudā rammā te selā ramayanti maṃ
th/09503/ nīlabbhavaṇṇā rucirā vārisītā sucindharā
th/09504/ indagopakasañchannā te selā ramayanti maṃ
th/09505/ nīlabbhakūṭasadisā kūṭāgāravarūpamā
th/09506/ vāraṇābhirudā rammā te selā ramayanti maṃ
th/09507/ abhivuṭṭhā rammatalā nagā isibhi sevitā
th/09508/ abbhunnaditā sikhīhi te selā ramayanti maṃ
th/09509/ alaṃ jhāyitukāmassa pahitattassa me sato
th/09510/ alaṃ me atthakāmassa pahitattassa bhikkhuno
th/09511/ alaṃ me phāsukāmassa pahitattassa bhikkhuno
th/09512/ alaṃ me yogakāmassa pahitattassa tādino
th/09513/ ummāpupphavasamānā gaganā vabbhachāditā
th/09514/ nānādijagaṇākiṇṇā te selā ramayanti maṃ
th/09515/ anākiṇṇā gahaṭṭhehi migasaṃghanisevitā
th/09516/ nānādijagaṇākiṇṇā te selā ramayanti maṃ
th/09517/ acchodikā
th/09518/ na pañcaṅgikena turiyena rati me hoti tādisī
th/09519/ yathā ekaggacittassa sammā dhammaṃ vipassato
th/09520/ kammaṃ bahukaṃ
th/09521/ kammaṃ bahukaṃ na kāraye/ parivajjeyya anatthaneyyam
th/09522/ etaṃ
th/09523/ kicchati kāyo kilamati/ dukkhito so samathaṃ na
th/09524/ vindati
th/09525/ oṭṭhapahatamattena attānaṃ pi na passati
th/09526/ patthaddhagīvo carati/ ahaṃ seyyoti maññati
th/09527/ aseyyo seyyasamānaṃ bālo maññati attānaṃ
th/09528/ na taṃ viññū pasaṃsanti patthaddhamanasaṃ naraṃ
th/09529/ yo ca seyyoham asmīti/ nāhaṃ seyyoti vā puna
th/09530/ hīnohaṃ sadiso vā ti vidhāsu na vikampati
th/09601/ paññavantaṃ tathāvādiṃ sīlesu susamāhitaṃ
th/09602/ cetosamathasaṃyuttaṃ tañ ca viññū pasaṃsare
th/09603/ yassa sabrahmacārīsu gāravo nūpalabbhati
th/09604/ ārakā hoti saddhammā nabhaso puthavī yathā
th/09605/ yesañ ca hiriottappaṃ sadā sammā upaṭṭhitaṃ
th/09606/ virūḷhabrahmacariyā/ tesaṃ khīṇā punabbhavā
th/09607/ uddhato capalo bhikkhu paṃsukūlena pāruto
th/09608/ kapi va sīhacammena na so tenupasobhati
th/09609/ anuddhato acapalo nipako saṃvutindriyo
th/09610/ sobhati paṃsukūlena sīho va girigabbhare
th/09611/ ete sambahulā devā iddhimanto yasassino
th/09612/ dasa devasahassāni sabbe te brahmakāyikā
th/09613/ dhammasenāpatiṃ dhīraṃ mahājhāyiṃ samāhitaṃ
th/09614/ sāriputtaṃ namassantā tiṭṭhantī pañjalīkatā
th/09615/ namo te purisājañña/ namo te purisuttama
th/09616/ yassa te nāhijānāma yaṃ pi nissāya jhāyati
th/09617/ accheraṃ vata buddhānaṃ gambhīro gocaro sako
th/09618/ ye mayaṃ nābhijānāma vālavedhī samāgatā
th/09619/ taṃ tathā devakāyehi pūjitaṃ pūjanārahaṃ
th/09620/ sāriputtaṃ tadā disvā kappinassa sitaṃ ahū
th/09621/ yāvatā buddhakhettamhi ṭhapayitvā mahāmuniṃ
th/09622/ dhutaguṇe visiṭṭhohaṃ/ sadiso me na vijjati
th/09623/ pariciṇṇo mayā satthā/ pa
th/09624/ na cīvare na sayane bhojane nupalippati
th/09625/ gotamo anappameyyo maḷālipupphaṃ vimalaṃ va ambunā
th/09626/ nikkhammaninno tibhavābhinissaṭo
th/09627/ satipaṭṭhānagīvo so saddhāhattho mahāmuni
th/09628/ paññāsīso mahāñāṇī sadā carati nibbutoti
th/09629/ mahākassapo thero
th/09630/ uddānaṃ
th/09631/ cattālīsanipātamhi mahākassapasvhayo
th/09632/ ekova thero/ gāthāyo cattālīsa duvepi cāti
th/09633/ cattālīsanipāto samatto
th/09701/ paññāsanipāto
th/09702/ kadā nuhaṃ pabbatakandarāsu ekākiyo addutiyo vihassaṃ
th/09703/ aniccato sabbabhavaṃ vipassaṃ/ taṃ me idaṃ taṃ nu kadā
th/09704/ bhavissati
th/09705/ kadā nuhaṃ bhinnapaṭandharo muni kāsāvavattho amamo
th/09706/ nirāsayo
th/09707/ rāgañ ca dosañ ca tatheva mohaṃ hantvā sukhī pavanagato
th/09708/ vihassaṃ
th/09709/ kadā aniccaṃ vadharoganīḷaṃ kāyaṃ imaṃ maccujarāyupaddutaṃ
th/09711/ vipassamāno vītabhayo vihassaṃ eko vane/ taṃ nu kadā
th/09712/ bhavissati
th/09713/ kadā nuhaṃ bhayajananiṃ dukkhāvahaṃ taṇhālataṃ
th/09714/ bahuvidhānuvattaniṃ
th/09715/ paññāmayaṃ tikhiṇaṃ asiṃ gahetvā chetvā vase/ tam pi
th/09716/ kadā bhavissati
th/09717/ kadā nu paññāmayam uggatejaṃ satthaṃ isīnaṃ sahasādiyitvā
th/09719/ māraṃ sasenaṃ sahasā bhañjissaṃ sīhāsane/ taṃ nu kadā
th/09720/ bhavissati
th/09721/ kadā nuhaṃ sabbhi samāgamesu diṭṭho bhave dhammagarūhi
th/09722/ tādihi
th/09723/ yathāvadassīhi jitindriyehi padhāniyo/ taṃ nu kadā bhavissati
th/09725/ kadā nu maṃ tandikhudāpipāsā vātātapā kīṭasiriṃsapā vā
th/09726/ nibādhayissanti na taṃ giribbaje attatthiyaṃ/ taṃ nu
th/09727/ kadā bhavissati
th/09801/ kadā nu kho yaṃ viditaṃ mahesinā cattāri saccāni
th/09802/ sududdasāni
th/09803/ samāhitatto satimā agacchaṃ paññāya taṃ/ taṃ nu kadā
th/09804/ bhavissati
th/09805/ kadā nu rūpe amite ca sadde gandhe rase phusitabbe ca
th/09806/ dhamme
th/09807/ ādittatohaṃ samathehi yutto paññāya dakkhaṃ/ tad idaṃ
th/09808/ kadā me
th/09809/ kadā nuhaṃ dubbacanena vutto tatonimittaṃ vimano na
th/09810/ hessaṃ
th/09811/ atho pasaṭṭho pi tatonimittaṃ tuṭṭho na hessaṃ/ tad idaṃ
th/09812/ kadā me
th/09813/ kadā nu kaṭṭhe ca tiṇe latā ca khandhe imehaṃ anite ca
th/09814/ dhamme
th/09815/ ajjhattikāneva ca bāhirāni ca samaṃ tuleyyaṃ/ tad idaṃ
th/09816/ kadā me
th/09817/ kadā nu maṃ pāvusakālamegho navena toyena sacīvaraṃ
th/09818/ vane
th/09819/ isippayātamhi pathe vajantaṃ ovassate/ taṃ nu kadā bhavissati
th/09821/ kadā mayūrassa sikhaṇḍino vane dijassa sutvā girigabbhare
th/09822/ rutaṃ
th/09823/ paccuṭṭhahitā amatassa pattiyā saṃcintaye/ taṃ nu kadā
th/09824/ bhavissati
th/09825/ kadā nu gaṅgaṃ yamunaṃ sarassatiṃ pātālakhittaṃ
th/09826/ baḷavāmukhañ ca
th/09827/ asajjamāno patareyyam iddhiyā vibhiṃsanaṃ/ taṃ nu
th/09828/ kadā bhavissati
th/09829/ kadā nu nāgo va saṃgāmacārī padālaye kāmaguṇesu
th/09830/ chandaṃ
th/09831/ nibbajjayaṃ sabbasubhaṃ nimittaṃ jhāne yuto/ taṃ nu
th/09832/ kadā bhavissati
th/09901/ kadā iṇaṭṭo va daḷiddako nidhiṃ ārādhayitvā dhanikehi
th/09902/ pīḷito
th/09903/ tuṭṭho bhavissaṃ adhigamma sāsanaṃ mahesino/ taṃ nu
th/09904/ kadā bhavissati
th/09905/ bahūni vassāni tayāmhi yācito/ agāravāsena alaṃ nu te
th/09906/ idaṃ
th/09907/ taṃ dāni maṃ pabbajitaṃ samānaṃ kiṃkāraṇaṃ citta
th/09908/ tuvaṃ na yuñjasi
th/09909/ nanu ahaṃ citta tayāmhi yācito/ giribbaje citrachadā
th/09910/ vihaṃgamā
th/09911/ mahindaghosatthanitābhigajjino te taṃ ramissanti vanamhi
th/09912/ jhāyinaṃ
th/09913/ kulamhi mitte ca piye ca ñātake khiḍḍāratiṃ kāmaguṇañ
th/09914/ ca loke
th/09915/ sabbaṃ pahāya idam ajjhupāgato/ atho pi tvaṃ citta na
th/09916/ mayha tussasi
th/09917/ mameva etaṃ/ na hi taṃ paresaṃ/ sannāhakāle paridevitena
th/09918/ kiṃ
th/09919/ sabbam idaṃ calaṃ iti pekkhamāno abhinikkhamiṃ amataṃ
th/09920/ padaṃ jigīsaṃ
th/09921/ suvuttavādī dvipadānam uttamo mahābhisakko naradammasārathi
th/09923/ cittaṃ calaṃ makkaṭasannibhaṃ iti avītarāgena sudunnivāriyaṃ
th/09925/ kāmā hi citrā madhurā manoramā aviddasū yattha sitā
th/09926/ puthujjanā
th/09927/ te dukkham icchanti punabbhavesino cittena nītā niraye
th/09928/ niraṃkatā
th/09929/ mayūrakoñcābhirudamhi kānane dīpīhi byagghehi purakkhato
th/09930/ vasaṃ
th/09931/ kāye apekkhaṃ jaha mā virāye/ iti ssu maṃ citta pure
th/09932/ niyuñjasi
th/10001/ bhāvehi jhānāni ca indriyāni ca balāni bojjhaṅgasamādhibhāvanā
th/10003/ tisso ca vijjā phusa buddhasāsane/ iti ssu maṃ citta pure
th/10004/ niyuñjasi
th/10005/ bhāvehi maggaṃ amatassa pattiyā niyyānikaṃ sabbadukhakkhayogadhaṃ
th/10007/ atthaṅgikaṃ sabbakilesasodhanaṃ/ iti ssu
th/10008/ dukkhan ti khandhe paṭipassa yoniso/ yato ca dukkhaṃ
th/10009/ samudeti taṃ jaha
th/10010/ idheva dukkhassa karohi antaṃ/ iti ssu
th/10011/ aniccaṃ dukkhan ti vipassa yoniso suññaṃ anattāti
th/10012/ aghaṃ vadhan ti ca
th/10013/ manovicāre uparundha cetaso/ iti ssu
th/10014/ muṇḍo virūpo abhisāpam āgato kapālahatthova kulesu
th/10015/ bhikkhasu
th/10016/ yuñjassu satthu vacane mahesino/ iti ssu
th/10017/ susaṃvutatto visikhantaraṃ caraṃ kulesu kāmesu asaṅgamānaso
th/10019/ cando yathā dosinapuṇṇamāsiyā/ iti ssu
th/10020/ āraññiko hoti ca piṇḍapātiko/ sosāniko hoti ca paṃsukūliko
th/10021/ nesajjiko hoti sadā dhute rato/ iti ssu
th/10022/ ropetvā rukkhāni yathā phalesī mūle taruṃ chettu tam
th/10023/ eva icchasi
th/10024/ tathūpamaṃ citta idaṃ karosi yaṃ maṃ aniccamhi cale
th/10025/ niyuñjasi
th/10026/ arūpa dūraṃgama ekacāri na te karissaṃ vacanaṃ idānihaṃ
th/10027/ dukkhā hi kāmā kaṭukā mahabbhayā/ nibbānam evābhimano
th/10028/ carissaṃ
th/10029/ nāhaṃ alakkhyā ahirīkatāya vā na cittahetū na ca dūrakantanā
th/10031/ ājīvahetū ca ahaṃ na nikkhamiṃ/ kato ca te citta paṭissavo
th/10032/ mayā
th/10033/ appicchatā sappurisehi vaṇṇitā makkhappahānaṃ vūpasamo
th/10034/ dukkhassa
th/10101/ iti ssu maṃ citta tadā niyuñjasi/ idāni tvaṃ gacchasi
th/10102/ pubbaciṇṇaṃ
th/10103/ taṇhaṃ avijjañ ca piyāpiyañ ca subhāni rūpāni sukhā ca
th/10104/ vedanā
th/10105/ manāpiyā kāmaguṇā ca vantā/ vante ahaṃ āgamituṃ na
th/10106/ ussahe
th/10107/ sabbattha te citta vaco kataṃ mayā/ bahūsu/ jātīsu na mesi
th/10108/ kopito
th/10109/ ajjhattasambhavo kataññutāya te/ dukkhe ciraṃ saṃsaritaṃ
th/10110/ tayā kate
th/10111/ tvañ ñeva no citta karosi brāhmaṇo tvaṃ khattiyā rājadisī
th/10112/ karosi
th/10113/ vessā ca suddā ca bhavāma ekadā/ devattanaṃ vāpi taveva
th/10114/ vāhasā
th/10115/ taveva hetū asurā bhavāmase/ tvaṃmūlakaṃ nerayikā
th/10116/ bhavāmase
th/10117/ atho tiracchānagatāpi ekadā/ petattanaṃ vāpi taveva
th/10118/ vāhasā
th/10119/ na nūna dubbhissasi maṃ punappunaṃ muhuṃ muhuṃ
th/10120/ vāraṇikaṃ va dassahaṃ
th/10121/ ummattakeneva mayā palobhasi/ kiñ cāpi te citta virādhitaṃ
th/10122/ mayā
th/10123/ idaṃ pure
th/10124/ satthā ca me lokam imaṃ adhiṭṭhahi aniccato addhuvato
th/10125/ asārato
th/10126/ pakkhanda maṃ citta jinassa sāsane/ tārehi oghā mahato
th/10127/ suduttarā
th/10128/ na te idaṃ citta yathāpurāṇakaṃ/ nāhaṃ alaṃ tuyha vase
th/10129/ nivattituṃ
th/10130/ mahesino pabbajitomhi sāsane/ na mādisā honti vināsadhārino
th/10201/ nagā samuddā saritā vasundharā disā catasso vidisā adhodisā
th/10202/ sabbe aniccā tibhavā upaddutā/ kuhiṃ gato citta sukhaṃ
th/10203/ ramissasi
th/10204/ dhī dhī paraṃ kiṃ mama citta kāhasi/ na te alaṃ citta
th/10205/ vasānuvattako
th/10206/ na jātu bhastaṃ dubhato mukhaṃ chupe/ dhir atthu pūraṃ
th/10207/ navasotasandani
th/10208/ varāhaeṇeyyavigāḷhasevite pabbhārakūṭe pakaṭeva sundare
th/10209/ navambunā pāvusasittakānane tahiṃ guhāgehagato ramissasi
th/10211/ sunīlagīvā susikhā supekhuṇā sucittapattacchadanā vihaṃgamā
th/10213/ sumañjughosatthanitābhigajjino te taṃ ramissanti vanamhi
th/10214/ jhāyinaṃ
th/10215/ vuṭṭhamhi deve caturaṅgule tiṇe sampupphite meghanibhamhi
th/10216/ kānane
th/10217/ nagantare viṭapisamo sayissaṃ/ taṃ me mudu hohiti tūlasannibhaṃ
th/10219/ tathā tu kassāmi yathāpi issaro/ yaṃ labbhatī tena pi hotu
th/10220/ me alaṃ
th/10221/ taṃ taṃ karissāmi yathā atandito biḷārabhastaṃ va yathā
th/10222/ sumadditaṃ
th/10223/ tathā tu kassāmi yathāpi issaro/ yaṃ labbhatī tena pi hotu
th/10224/ me alaṃ
th/10225/ viriyena taṃ mayha vasānayissaṃ gajaṃ va mattaṃ kusalaṅkusaggaho
th/10227/ tayā sudantena avaṭṭhitena hi hayena yoggācariyo va ujjunā
th/10228/ pahomi maggaṃ paṭipajjituṃ sivaṃ cittānurakkhīhi sadā
th/10229/ nisevitaṃ
th/10301/ ārammaṇe taṃ balasā nibandhisaṃ nāgaṃ va thambhamhi
th/10302/ daḷhāya rajjuyā
th/10303/ taṃ me suguttaṃ satiyā subhāvitaṃ anissitaṃ sabbabhavesu
th/10304/ hehisi
th/10305/ paññāya chetvā vipathānusārinaṃ yogena niggayha pathe
th/10306/ nivesiya
th/10307/ disvā samudayaṃ vibhavañ ca sambhavaṃ dāyādako hehisi
th/10308/ aggavādino
th/10309/ catubbipallāsavasaṃ adhiṭṭhitaṃ gāmaṇḍalaṃ va parinesi
th/10310/ citta maṃ
th/10311/ nanu saññojanabandhanacchidaṃ saṃsevase kāruṇikaṃ
th/10312/ mahāmuniṃ
th/10313/ migo yathā seri sucittakānane rammaṃ giriṃ pāvisi abbhaḷ
th/10314/ mālinaṃ
th/10315/ anākule tattha nage ramissasi/ asaṃsayaṃ citta parābhavissasi
th/10317/ ye tuyha chandena vasena vattino narā ca nārī ca anubhonti
th/10318/ yaṃ sukhaṃ
th/10319/ aviddasū māravasānuvattino bhavābhinandī tava citta sevakāti
th/10321/ tālapuṭo thero
th/10322/ uddānaṃ
th/10323/ paññāsamhi nipātamhi eko tālapuṭo suci
th/10324/ gāthāyo tattha paññāsa puna pañca ca uttarīti
th/10325/ paññāsanipāto samatto
th/10401/ saṭṭhikanipāto
th/10402/ āraññakā piṇḍapātikā uñchāpattāgate ratā
th/10403/ dālemu maccuno senaṃ ajjhattaṃ susamāhitā
th/10404/ āraññakā piṇḍapātikā uñchāpattāgate ratā
th/10405/ dhunāma maccuno senaṃ naḷāgāraṃ va kuñjaro
th/10406/ rukkhamūlikā sātatikā uñchāpattāgate ratā
th/10407/ dālemu/ susamāhitā
th/10408/ rukkhamūlikā sāt/ uñch/ r
th/10409/ dhunāma/ kuñjaro
th/10410/ aṭṭhikaṅkalakuṭike maṃsanhāruppasibbite
th/10411/ dhir atthu pūre duggandhe paragatte mamāyase
th/10412/ gūthabhaste taconaddhe uragaṇḍapisācini
th/10413/ nava sotāni te kāye yāni sandanti sabbadā
th/10414/ tava sarīraṃ navasotaṃ duggandhaṃ kariparibandha
th/10415/ bhikkhu parivajjayate taṃ mīḷhaṃ va yathā sucikāmo
th/10417/ evañ ce taṃ jano jaññā yathā jānāmi taṃ ahaṃ
th/10418/ ārakā parivajjeyya gūthaṭṭhānaṃ va pāvuse
th/10419/ evam etaṃ mahāvīra yathā samaṇa bhāsasi
th/10420/ ettha ceke visīdanti paṅkamhi va jaraggavo
th/10421/ ākāsamhi haliddāya yo maññetha rajetave
th/10422/ aññena vāpi raṅgena/ vighātudayam eva taṃ
th/10423/ tadākāsasamaṃ cittaṃ ajjhattaṃ susamāhitaṃ
th/10424/ mā pāpacitte āhari aggikkhandhaṃ va pakkhimā
th/10425/ passa cittakataṃ bimbam/ pa
th/10426/ tadāsi yaṃ bhiṃsanakaṃ/ tadāsi lomahaṃsanaṃ
th/10427/ anekākārasampanne sāriputtamhi nibbute
th/10501/ aniccā vata saṃkhārā/ pa
th/10502/ sukhumaṃ paṭivijjhanti vālaggam usunā yathā
th/10503/ ye pañca khandhe passanti parato no ca attato
th/10504/ ye ca passanti saṃkhāre parato no ca attato
th/10505/ paccabyādhiṃsu nipuṇaṃ vālaggaṃ usunā yathā
th/10506/ sattiyā viya omaṭṭho
th/10507/ codito bhāvitattena sarīrantimadhārinā
th/10508/ migāramātu pāsādaṃ pādaṅguṭṭhena kampayiṃ
th/10509/ na yidaṃ sithilam ārabbha na yidaṃ appena thāmasā
th/10510/ nibbānam adhigantabbaṃ sabbaganthapamocanaṃ
th/10511/ ayañ ca daharo bhikkhu/ ayam uttamaporiso
th/10512/ dhāreti antimaṃ dehaṃ jetvā māraṃ savāhanaṃ
th/10513/ vivaram anupatanti vijjutā vebhārassa ca paṇḍavassa ca
th/10514/ nagavivaragato ca jhāyati putto appaṭimassa tādino
th/10515/ upasanto uparato pantasenāsano muni
th/10516/ dāyādo buddhaseṭṭhassa brahmunā abhivandito
th/10517/ upasantaṃ uparataṃ pantasenāsanaṃ muniṃ
th/10518/ dāyādaṃ buddhaseṭṭhassa vanda brāhmaṇa kassapaṃ
th/10519/ yo ca jātisataṃ gacche sabbā brāhmaṇajātiyo
th/10520/ sotthiyo vedasampanno manussesu punappunaṃ
th/10521/ ajjhāyako pi ce assa tiṇṇaṃ vedāna pāragū
th/10522/ etassa vandanāyekaṃ kalaṃ nagghati soḷasiṃ
th/10523/ yo so aṭṭha vimokkhāni purebhattaṃ apassayi
th/10524/ anulomaṃ paṭilomaṃ/ tato piṇḍāya gacchati
th/10525/ tādisaṃ bhikkhuṃ māhari/ māttānaṃ khaṇi brāhmaṇa
th/10526/ abhippasādehi manaṃ arahantamhi tādine
th/10527/ khippaṃ pañjaliko vanda mā te vijaṭi matthakaṃ
th/10528/ na so passati saddhammaṃ saṃsārena purakkhato
th/10529/ acaṅkamaṃ jimhapathaṃ kumaggam anudhāvati
th/10530/ kimī va mīḷhasallitto saṃkhāre adhimucchito
th/10531/ pagāḷho lābhasakkāre tuccho gacchati poṭṭhilo
th/10532/ imañ ca passa āyantaṃ sāriputtaṃ sudassanaṃ
th/10533/ vimuttaṃ ubhatobhāge ajjhattaṃ susamāhitaṃ
th/10601/ visallaṃ khīṇasaṃyogaṃ tevijjaṃ maccuhāyinaṃ
th/10602/ dakkhiṇeyyaṃ manussānaṃ puññakhettam anuttaraṃ
th/10604/ ete sambahulā devā iddhimanto yasassino
th/10605/ dasa devasahassāni sabbe brahmapurohitā
th/10606/ moggallānaṃ namassantā tiṭṭhantī pañjalīkatā
th/10607/ namo te purisājañña/ namo te purisuttama
th/10608/ yassa te āsavā khīṇā/ dakkhiṇeyyosi mārisa
th/10609/ pūjito naradevena uppanno maraṇābhibhū
th/10610/ puṇḍarīkaṃ va toyena saṃkhāre nopalippati
th/10611/ yasse muhutte sahassadhā loko saṃvidito/ sa brahmakappo
th/10612/ vasī iddhiguṇe cutūpapāte kāle passati devatā sa bhikkhu
th/10614/ sāriputto va paññāya sīlena upasamena ca
th/10615/ yo pi pāraṃgato bhikkhu etāvaparamo siyā
th/10616/ koṭisatasahassassa attabhāvaṃ khaṇena nimmine
th/10617/ ahaṃ vikubbanāsu kusalo vasībhūtomhi iddhiyā
th/10618/ samādhivijjāvasi pāramīgato moggallānagotto asitassa sāsane
th/10620/ dhīro samucchindi samāhitindriyo nāgo yathā pūtilataṃ va
th/10621/ bandhanaṃ
th/10622/ pariciṇṇo
th/10623/ kīdiso nirayo āsi yattha dussī apaccatha
th/10624/ vidhuraṃ sāvakam āsajja kakusandhañ ca brāhmaṇaṃ
th/10626/ satam āsi ayosaṅkū sabbe paccattavedanā
th/10627/ īdiso nirayo āsi yattha dussī apaccatha
th/10628/ vidhuraṃ sāvakam āsajja kakusandhañ ca brāhmaṇaṃ
th/10630/ yo etam abhijānāti bhikkhu buddhassa sāvako
th/10631/ tādisaṃ bhikkhum āsajja kaṇha dukkhaṃ nigacchasi
th/10701/ majjhe sāgarasmiṃ tiṭṭhanti vimānā kappaṭṭhāyino
th/10702/ veḷuriyavaṇṇā rucirā accimanto pabhassarā
th/10703/ accharā tattha naccanti puthū nānattavaṇṇiyo
th/10704/ yo etam abhi©ª/ pa/ kaṇha dukkhaṃ nigacchasi
th/10705/ yo ve buddhena codito bhikkhusaṃghassa pekkhato
th/10706/ migāramātu pāsādaṃ pādaṅguṭṭhena kampayi
th/10707/ yo etam abhi©ª
th/10708/ yo vejayantapāsādaṃ pādaṅguṭṭhena kampayi
th/10709/ iddhibalenupatthaddho saṃvejesi ca devatā
th/10710/ yo etam abhi©ª
th/10711/ yo vejayantapāsāde sakkaṃ so paripucchati
th/10712/ api āvuso jānāsi taṇhakkhayavimuttiyo
th/10713/ tassa sakko viyākāsi pañhaṃ puṭṭho yathātathaṃ
th/10714/ yo etam abhi©ª
th/10715/ yo brahmānaṃ paripucchati sudhammāyaṃ abhitosabhaṃ
th/10716/ ajjāpi te āvuso sā diṭṭhi yā te diṭṭhi pure ahū
th/10717/ passasi vītivattantaṃ brahmaloke pabhassaraṃ
th/10718/ tassa brahmā viyākāsi pañhaṃ puṭṭho yathātathaṃ
th/10719/ na me mārisa sā diṭṭhi yā me diṭṭhi pure ahū
th/10720/ passāmi vītivattantaṃ brahmaloke pabhassaraṃ
th/10721/ soham ajja kathaṃ vajjaṃ/ ahaṃ niccomhi sassato
th/10723/ yo etam abhi©ª
th/10724/ yo mahāneruno kūṭaṃ vimokkhena apassayi
th/10725/ vanaṃ pubbavidehānaṃ ye ca bhūmisayā narā
th/10726/ yo etam abhi©ª
th/10727/ na ve aggi cetayati ahaṃ bālaṃ dahāmīti
th/10728/ bālo ca jalitam aggiṃ āsajja naṃ paḍayhati
th/10729/ evam eva tuvaṃ māra āsajja naṃ tathāgataṃ
th/10730/ sayaṃ dahissam attānaṃ bālo aggiṃ va samphusaṃ
th/10731/ apuññaṃ pasavī māro āsajja naṃ tathāgataṃ
th/10732/ kiṃ nu maññasi pāpima na me pāpaṃ vipaccati
th/10733/ karato te miyyate pāpaṃ cirarattāya antaka
th/10734/ māra nibbinda buddhamhā/ āsaṃ mā kāsi bhikkhusu
th/10801/ iti māraṃ atajjesi bhikkhu bhesakaḷāvane
th/10802/ tato so dummano yakkho tatthevantaradhāyatīti
th/10803/ itthaṃ sudaṃ āyasmā mahāmoggallāno thero gāthāyo
th/10804/ abhāsitthāti
th/10805/ uddānaṃ bhavati
th/10806/ saṭṭhikamhi nipātamhi moggallāno mahiddhiko
th/10807/ ekova thero/ gāthāyo aṭṭhasaṭṭhi bhavanti tāti
th/10808/ saṭṭhiko nipāto
th/10901/ mahānipāto
th/10902/ nikkhantaṃ vata maṃ santaṃ agārasmā anagāriyaṃ
th/10903/ vitakkā upadhāvanti pagabbhā kaṇhato ime
th/10904/ uggaputtā mahissāsā sikkhitā daḷhadhammino
th/10905/ samantā parikireyyuṃ sahassaṃ apalāyinaṃ
th/10906/ sace pi ettakā bhiyyo āgamissanti itthiyo
th/10907/ neva maṃ byādhayissanti/ dhammesv amhi patiṭṭhito
th/10909/ sakiṃ hi me sutaṃ etaṃ buddhassādiccabandhuno
th/10910/ nibbānagamanaṃ maggaṃ/ tattha me nirato mano
th/10911/ evam evaṃ viharantaṃ pāpima upagacchasi
th/10912/ tathā maccu karissāmi/ na me maggaṃ udikkhasi
th/10913/ aratiṃ ratiṃ ca pahāya sabbaso gehasitañ ca vitakkaṃ
th/10914/ vanathaṃ na kareyya kuhiñci/ nibbanathā avanatho sa hi
th/10915/ bhikkhu
th/10916/ yam idha pathaviñ ca vihāsaṃ rūpagataṃ jagatogandhaṃ
th/10917/ kiñci
th/10918/ parijiyyati sabbam aniccaṃ/ evaṃ samecca caranti muttantā
th/10920/ upadhīsu janā gandhitāse diṭṭhasute paṭighe ca mute ca
th/10921/ ettha vinodaya chandam anejo/ yo hettha na lippati muni
th/10922/ tam āhu
th/10923/ aṭṭhasaṭṭhisitā savitakkā puthujjanatāya adhammaniviṭṭhā
th/10924/ na ca vaggagatissa kuhiñci/ no pana padullagāhī sa bhikkhu
th/11001/ dabbo cirarattaṃ samāhito akuhako nipako apihālu
th/11002/ santaṃ padam ajjhagamā muni/ paṭiccaparinibbuto kaṅkhati
th/11003/ kālaṃ
th/11004/ mānaṃ pajahassu gotama mānapathañ ca jahassu asesaṃ
th/11005/ mānapathamhi samucchito vippaṭisārī hutvā cirarattaṃ
th/11007/ makkhena makkhitā pajā mānahatā nirayaṃ patanti
th/11008/ socanti janā cirarattaṃ mānahatā nirayaṃ upapannā
th/11009/ na hi socati bhikkhu kadāci maggajino sammā paṭipanno
th/11010/ kittiñ ca sukhañ ca nubhoti/ dhammadasoti tam āhu
th/11011/ tathattaṃ
th/11012/ tasmā akhilo idham amānavā nīvaraṇāni pahāya visuddho
th/11013/ mānañ ca pahāya asesaṃ vijjāyantakaro samitāvī
th/11014/ kamarāgena ḍayhāmi/ cittaṃ me pariḍayhati
th/11015/ sādhu nibbāpanaṃ brūhi anukampāya gotama
th/11016/ saññāya vipariyesā cittan te pariḍayhati
th/11017/ nimittaṃ parivajjehi subhaṃ rāgūpasaṃhitaṃ
th/11018/ asubhāya cittaṃ bhāvehi ekaggaṃ susamāhitaṃ
th/11019/ sati kāyagatā ty atthu/ nibbidābahulo bhava
th/11020/ animittañ ca bhāvehi/ mānānusayam ujjaha
th/11021/ tato mānābhisamayā upasanto carissasi
th/11022/ tam eva vācaṃ bhāseyya yāyattānaṃ na tāpaye
th/11023/ pare ca na vihiṃseyya/ sā ve vācā subhāsitā
th/11024/ piyavācam eva bhāseyya yā vācā paṭinanditā
th/11025/ yaṃ anādāya pāpāni paresaṃ bhāsate piyaṃ
th/11026/ saccaṃ ve amatā vācā/ esa dhammo sanantano
th/11027/ sacce atthe ca dhamme ca āhu santo paṭiṭṭhitā
th/11028/ yaṃ buddho bhāsatī vācaṃ khemaṃ nibbānapattiyā
th/11029/ dukkhassantakiriyāya/ sa ve vācānam uttamā
th/11030/ gambhīrapañño mehāvī maggāmaggassa kovido
th/11031/ sāriputto mahāpañño dhammaṃ deseti bhikkhunaṃ
th/11032/ saṃkhittena pi deseti vitthārena pi bhāsati
th/11033/ sālikāye va nigghoso paṭibhānaṃ udīyyati
th/11101/ tassa taṃ desayantassa suṇantā madhuraṃ giraṃ
th/11102/ sarena rajanīyena savanīyena vaggunā
th/11103/ udaggacittā muditā sotaṃ odhenti bhikkhavo
th/11104/ ajja pannarase visuddhiyā bhikkhū pañcasatā samagatā
th/11105/ saṃyojanabandhanacchidā anīghā khīṇapunabbhavā isī
th/11107/ cakkavattī yathā rājā amaccaparivārito
th/11108/ samantā anupariyeti sāgarantaṃ mahiṃ imaṃ
th/11109/ evaṃ vijitasaṃgāmaṃ satthavāhaṃ anuttaraṃ
th/11110/ sāvakā payirupāsanti tevijjā maccuhāyino
th/11111/ sabbe bhagavato puttā/ palāpo ettha na vijjati
th/11112/ taṇhāsallassa hantāraṃ vande ādiccabandhunaṃ
th/11113/ parosahassaṃ bhikkhūnaṃ sugataṃ payirupāsati
th/11114/ desentaṃ virajaṃ dhammaṃ nibbānaṃ akutobhayaṃ
th/11115/ suṇanti dhammaṃ vipulaṃ sammāsambuddhadesitaṃ
th/11116/ sobhati vata sambuddho bhikkhusaṃghapurakkhato
th/11117/ nāganāmosi bhagavā/ isīnaṃ isisattamo
th/11118/ mahāmegho va hutvāna sāvake abhivassasi
th/11119/ divāvihārā nikkhamma satthudassanakamyatā
th/11120/ sāvako te mahāvīra pāde vandati vaṅgiso
th/11121/ ummaggapathaṃ mārassa abhibhuyya carati pabhijja khilāni
th/11123/ taṃ passatha bandhanapamuñcakaraṃ asitaṃ va bhāgaso
th/11124/ pavibhajja
th/11125/ oghassa hi nittharaṇatthaṃ anekavihitaṃ maggaṃ akkhāsi
th/11126/ tasmiñ ca amate akkhāte dhammadasā ṭhitā asaṃhīrā
th/11127/ pajjotakaro ativijjha sabbaṭṭhitīnaṃ atikkamam addā
th/11128/ ñatvā ca sacchikatvā ca aggaṃ so desayi dasaddānaṃ
th/11129/ evaṃ sudesite dhamme ko pamādo vijānataṃ dhammaṃ
th/11130/ tasmā hi tassa bhagavato sāsane appamatto sadā namassam
th/11131/ anusikkhe
th/11132/ buddhānubuddho yo thero koṇḍañño tibbanikkhamo
th/11133/ lābhī sukhavihārānaṃ vivekānaṃ abhiṇhaso
th/11201/ yaṃ sāvakena pattabbaṃ satthusāsanakārinā
th/11202/ sabbassa taṃ anuppattaṃ appamattassa sikkhato
th/11203/ mahānubhāvo tevijjo cetopariyakovido
th/11204/ koṇḍañño buddhadāyādo pāde vandati satthuno
th/11205/ nāgassa passe āsīnaṃ muniṃ dukkhassa pāraguṃ
th/11206/ sāvakā pariyupāsanti tevijjā maccuhāyino
th/11207/ cetasā anupariyeti moggallāno mahiddhiko
th/11208/ cittaṃ nesaṃ samanvesaṃ vippamuttaṃ nirūpadhiṃ
th/11209/ evaṃ sabbaṅgasampannaṃ muniṃ dukkhassa pāraguṃ
th/11210/ anekākārasampannaṃ payirupāsanti gotamaṃ
th/11211/ cando yathā vigatavalāhake nabhe virocati vītamalo va
th/11212/ bhānumā
th/11213/ evam pi aṅgīrasa tvaṃ mahāmuni atirocasī yasasā sabbalokaṃ
th/11215/ kāveyyamattā vicarimha pubbe gāmā gāmaṃ purā puraṃ
th/11216/ athaddasāmi sambuddhaṃ sabbadhammāna pāraguṃ
th/11217/ so me dhammam adesesi muni dukkhassa pāragū
th/11218/ dhammaṃ sutvā pasīdimha/ saddhā no udapajjatha
th/11219/ tassāhaṃ vacanaṃ sutvā khandhe āyatanāni ca
th/11220/ dhātuyo ca viditvāna pabbajiṃ anagāriyaṃ
th/11221/ bahūnaṃ vata atthāya uppajjanti tathāgatā
th/11222/ itthīnaṃ purisānañ ca ye te sāsanakārakā
th/11223/ tesaṃ kho vata atthāya bodhiṃ ajjhagamā muni
th/11224/ bhikkhūnaṃ bhikkhunīnañ ca ye niyāmagataṃdasā
th/11225/ sudesitā cakkhumatā buddhenādiccabandhunā
th/11226/ cattāri ariyasaccāni anukampāya pāṇinaṃ
th/11227/ dukkhaṃ dukkhasamuppādaṃ dukkhassa ca atikkamaṃ
th/11228/ ariyaṭṭhaṅgikaṃ maggaṃ dukkhūpasamagāminaṃ
th/11229/ evam ete tathā vuttā/ diṭṭhā me te yathātathā
th/11230/ sadattho me anuppatto/ kataṃ buddhassa sāsanaṃ
th/11231/ svāgataṃ vata me āsi mama buddhassa santike
th/11232/ saṃvibhattesu dhammesu yaṃ seṭṭhaṃ tad upāgamiṃ
th/11233/ abhiññāpāramippatto sotadhātuvisodhito
th/11234/ tevijjo iddhippattomhi cetopariyakovido
th/11301/ pucchāmi satthāram anomapaññaṃ diṭṭheva dhamme yo
th/11302/ vicikicchānaṃ chetvā
th/11303/ aggāḷave kālam akāsi bhikkhu ñāto yasassī abhinibbutatto
th/11305/ nigrodhakappo iti tassa nāmaṃ tayā kataṃ bhagavā
th/11306/ brāhmaṇassa
th/11307/ so taṃ namassaṃ acari mutyapekho āraddhaviriyo daḷhadhammadassī
th/11309/ taṃ sāvakaṃ sakka mayam pi sabbe aññātum icchāma samantacakkhu
th/11311/ samavaṭṭhitā no savanāya sotaṃ/ tuvaṃ nu satthā tvam
th/11312/ anuttarosi
th/11313/ chindeva no vicikicchaṃ/ brūhi me taṃ/ parinibbutaṃ
th/11314/ vedaya bhūripañña
th/11315/ majjheva no bhāsa samantacakkhu sakko va devāna sahassanetto
th/11317/ ye keci gandhā idha mohamaggā aññāṇapakkhā vicikicchaṭṭhānā
th/11319/ tathāgataṃ patvā na te bhavanti/ cakkhuṃ hi etaṃ paramaṃ
th/11320/ narānaṃ
th/11321/ no ce hi jātu puriso kilese vāto yathā abbhaghanaṃ vihāne
th/11322/ tamovassa nibbuto sabbaloko/ jotimanto pi na pabhāseyyuṃ
th/11324/ dhīrā ca pajjotakarā bhavanti/ taṃ taṃ ahaṃ dhīra tatheva
th/11325/ maññe
th/11326/ vipassinaṃ jānam upāgamimha/ parisāya no āvikarohi
th/11327/ kappaṃ
th/11328/ khippaṃ giraṃ eraya vaggu vagguṃ haṃso va paggayha
th/11329/ sanikaṃ nikūjaṃ
th/11401/ bindussarena suvikappitena/ sabbeva te ujjugatā suṇoma
th/11403/ pahīnajātimaraṇaṃ asesaṃ niggayha dhonaṃ vadessāmi
th/11404/ dhammaṃ
th/11405/ na kāmakāro hi puthujjanānaṃ/ saṃkheyyakārova tathāgatānaṃ
th/11407/ sampannaveyyākaraṇaṃ tavedaṃ samujjapaññassa samuggahītaṃ
th/11409/ ayam añjali pacchimo suppaṇāmito/ mā mohayi jānam
th/11410/ anomapañña
th/11411/ parovaraṃ ariyadhammaṃ viditvā mā mohayi jānam anomaviriya
th/11413/ vāriṃ yathā ghammanighammatatto vācābhikaṅkhāmi
th/11414/ sutaṃ pavassa
th/11415/ yadatthiyaṃ brahmacariyaṃ acāri kappāyano kaccissa
th/11416/ taṃ amoghaṃ
th/11417/ nibbāyi so ādu saupādiseso/ yathā vimutto ahu taṃ suṇoma
th/11419/ acchecchi taṇhaṃ idha nāmarūpeti bhagavā/ taṇhāya sotaṃ
th/11420/ dīgharattānusayitaṃ
th/11421/ atāri jātimaraṇaṃ asesaṃ iccabravī bhagavā pañcaseṭṭho
th/11423/ esa sutvā pasīdāmi vaco te isisattama
th/11424/ amoghaṃ kira me puṭṭhaṃ/ na maṃ vañcesi brāhmaṇo
th/11426/ yathāvādī tathākārī ahū buddhassa sāvako
th/11427/ acchecchi maccuno jālaṃ tataṃ māyāvino daḷhaṃ
th/11428/ addasa bhagavā ādiṃ upādānassa kappiyo
th/11501/ accagā vata kappāyano maccudheyyaṃ suduttaraṃ
th/11502/ taṃ devadevaṃ vandāmi puttaṃ te dvipaduttama
th/11503/ anujātaṃ mahāvīraṃ nāgaṃ nāgassa orasan ti
th/11504/ itthaṃ sudaṃ āyasmā vaṅgīsotherogāthāyo abhāsitthāti
th/11506/ mahānipāto niṭṭhito
th/11507/ sattatimhi nipātamhi vaṅgīso paṭibhāṇavā
th/11508/ ekova thero/ natthañño/ gāthāyo ekasattati/ u
th/11509/ sahassaṃ honti tā gāthā tīṇi saṭṭhisatāni ca
th/11510/ therā ca dve satā saṭṭhi cattāro ca pakāsitā/ u
th/11511/ sīhanādaṃ naditvāna buddhaputtā anāsavā
th/11512/ khemantaṃ pāpuṇitvāna aggikkhandhā va nibbutāti
th/11513/ niṭṭhitā theragāthāyo
th/11701/ the therīgāthā therīgāthā
th/12303/ namo tassa bhagavato arahato sammāsambuddhassa
th/12304/ sukhaṃ supāhi therīke katvā coḷena pārutā u
th/12305/ upasanto hi te rāgo sukkhaḍākaṃ va kumbhiyaṃ
th/12306/ itthaṃ sudaṃ aññatarā therī apaññātā bhikkhunī
th/12307/ gāthaṃ abhāsitthā ti
th/12308/ mutte muccassu yogehi cando rāhuggaho iva u
th/12309/ vippamuttena cittena anaṇā bhuñjāhi piṇḍakaṃ
th/12310/ itthaṃ sudaṃ bhagavā muttaṃ sikkhamānaṃ imāya
th/12311/ gāthāya abhiṇhaṃ ovadati
th/12312/ puṇṇe pūrassu dhammehi cando pannaraseriva u
th/12313/ paripuṇṇāya paññāya tamokkhandhaṃ padālaya
th/12314/ puṇṇā
th/12315/ tisse sikkhassu sikkhāya mā taṃ yogā upaccaguṃ u
th/12316/ sabbayogavisaṃyuttā cara loke anāsavā
th/12317/ tissā
th/12318/ tisse yuñjassu dhammehi khaṇo taṃ mā upaccagā u
th/12319/ khaṇātītā hi socanti nirayamhi samappitā
th/12320/ aññatarā tissā
th/12401/ dhīre nirodhaṃ phusehi saññāvūpasamaṃ sukhaṃ u
th/12402/ ārādhayāhi nibbānaṃ yogakkhemaṃ anuttaraṃ
th/12403/ dhīrā
th/12404/ dhīrā dhīrehi dhammehi bhikkhunī bhāvitindriyā u
th/12405/ dhārehi antimaṃ dehaṃ jetvā māraṃ savāhanaṃ
th/12406/ aññatarā dhīrā
th/12407/ saddhāya pabbajitvāna mitte mittaratā bhava u
th/12408/ bhāvehi kusale dhamme yogakkhemassa pattiyā
th/12409/ mittā
th/12410/ saddhāya pabbajitvāna bhadre bhadraratā bhava u
th/12411/ bhāvehi kusale dhamme yogakkhemaṃ anuttaraṃ
th/12412/ bhadrā
th/12413/ upasame tare oghaṃ maccudheyyaṃ suduttaraṃ u
th/12414/ dhārehi antimaṃ dehaṃ jetvā māraṃ savāhanaṃ
th/12415/ upasamā
th/12416/ sumuttā sādhu mutta mhi tīhi khujjehi muttiyā u
th/12417/ udukkhalena musalena patinā khujjakena ca u
th/12418/ mutta mhi jātimaraṇā bhavanetti samūhatā
th/12419/ muttā
th/12420/ chandajātā avasāye manasā ca phuṭā siyā u
th/12421/ kāmesu appaṭibaddhacittā uddhaṃsotā ti vuccati
th/12422/ dhammadinnā
th/12423/ karotha buddhasāsanaṃ yaṃ katvā nānutappati u
th/12424/ khippaṃ pādāni dhovitvā ekamante nisīdatha
th/12425/ visākhā
th/12426/ dhātuyo dukkhato disvā mā jāti punar āgami u
th/12427/ bhave chandaṃ virājetvā upasantā carissasi
th/12428/ sumanā
th/12501/ kāyena saṃvutā āsiṃ vācāya uda cetasā u
th/12502/ samūlaṃ taṇham abbuyha sītibhūta mhi nibbutā
th/12503/ uttarā
th/12504/ sukhaṃ tvaṃ vuḍḍhike sehi katvā coḷena pārutā u
th/12505/ upasanto hi te rāgo sītibhūtā si nibbutā
th/12506/ sumanā vuḍḍhapabbajitā
th/12507/ piṇḍapātaṃ caritvāna daṇḍam olubbha dubbalā u
th/12508/ vedhamānehi gattehi tattheva nipatiṃ chamā u
th/12509/ disvā ādīnavaṃ kāye atha cittaṃ vimucci me
th/12510/ dhammā
th/12511/ hitvā ghare pabbajitvā hitvā puttaṃ pasuṃ piyaṃ u
th/12512/ hitvā rāgañ ca dosañ ca avijjañ ca virājiya u
th/12513/ samūlaṃ taṇham abbuyha upasanta mhi nibbutā
th/12514/ saṅghā
th/12515/ ekikā theriyo samattā
th/12516/ āturaṃ asuciṃ pūtiṃ passa nande samussayaṃ u
th/12517/ asubhāya cittaṃ bhāvehi ekaggaṃ susamāhitaṃ
th/12518/ animittañ ca bhāvehi mānānusayam ujjaha u
th/12519/ tato mānābhisamayā upasantā carissasi
th/12520/ itthaṃ sudaṃ bhagavā nandaṃ sikkhamānaṃ imāhi
th/12521/ gāthāhi abhiṇhaṃ ovadati
th/12522/ ye ime satta bojjhaṅgā maggā nibbānapattiyā u
th/12523/ bhāvitā te mayā sabbe yathā buddhena desitā
th/12524/ diṭṭho hi me so bhagavā antimoyaṃ samussayo u
th/12525/ vikkhīṇo jātisaṃsāro natthi dāni punabbhavo
th/12526/ jentī
th/12601/ sumuttike sumuttikā sādhu muttika mhi musalassa u
th/12602/ ahiriko me chattakaṃ vā pi ukkhalikā me daḷiddabhāvā
th/12603/ ti
th/12604/ rāgañ ca ahaṃ dosañ ca vicchindantī viharāmi u
th/12605/ sā rukkhamūlam upagamma aho sukhan ti sukhato jhāyāmi
th/12607/ aññatarā therībhikkhunī apaññātā
th/12608/ yāva kāsijanapado suṅko me tattako ahu u
th/12609/ taṃ katvā nigamo agghaṃ agghenaggahaṃ ṭhapesi
th/12610/ maṃ
th/12611/ atha nibbindahaṃ rūpe nibbindañ ca virajjahaṃ u
th/12612/ mā puna jātisaṃsāraṃ sandhāveyyaṃ punappunaṃ u
th/12613/ tisso vijjā sacchikatā kataṃ buddhassa sāsanaṃ
th/12614/ aḍḍhakāsī
th/12615/ kiñ cāpi kho mhi kisikā gilānā bāḷhadubbalā u
th/12616/ daṇḍam olubbha gacchāmi pabbataṃ abhirūhiya
th/12617/ saṃghāṭiṃ nikkhipitvāna pattakaṃ ca nikujjiya u
th/12618/ sele khambhesiṃ attānaṃ tamokkhandhaṃ padāliya
th/12619/ cittā
th/12620/ kiñ cāpi kho mhi dukkhitā dubbalā gatayobbanā u
th/12621/ daṇḍam olubbha gacchāmi pabbataṃ abhirūhiya
th/12622/ nikkhipitvāna saṃghāṭiṃ pattakaṃ ca nikujjiya u
th/12623/ nisinnā camhi selamhi atha cittaṃ vimucci me u
th/12624/ tisso vijjā anuppattā kataṃ buddhassa sāsanaṃ
th/12625/ mettikā
th/12626/ cātuddasī pañcaddasī yā ca pakkhassa aṭṭhamī u
th/12627/ pārihārikapakkhañ ca aṭṭhaṅgasusamāgataṃ u
th/12701/ uposathaṃ upagacchiṃ devakāyābhinandinī
th/12702/ sājja ekena bhattena muṇḍā saṃghāṭipārutā u
th/12703/ devakāyaṃ na patthehaṃ vineyya hadaye daraṃ
th/12704/ mittā
th/12705/ uddhaṃ pādatalā amma adho ce kesamatthakā
th/12706/ paccavekkhassumaṃ kāyaṃ asuciṃ pūtigandhikaṃ
th/12707/ evaṃ viharamānāya sabbo rāgo samūhato u
th/12708/ pariḷāho samucchinno sītibhūta mhi nibbutā
th/12709/ abhayamātā
th/12710/ abhaye bhiduro kāyo yattha sattā puthujjanā u
th/12711/ nikkhipissāmimaṃ dehaṃ saṃpajānā satīmatī
th/12712/ bahūhi dukkhadhammehi appamādaratāya me u
th/12713/ taṇhakkhayo anuppatto kataṃ buddhassa sāsanan ti
th/12714/ abhayattherī
th/12715/ catukkhattuṃ pañcakkhattuṃ vihārā upanikkhamiṃ u
th/12716/ aladdhā cetaso santiṃ citte avasavattini
th/12717/ tassā me aṭṭhamī ratti taṇhā mayhaṃ samūhatā u
th/12718/ bahūhi dukkhadhammehi appamādaratāya me u
th/12719/ taṇhakkhayo anuppatto kataṃ buddhassa sāsanaṃ
th/12720/ sāmā
th/12721/ dukanipāto
th/12722/ paṇṇavīsati vassāni yato pabbajitāya me u
th/12723/ nābhijānāmi cittassa samaṃ laddhaṃ kudācanaṃ
th/12724/ aladdhā cetaso santiṃ citte avasavattini u
th/12725/ tato saṃvegaṃ āpādiṃ saritvā jinasāsanaṃ
th/12726/ bahūhi dukkhadhammehi appamādaratāya me u
th/12727/ taṇhakkhayo anuppatto kataṃ buddhassa sāsanaṃ u
th/12801/ ajja me sattamī ratti yato taṇhā visositā
th/12802/ aññatarā sāmā
th/12803/ catukkhattuṃ pañcakkhattuṃ vihārā upanikkhamiṃ u
th/12804/ aladdhā cetaso santiṃ citte avasavattini
th/12805/ sā bhikkhuniṃ upāgacchiṃ yā me saddhāyikā ahu u
th/12806/ sā me dhammaṃ adesesi khandhāyatanadhātuyo
th/12807/ tassā dhammaṃ suṇitvāna yathā maṃ anusāsi sā u
th/12808/ sattāhaṃ ekapallaṅke nisīdiṃ pītisukhasamappitā u
th/12809/ aṭṭhamiyā pāde pasāresiṃ tamokkhandhaṃ padāliya
th/12810/ uttamā
th/12811/ ye ime satta bojjhaṅgā maggā nibbānapattiyā
th/12812/ bhāvitā te mayā sabbe yathā buddhena desitā
th/12813/ suññatassānimittassa lābhinīhaṃ yad icchitaṃ u
th/12814/ orasā dhītā buddhassa nibbānābhiratā sadā
th/12815/ sabbe kāmā samucchinnā ye dibbā ye ca mānusā u
th/12816/ vikkhīṇo jātisaṃsāro natthi dāni punabbhavo
th/12817/ aññatarā uttamā
th/12818/ divāvihārā nikkhamma gijjhakūṭamhi pabbate u
th/12819/ nāgaṃ ogāhamuttiṇṇaṃ nadītīramhi addasaṃ
th/12820/ puriso aṅkusam ādāya dehi pādan ti yācati u
th/12821/ nāgo pasārayi pādaṃ puriso nāgam āruhi
th/12822/ disvā adantaṃ damitaṃ manussānaṃ vasaṃ gataṃ u
th/12823/ tato cittaṃ samādhemi khalu tāya vanaṃ gatā
th/12824/ dantikā
th/12825/ amma jīvā ti vanamhi kandasi attānaṃ adhigaccha ubbiri/ u
th/12826/ cūḷāsītisahassāni sabbā jīvasanāmikā u
th/12827/ etamhāḷāhane daḍḍhā tāsaṃ kam anusocasi
th/12901/ abbuhi vata me sallaṃ duddasaṃ hadayanissitaṃ u
th/12902/ yaṃ me sokaparetāya dhītu sokaṃ byapānudi
th/12903/ sājja abbūḷhasallāhaṃ nicchātā parinibbutā u
th/12904/ buddhaṃ dhammañ ca saṅghañ ca upemi saraṇaṃ muniṃ
th/12905/ ubbirī
th/12906/ kiṃ me katā rājagahe manussā madhuṃ pītā va acchare u
th/12907/ ye sukkaṃ na upāsanti desentiṃ buddhasāsanaṃ
th/12908/ tañ ca appaṭivāniyaṃ asecanakam ojavaṃ u
th/12909/ pivanti maññe sappaññā valāhakam ivaddhagū
th/12910/ sukkā sukkehi dhammehi vītarāgā samāhitā u
th/12911/ dhārehi antimaṃ dehaṃ jetvā māraṃ savāhanaṃ
th/12912/ sukkā
th/12913/ natthi nissaraṇaṃ loke kiṃ vivekena kāhasi u
th/12914/ bhuñjāhi kāmaratiyo māhu pacchānutāpinī
th/12915/ sattisūlūpamā kāmā khandhānaṃ adhikuṭṭanā u
th/12916/ yaṃ tvaṃ kāmaratiṃ brūsi arati dāni sā mamaṃ
th/12917/ sabbattha vihatā nandi tamokkhandho padālito u
th/12918/ evaṃ jānāhi pāpima nihato tvam asi antaka
th/12919/ selā
th/12920/ yaṃ taṃ isīhi pattabbaṃ ṭhānaṃ durabhisaṃbhavaṃ u
th/12921/ na taṃ dvaṅgulipaññāya sakkā pappotum itthiyā
th/12922/ itthibhāvo no kiṃ kayirā cittamhi susamāhite u
th/12923/ ñāṇamhi vattamānamhi sammā dhammaṃ vipassato
th/13001/ sabbattha vihatā nandi tamokkhandho padālito u
th/13002/ evaṃ jānāhi pāpima nihato tvam asi antaka
th/13003/ somā
th/13004/ tikanipāto niṭṭhito
th/13005/ putto buddhassa dāyādo kassapo susamāhito u
th/13006/ pubbenivāsaṃ yo vedī saggāpāyañ ca passati
th/13007/ atho jātikkhayaṃ patto abhiññāvosito muni u
th/13008/ etāhi tīhi vijjāhi tevijjo hoti brāhmaṇo
th/13009/ tatheva bhaddā kapilānī tevijjā maccuhāyinī u
th/13010/ dhāreti antimaṃ dehaṃ jetvā māraṃ savāhanaṃ
th/13011/ disvā ādīnavaṃ loke ubho pabbajitā mayaṃ u
th/13012/ ty amha khīṇāsavā dantā sītibhūta mha nibbutā ti
th/13013/ bhaddā kapilānī
th/13014/ catukkanipāto niṭṭhito
th/13015/ paṇṇavīsati vassāni yato pabbajitā ahaṃ u
th/13016/ accharāsaṃghātamattaṃ pi citassupasamajjhagaṃ
th/13017/ aladdhā cetaso santiṃ kāmarāgenavassutā u
th/13018/ bāhā paggayha kandantī vihāraṃ pāvisiṃ ahaṃ
th/13019/ sā bhikkhuniṃ upāgacchiṃ yā me saddhāyikā ahu u
th/13020/ sā me dhammaṃ adesesi khandhāyatanadhātuyo
th/13021/ tassā dhammaṃ suṇitvāna ekamante upāvisiṃ u
th/13022/ pubbenivāsaṃ jānāmi dibbacakkhuṃ visodhitaṃ
th/13101/ ceto paricca ñāṇañ ca sotadhātu visodhitā u
th/13102/ iddhi pi me sacchikatā patto me āsavakkhayo u
th/13103/ cha mebhiññā sacchikatā kataṃ buddhassa sāsanaṃ
th/13104/ aññatarā bhikkhunī apaññātā
th/13105/ mattā vaṇṇena rūpena sobhaggena yasena ca u
th/13106/ yobbanena cupatthaddhā aññā samatimaññihaṃ
th/13107/ vibhūsetvā imaṃ kāyaṃ sucittaṃ bālālapanaṃ u
th/13108/ aṭṭhāsiṃ vesidvāramhi luddo pāsam ivoḍḍiya
th/13109/ pilandhanaṃ vidaṃsentī guyhaṃ pakāsikaṃ bahuṃ u
th/13110/ akāsiṃ vividhaṃ māyaṃ ujjagghantī bahuṃ janaṃ
th/13111/ sājja piṇḍaṃ caritvāna muṇḍā saṃghāṭipārutā u
th/13112/ nisinnā rukkhamūlamhi avitakkassa lābhinī
th/13113/ sabbe yogā samucchinnā ye dibbā ye ca mānusā u
th/13114/ khepetvā āsave sabbe sītibhūta mhi nibbutā
th/13115/ vimalā purāṇagaṇikā
th/13116/ ayonisomanasikārā kāmarāgena additā u
th/13117/ ahosiṃ uddhaṭā pubbe citte avasavattini
th/13118/ pariyuṭṭhitā kilesehi sukhasaññānuvattinī u
th/13119/ samaṃ cittassa nālabhiṃ rāgacittavasānugā
th/13120/ kisā paṇḍu vivaṇṇā ca satta vassāni cārihaṃ u
th/13121/ nāhaṃ divā vā rattiṃ vā sukhaṃ vindiṃ sudukkhitā
th/13122/ tato rajjuṃ gahetvāna pāvisiṃ vanamantaraṃ u
th/13123/ varaṃ me idha ubbandhaṃ yañ ca hīnaṃ punācare
th/13124/ daḷhapāsaṃ karitvāna rukkhasākhāya bandhiya u
th/13201/ pakkhipiṃ pāsaṃ gīvāyaṃ atha cittaṃ vimucci me
th/13202/ sīhā
th/13203/ āturaṃ asuciṃ pūtiṃ passa nande samussayaṃ u
th/13204/ asubhāya cittaṃ bhāvehi ekaggaṃ susamāhitaṃ
th/13205/ yathā idaṃ tathā etaṃ yathā etaṃ tathā idaṃ u
th/13206/ duggandhaṃ pūtikaṃ vāti bālānaṃ abhinanditaṃ
th/13207/ evaṃ etaṃ avekkhantī rattindivam atanditā u
th/13208/ tato sakāya paññāya abhinibbijja dakkhisaṃ
th/13209/ tassā me appamattāya vicinantiyā yoniso u
th/13210/ yathābhūtaṃ ayaṃ kāyo diṭṭho santarabāhiro
th/13211/ atha nibbindahaṃ kāye ajjhattañ ca virajjahaṃ u
th/13212/ appamattā visaṃyuttā upasanta mhi nibbutā
th/13213/ nandā
th/13214/ aggiṃ candañ ca sūriyañ ca devatā ca namassihaṃ u
th/13215/ nadītitthāni gantvāna udakaṃ oruhāmihaṃ
th/13216/ bahūvatasamādānā aḍḍhaṃ sīsassa olikhiṃ u
th/13217/ chamāya seyyaṃ kappemi rattibhattaṃ na bhuñjihaṃ
th/13218/ vibhūsamaṇḍanaratā nhāpanucchādanehi ca u
th/13219/ upakāsiṃ imaṃ kāyaṃ kāmarāgena additā
th/13220/ tato saddhaṃ labhitvāna pabbajiṃ anagāriyaṃ u
th/13221/ disvā kāyaṃ tathābhūtaṃ kāmarāgo samūhato
th/13222/ sabbe bhavā samucchinnā icchā ca patthanā pi ca u
th/13223/ sabbayogavisaṃyuttā santiṃ pāpuṇiṃ cetaso
th/13224/ nanduttarā therī
th/13225/ saddhāya pabbajitvāna agārasmā anagāriyaṃ u
th/13226/ vicarihaṃ tena tena lābhasakkāraussukā
th/13301/ riñcitvā paramaṃ atthaṃ hīnam atthaṃ asevihaṃ u
th/13302/ kilesānaṃ vasaṃ gantvā sāmaññatthaṃ nirajjihaṃ
th/13303/ tassā me ahu saṃvego nisinnāya vihārake u
th/13304/ ummaggapaṭipanna mhi taṇhāya vasam āgatā
th/13305/ appakaṃ jīvitaṃ mayhaṃ jarā byādhi ca maddati u
th/13306/ purāyaṃ bhijjati kāyo na me kālo pamajjituṃ
th/13307/ yathābhūtam apekkhantī khandhānaṃ udayabbayaṃ u
th/13308/ vimuttacittā uṭṭhāsiṃ kataṃ buddhassa sāsanaṃ
th/13309/ mittakālī
th/13310/ agārasmiṃ vasantīhaṃ dhammaṃ sutvāna bhikkhuno u
th/13311/ addasaṃ virajaṃ dhammaṃ nibbānaṃ padam accutaṃ
th/13312/ sāhaṃ puttadhītarañ ca dhanadhaññañ ca chaḍḍiya u
th/13313/ kese chedāpayitvāna pabbajiṃ anagāriyaṃ
th/13314/ sikkhamānā ahaṃ santiṃ bhāventī maggam añjasaṃ u
th/13315/ pahāsiṃ rāgadosañ ca tadekaṭṭhe ca āsave
th/13316/ bhikkhunī upasampajja pubbajātim anussariṃ u
th/13317/ dibbacakkhuṃ visodhitaṃ vimalaṃ sādhu bhāvitaṃ
th/13318/ saṅkhāre parato disvā hetujāte palokine u
th/13319/ pahāsiṃ āsave sabbe sītibhūta mhi nibbutā
th/13320/ sakulā
th/13321/ dasa putte vijāyitvā asmiṃ rūpasamussaye u
th/13322/ tatohaṃ dubbalā jiṇṇā bhikkhuniṃ upasaṅkamiṃ
th/13323/ sā me dhammam adesesi khandhāyatanadhātuyo u
th/13324/ tassā dhammaṃ suṇitvāna kese chetvāna pabbajiṃ
th/13325/ tassā me sikkhamānāya dibbacakkhuṃ visodhitaṃ u
th/13326/ pubbenivāsaṃ jānāmi yattha me vusitaṃ pure
th/13401/ animittañ ca bhāvemi ekaggā susamāhitā u
th/13402/ anantarāvimokkhāsiṃ anupādāya nibbutā
th/13403/ pañca kkhandhā pariññātā tiṭṭhanti chinnamūlakā u
th/13404/ ṭhitivatthujaneja mhi natthi dāni punabbhavo
th/13405/ soṇā
th/13406/ lūnakesī paṅkadharī ekasāṭī pure cariṃ u
th/13407/ avajje vajjamatinī vajje cāvajjadassinī
th/13408/ divāvihārā nikkhamma gijjhakūṭamhi pabbate u
th/13409/ addasaṃ virajaṃ buddhaṃ bhikkhusaṅghapurakkhataṃ
th/13411/ nihacca jānuṃ vanditvā saṃmukhā pañjali ahaṃ u
th/13412/ ehi bhadde ti avaca sā me āsūpasampadā
th/13413/ ciṇṇā aṅgā ca magadhā vajjī kāsī ca kosalā u
th/13414/ anaṇā paṇṇāsavassāni raṭṭhapiṇḍaṃ abhuñjihaṃ
th/13415/ puññaṃ ca pasaviṃ bahuṃ sappañño vatāyam upāsako u
th/13416/ yo bhaddāya cīvaram adāsi muttāya sabbagandhehi
th/13417/ bhaddā purāṇanigaṇṭhī
th/13418/ naṅgalehi kasaṃ khettaṃ bījāni pavapaṃ chamā u
th/13419/ puttadārāni posentā dhanaṃ vindanti mānavā
th/13420/ kim ahaṃ sīlasampannā satthu sāsanakārikā u
th/13421/ nibbānaṃ nādhigacchāmi akusītā anuddhaṭā
th/13422/ pāde pakkhālayitvāna udake su karomahaṃ u
th/13423/ pādodakañ ca disvāna thalato ninnam āgataṃ u
th/13424/ tato cittaṃ samādhemi assaṃ bhadraṃ va jāniyaṃ
th/13501/ tato dīpaṃ gahetvāna vihāraṃ pāvisiṃ ahaṃ u
th/13502/ seyyaṃ olokayitvāna mañcakamhi upāvisiṃ
th/13503/ tato sūciṃ gahetvāna vaṭṭiṃ okassayāmahaṃ u
th/13504/ padīpasseva nibbānaṃ vimokkho ahu cetaso
th/13505/ paṭācārā
th/13506/ musalāni gahetvāna dhaññaṃ koṭṭenti mānavā u
th/13507/ puttadārāni posentā dhanaṃ vindanti mānavā
th/13508/ karotha buddhasāsanaṃ yaṃ katvā nānutappati u
th/13509/ khippaṃ pādāni dhovitvā ekamante nisīdatha u
th/13510/ cetosamatham anuyuttā karotha buddhasāsanaṃ
th/13511/ tassā tā vacanaṃ sutvā paṭācārāya sāsanaṃ u
th/13512/ pāde pakkhālayitvāna ekamantaṃ upāvisuṃ u
th/13513/ cetosamatham anuyuttā akaṃsu buddhasāsanaṃ
th/13514/ rattiyā purime yāme pubbajātim anussaruṃ u
th/13515/ rattiyā majjhime yāme dibbacakkhuṃ visodhayuṃ u
th/13516/ rattiyā pacchime yāme tamokkhandhaṃ padālayuṃ
th/13517/ uṭṭhāya pāde vandiṃsu katā te anusāsanī u
th/13518/ indaṃ va devā tidasā saṃgāme aparājitaṃ u
th/13519/ purakkhitvā vihissāma tevijja mhā anāsavā
th/13520/ etimā tiṃsamattā therībhikkhuniyo paṭācārāya
th/13521/ santike aññaṃ byākaṃsu
th/13522/ duggatāhaṃ pure āsiṃ vidhavā ca aputtikā u
th/13523/ vinā mittehi ñātīhi bhattacoḷassa nādhigaṃ
th/13524/ pattaṃ daṇḍaṃ ca gaṇhitvā bhikkhamānā kulā kulaṃ u
th/13525/ sītuṇhena ca ḍayhantī satta vassāni cārihaṃ
th/13526/ bhikkhuniṃ puna disvāna annapānassa lābhiniṃ u
th/13527/ upasaṃkamma avocaṃ pabbajiṃ anagāriyaṃ
th/13601/ sā ca maṃ anukampāya pabbājesi paṭācārā u
th/13602/ tato maṃ ovaditvāna paramatthe niyojayi
th/13603/ tassāhaṃ vacanaṃ sutvā akāsiṃ anusāsaniṃ u
th/13604/ amogho ayyāya ovādo tevijja mhi anāsavā
th/13605/ candā
th/13606/ pañcanipāto samatto
th/13607/ yassa maggaṃ na jānāsi āgatassa gatassa vā u
th/13608/ taṃ kuto āgataṃ puttaṃ mama putto ti rodasi
th/13609/ maggaṃ ca khossa jānāsi āgatassa gatassa vā u
th/13610/ na naṃ samanusocesi evaṃdhammā hi pāṇino
th/13611/ ayācito tatogacchi ananuññāto ito gato u
th/13612/ kuto pi nūna āgantvā vasitvā katipāhakaṃ
th/13613/ ito pi aññenāgato tato aññena gacchati u
th/13614/ peto manussarūpena saṃsaranto gamissati u
th/13615/ yathāgato tathā gato kā tattha paridevanā
th/13616/ abbuhi vata me sallaṃ duddasaṃ hadayanissitaṃ u
th/13617/ yā me sokaparetāya puttasokaṃ byapānudi
th/13618/ sājja abbūḷhasallāhaṃ nicchātā parinibbutā u
th/13619/ buddhaṃ dhammañ ca saṅghañ ca upemi saraṇaṃ muniṃ
th/13621/ pañcasatā paṭācārā
th/13622/ puttasokenahaṃ aṭṭā khittacittā visaññinī u
th/13623/ naggā pakiṇṇakesī ca tena tena vicārihaṃ
th/13624/ vīthisaṅkārakūṭesu susāne rathiyāsu ca u
th/13625/ acariṃ tīṇi vassāni khuppipāsāsamappitā
th/13701/ athaddasāmi sugataṃ nagaraṃ mithilaṃ gataṃ u
th/13702/ adantānaṃ dametāraṃ sambuddham akutobhayaṃ
th/13703/ saṃ cittaṃ paṭiladdhāna vanditvāna upāvisiṃ u
th/13704/ so me dhammam adesesi anukampāya gotamo
th/13705/ tassa dhammaṃ suṇitvāna pabbajiṃ anagāriyaṃ u
th/13706/ yuñjantī satthu vacane sacchākāsiṃ padaṃ sivaṃ
th/13707/ sabbe sokā samucchinnā pahīnā etadantikā u
th/13708/ pariññātā hi me vatthū yato sokāna sambhavo
th/13709/ vāsiṭṭhī
th/13710/ daharā tuvaṃ rūpavatī ahaṃ pi daharo yuvā u
th/13711/ pañcaṅgikena turiyena ehi kheme ramāmase
th/13712/ iminā pūtikāyena āturena pabhaṅgunā u
th/13713/ addiyāmi harāyāmi kāmataṇhā samūhatā
th/13714/ sattisūlūpamā kāmā khandhānaṃ adhikuṭṭanā u
th/13715/ yaṃ tvaṃ kāmaratiṃ brūsi arati dāni sā mamaṃ
th/13716/ sabbattha vihatā nandi tamokkhandho padālito u
th/13717/ evaṃ jānāhi pāpima nihato tvam asi antaka
th/13718/ nakkhattāni namassantā aggiṃ paricaraṃ vane
th/13719/ yathābhuccaṃ ajānantā bālā suddhiṃ amaññatha
th/13720/ ahañ ca kho namassantī sambuddhaṃ purisuttamaṃ u
th/13721/ parimuttā sabbadukkhehi satthu sāsanakārikā
th/13722/ khemā
th/13723/ alaṃkatā suvasanā mālinī candanokkhitā u
th/13724/ sabbābharaṇasañchannā dāsīgaṇapurakkhatā
th/13725/ annaṃ pānaṃ ca ādāya khajjaṃ bhojjaṃ anappakaṃ u
th/13726/ gehato nikkhamitvāna uyyānam abhihārayiṃ
th/13801/ tattha ramitvā kīḷitvā āgacchantī sakaṃ gharaṃ u
th/13802/ vihāraṃ dakkhiṃ pāvisiṃ sākete añjanaṃ vanaṃ
th/13803/ disvāna lokapajjotaṃ vanditvāna upāvisiṃ u
th/13804/ so me dhammam adesesi anukampāya cakkhumā
th/13805/ sutvā ca kho mahesissa saccaṃ sampaṭivijjhahaṃ u
th/13806/ tattheva virajaṃ dhammaṃ phusayiṃ amataṃ padaṃ
th/13808/ tato viññātasaddhammā pabbajiṃ anagāriyaṃ u
th/13809/ tisso vijjā anuppattā amoghaṃ buddhasāsanaṃ
th/13810/ sujātā
th/13811/ ucce kule ahaṃ jātā bahuvitte mahaddhane u
th/13812/ vaṇṇarūpena sampannā dhītā majjhassa atrajā
th/13813/ patthitā rājaputtehi seṭṭhiputtehi gijjhitā u
th/13814/ pitu me pesayi dūtaṃ detha mayhaṃ anopamaṃ
th/13815/ yattakaṃ tulitā esā tuyhaṃ dhītā anopamā u
th/13816/ tato aṭṭhaguṇaṃ dassaṃ hiraññaṃ ratanāni ca
th/13817/ sāhaṃ disvāna sambuddhaṃ lokajeṭṭhaṃ anuttaraṃ u
th/13818/ tassa pādāni vanditvā ekamantaṃ upāvisiṃ
th/13819/ so me dhammam adesesi anukampāya gotamo u
th/13820/ nisinnā āsane tasmiṃ phusayiṃ tatiyaṃ phalaṃ
th/13821/ tato kesāni chetvāna pabbajiṃ anagāriyaṃ u
th/13822/ sājja me sattamī ratti yato taṇhā visositā
th/13823/ anopamā
th/13824/ buddha vīra namo ty atthu sabbasattānam uttama u
th/13825/ yo maṃ dukkhā pamocesi aññañ ca bahukaṃ janaṃ
th/13826/ sabbadukkhaṃ pariññātaṃ hetutaṇhā visositā u
th/13827/ ariyaṭṭhaṅgiko maggo nirodho phusito mayā
th/13901/ mātā putto pitā bhātā ayyikā ca pure ahuṃ u
th/13902/ yathābhuccam ajānantī saṃsarihaṃ anibbisaṃ
th/13903/ diṭṭho hi me so bhagavā antimoyaṃ samussayo u
th/13904/ vikkhīṇo jātisaṃsāro natthi dāni punabbhavo
th/13905/ āraddhaviriye pahitatte niccaṃ daḷhaparakkame u
th/13906/ samagge sāvake passa esā buddhāna vandanā
th/13907/ bahūnaṃ vata atthāya māyā janayi gotamaṃ u
th/13908/ byādhimaraṇatunnānaṃ dukkhakkhandhaṃ byapānudi
th/13910/ mahāpajāpatī gotamī
th/13911/ gutte yadatthaṃ pabbajjā hitvā puttaṃ samussayaṃ u
th/13912/ tam eva anubrūhehi mā cittassa vasaṃ gami
th/13913/ cittena vañcitā sattā mārassa visaye ratā u
th/13914/ anekajātisaṃsāraṃ sandhāvanti aviddasū
th/13915/ kāmacchandañ ca byāpādaṃ sakkāyadiṭṭhim eva ca u
th/13916/ sīlabbataparāmāsaṃ vicikicchañ ca pañcamaṃ
th/13917/ saṃyojanāni etāni pajahitvāna bhikkhuni u
th/13918/ orambhāgamanīyāni nayidaṃ punar ehisi
th/13919/ rāgaṃ mānaṃ avijjañ ca uddhaccañ ca vivajjiya u
th/13920/ saṃyojanāni chetvāna dukkhassantaṃ karissasi
th/13921/ khepetvā jātisaṃsāraṃ pariññāya punabbhavaṃ u
th/13922/ diṭṭheva dhamme nicchātā upasantā carissasi
th/13923/ guttā
th/13924/ catukkhatuṃ pañcakkhattuṃ vihārā upanikkhamiṃ u
th/13925/ aladdhā cetaso santiṃ citte avasavattini
th/13926/ bhikkhuniṃ upasaṅkamma sakkaccaṃ paripucchahaṃ u
th/13927/ sā me dhammam adesesi dhātuāyatanāni ca
th/14001/ cattāri ariyasaccāni indriyāni balāni ca u
th/14002/ bojjhaṅgaṭṭhaṅgikaṃ maggaṃ uttamatthassa pattiyā
th/14003/ tassāhaṃ vacanaṃ sutvā karontī anusāsaniṃ u
th/14004/ rattiyā purime yāme pubbajātim anussariṃ
th/14005/ rattiyā majjhime yāme dibbacakkhuṃ visodhayiṃ u
th/14006/ rattiyā pacchime yāme tamokkhandhaṃ padālayiṃ
th/14007/ pītisukhena ca kāyaṃ pharitvā vihariṃ tadā u
th/14008/ sattamiyā pāde pasāremi tamokkhandhaṃ padāliya
th/14009/ vijayā
th/14010/ chanipāto samatto
th/14011/ musalāni gahetvāna dhaññaṃ koṭṭenti mānavā u
th/14012/ puttadārāni posentā dhanaṃ vindanti mānavā
th/14013/ ghaṭatha buddhasāsane yaṃ katvā nānutappati u
th/14014/ khippaṃ pādāni dhovitvā ekamantaṃ nisīdatha
th/14015/ cittaṃ upaṭṭhapetvāna ekaggaṃ susamāhitaṃ u
th/14016/ paccavekkhatha saṅkhāre parato no ca attato
th/14017/ tassāhaṃ vacanaṃ sutvā paṭācārānusāsaniṃ u
th/14018/ pāde pakkhālayitvāna ekamante upāvisiṃ
th/14019/ rattiyā purime yāme pubbajātim anussariṃ u
th/14020/ rattiyā majjhime yāme dibbacakkhuṃ visodhayiṃ
th/14021/ rattiyā pacchime yāme tamokkhandhaṃ padālayiṃ/ u
th/14022/ tevijjā atha vuṭṭhāmi katā te anusāsanī
th/14023/ sakkaṃ va devā tidasā saṃgāme aparājitaṃ u
th/14024/ purakkhitvā vihissāmi tevijja mhi anāsavā
th/14025/ uttarā
th/14101/ satiṃ upaṭṭhapetvāna bhikkhunī bhāvitindriyā u
th/14102/ paṭivijjhiṃ padaṃ santaṃ saṅkhārūpasamaṃ sukhaṃ
th/14103/ kin nu uddissa muṇḍā si samaṇī viya dissasi u
th/14104/ na ca rocesi pāsaṇḍe kim idaṃ carasi momuhā
th/14105/ ito bahiddhā pāsaṇḍā diṭṭhiyo upanissitā u
th/14106/ na te dhammaṃ vijānanti na te dhammassa kovidā
th/14107/ atthi sakyakule jāto buddho appaṭipuggalo u
th/14108/ so me dhammam adesesi diṭṭhīnaṃ samatikkamaṃ
th/14109/ dukkhaṃ dukkhasamuppādaṃ dukkhassa ca atikkamaṃ u
th/14110/ ariyaṭṭhaṅgikaṃ maggaṃ dukkhūpasamagāminaṃ
th/14111/ tassāhaṃ vacanaṃ sutvā vihariṃ sāsane ratā u
th/14112/ tisso vijjā anuppattā kataṃ buddhassa sāsanaṃ
th/14113/ sabbattha vihatā nandi tamokkhandho padālito u
th/14114/ evaṃ jānāhi pāpima nihato tvam asi antaka
th/14115/ cālā
th/14116/ satīmatī cakkhumatī bhikkhunī bhāvitindriyā u
th/14117/ paṭivijjhiṃ padaṃ santaṃ akāpurisasevitaṃ
th/14118/ kiṃ nu jātiṃ na rocesi jāto kāmāni bhuñjati u
th/14119/ bhuñjāhi kāmaratiyo māhu pacchānutāpinī
th/14120/ jātassa maraṇaṃ hoti hatthapādāna chedanaṃ u
th/14121/ vadhabandhaparikilesaṃ/ jāto dukkhaṃ nigacchati
th/14122/ atthi sakyakule jāto sambuddho aparājito u
th/14123/ so me dhammam adesesi jātiyā samatikkamaṃ
th/14124/ dukkhaṃ dukkhasamuppādaṃ dukkhassa ca atikkamaṃ u
th/14125/ ariyaṭṭhaṅgikaṃ maggaṃ dukkhūpasamagāminaṃ
th/14126/ tassāhaṃ vacanaṃ sutvā vihariṃ sāsane ratā u
th/14127/ tisso vijjā anuppattā kataṃ buddhassa sāsanaṃ
th/14201/ sabbattha vihatā nandi tamokkhandho padālito u
th/14202/ evaṃ jānāhi pāpima nihato tvam asi antaka
th/14203/ upacālā
th/14204/ sattanipāto samatto
th/14205/ bhikkhunī sīlasampannā indriyesu susaṃvutā u
th/14206/ adhigacche padaṃ santaṃ asecanakam ojavaṃ
th/14207/ tāvatiṃsā ca yāmā ca tusitā cāpi devatā u
th/14208/ nimmānaratino devā ye devā vasavattino u
th/14209/ tattha cittaṃ paṇidhehi yattha te vusitaṃ pure
th/14210/ tāvatiṃsā ca yāmā ca tusitā cāpi devatā u
th/14211/ nimmānaratino devā ye devā vasavattino
th/14212/ kālaṃ kālaṃ bhavā bhavaṃ sakkāyasmiṃ purakkhatā u
th/14213/ avītivattā sakkāyaṃ jātimaraṇasārino
th/14214/ sabbo ādīpito loko sabbo loko paridīpito u
th/14215/ sabbo pajjalito loko sabbo loko pakampito
th/14216/ akampitaṃ atuliyaṃ aputhujjanasevitaṃ u
th/14217/ buddho dhammaṃ me desesi tattha me nirato mano
th/14218/ tassāhaṃ vacanaṃ sutvā vihariṃ sāsane ratā u
th/14219/ tisso vijjā anuppattā kataṃ buddhassa sāsanaṃ
th/14220/ sabbattha vihatā nandi tamokkhandho padālito u
th/14221/ evaṃ jānāhi pāpima nihato tvam asi antaka
th/14222/ sīsūpacālā
th/14223/ aṭṭhanipāto samatto
th/14224/ mā su te vaḍḍha lokamhi vanatho ahu kudācanaṃ u
th/14225/ mā puttaka punappunaṃ ahu dukkhassa bhāgimā
th/14301/ sukhaṃ hi vaḍḍha munayo anejā chinnasaṃsayā u
th/14302/ sītibhūtā damappattā viharanti anāsavā
th/14303/ tehānuciṇṇaṃ isībhi maggaṃ dassanapattiyā u
th/14304/ dukkhassantakiriyāya tvaṃ vaḍḍha anubrūhaya
th/14305/ visāradā va bhaṇasi etam atthaṃ janetti me u
th/14306/ maññāmi nūna māmike vanatho te na vijjati
th/14307/ ye keci vaḍḍha saṅkhārā hīnaukkaṭṭhamajjhimā u
th/14308/ aṇu pi aṇumatto pi vanatho me na vijjati
th/14309/ sabbe me āsavā khīṇā appamattassa jhāyato u
th/14310/ tisso vijjā anuppattā kataṃ buddhassa sāsanaṃ
th/14311/ uḷāraṃ vata me mātā patodaṃ samavassari u
th/14312/ paramatthasaññitā gāthā yathāpi anukampikā
th/14313/ tassāhaṃ vacanaṃ sutvā anusiṭṭhiṃ janettiyā u
th/14314/ dhammasaṃvegam āpādiṃ yogakkhemassa pattiyā
th/14315/ sohaṃ padhānapahitatto rattindivam atandito u
th/14316/ mātarā codito santo aphusiṃ santim uttamaṃ
th/14317/ vaḍḍhamātā
th/14318/ navanipāto samatto
th/14319/ kalyāṇamittatā muninā lokaṃ ādissa vaṇṇitā u
th/14320/ kalyāṇamitte bhajamāno api bālo paṇḍito assa
th/14321/ bhajitabbā sappurisā paññā tathā pavaḍḍhati bhajantānaṃ u
th/14322/ bhajamāno sappurise sabbehi pi dukkhehi mucceyya
th/14323/ dukkhañ ca vijāneyya dukkhassa ca samudayaṃ u
th/14324/ nirodhañ ca aṭṭhaṅgikaṃ maggaṃ cattāri ariyasaccāni
th/14401/ dukkho itthibhāvo akkhāto purisadammasārathinā u
th/14402/ sapattikaṃ pi dukkhaṃ appekaccā sakiṃ vijātāyo
th/14403/ gale apakantanti sukhumāliniyo visāni khādanti u
th/14404/ janamārakamajjhagatā ubho pi byasanāni anubhonti
th/14405/ upavijaññā gacchantī addasāhaṃ patiṃ mataṃ panthe u
th/14406/ vijāyitvāna appattāhaṃ sakaṃ gehaṃ
th/14407/ dve puttā kālaṅkatā pati ca panthe mato kapaṇikāya u
th/14408/ mātā pitā ca bhātā ca ḍayhanti ekacitakāyaṃ
th/14409/ khīṇakulīne kapaṇe anubhūtaṃ te dukkhaṃ aparimāṇaṃ u
th/14410/ assu ca te pavattaṃ bahūni jātisahassāni
th/14411/ passiṃ taṃ susānamajjhe atho pi khāditāni puttamaṃsāni u
th/14412/ hatakulikā sabbagarahitā matapatikā amatam adhigacchiṃ
th/14414/ bhāvito me maggo ariyo aṭṭhaṅgiko amatagāmī u
th/14415/ nibbānaṃ sacchikataṃ dhammādāsaṃ apekkhihaṃ
th/14416/ ahaṃ amhi kantasallā ohitabhārā kataṃ me karaṇīyaṃ u
th/14417/ kisāgotamī therī suvimuttacittā imaṃ bhaṇī ti
th/14418/ kisāgotamī
th/14419/ ekādasanipāto samatto
th/14420/ ubho mātā ca dhītā ca mayaṃ āsuṃ sapattiyo u
th/14421/ tassā me ahu saṃvego abbhuto lomahaṃsano
th/14422/ dhiratthu kāmā asucī duggandhā bahukaṇṭakā u
th/14423/ yattha mātā ca dhītā ca sabhariyā mayaṃ ahuṃ
th/14501/ kāmesv ādīnavaṃ disvā nekkhammaṃ daḷhakhemato u
th/14502/ sā pabbajiṃ rājagahe agārasmā anagāriyaṃ
th/14503/ pubbenivāsaṃ jānāmi dibbacakkhuṃ visodhitaṃ u
th/14504/ ceto paricca ñāṇañ ca sotadhātu visodhitā
th/14505/ iddhi pi me sacchikatā patto me āsavakkhayo u
th/14506/ cha me abhiññā sacchikatā kataṃ buddhassa sāsanaṃ
th/14507/ iddhiyā abhinimmitvā caturassaṃ rathaṃ ahaṃ u
th/14508/ buddhassa pāde vanditvā lokanāthassa sirīmato
th/14509/ supupphitaggaṃ upagamma pādapaṃ ekā tuvaṃ tiṭṭhasi
th/14510/ rukkhamūle u
th/14511/ na cāpi te dutiyo atthi koci na tvaṃ bāle bhāyasi dhuttakānaṃ
th/14513/ sataṃ sahassānaṃ pi dhuttakānaṃ samāgatā edisakā bhaveyyuṃ
th/14514/ u
th/14515/ lomaṃ na iñje na pi sampavedhe kiṃ me tuvaṃ māra
th/14516/ karissaseko
th/14517/ esā antaradhāyāmi kucchiṃ vā pavisāmi te u
th/14518/ bhamukantare tiṭṭhāmi tiṭṭhantiṃ maṃ na dakkhisi
th/14519/ cittamhi vasībhūtāhaṃ iddhipādā subhāvitā u
th/14520/ cha me abhiññā sacchikatā kataṃ buddhassa sāsanaṃ
th/14521/ sattisūlūpamā kāmā khandhānaṃ adhikuṭṭanā u
th/14522/ yaṃ tvaṃ kāmaratiṃ brūsi arati dāni sā mama
th/14523/ sabbattha vihatā nandi tamokkhandho padālito u
th/14524/ evaṃ jānāhi pāpima nihato tvam asi antakā ti
th/14525/ uppalavaṇṇā
th/14526/ dvādasanipāto samatto
th/14601/ udakahārī ahaṃ sīte sadā udakam otariṃ u
th/14602/ ayyānaṃ daṇḍabhayabhītā vācādosabhayadditā
th/14603/ kassa brāhmaṇa tvaṃ bhīto sadā udakam otari u
th/14604/ vedhamānehi gattehi sītaṃ vedayase bhusaṃ
th/14605/ jānantī ca tuvaṃ bhoti puṇṇike paripucchasi u
th/14606/ karontaṃ kusalaṃ kammaṃ rudhantaṃ kamma pāpakaṃ
th/14608/ yo ca vuḍḍho vā dabaro vā pāpakammaṃ pakubbati u
th/14609/ udakābhisecanā so pi pāpakammā pamuccati
th/14610/ ko nu te idam akkhāsi ajānantassa ajānato u
th/14611/ udakābhisecanā nāma pāpakammā pamuccati
th/14612/ saggaṃ nūna gamissanti sabbe maṇḍūkakacchapā u
th/14613/ nāgā ca suṃsumārā ca ye caññe udakecarā
th/14614/ orabbhikā sūkarikā macchikā migabandhakā u
th/14615/ corā ca vajjhaghātā ca ye caññe pāpakammino u
th/14616/ udakābhisecanā te pi pāpakammā pamuccare
th/14617/ sace imā nadiyo te pāpaṃ pubbekataṃ vaheyyuṃ u
th/14618/ puññaṃ pimā vaheyyuṃ tena tvaṃ paribāhiro assa
th/14619/ yassa brāhmaṇa tvaṃ bhīto sadā udakam otari u
th/14620/ tam eva brahme mā kāsi mā te sītaṃ chaviṃ hane
th/14621/ kumaggaṃ paṭipannaṃ maṃ ariyamaggaṃ samānayi u
th/14622/ udakābhisecanaṃ bhoti imaṃ sāṭaṃ dadāmi te
th/14623/ tuyheva sāṭako hotu nāham icchāmi sāṭakaṃ/ u
th/14624/ sace bhāyasi dukkhassa sace te dukkhaṃ appiyaṃ
th/14701/ mā kāsi pāpakaṃ kammaṃ āvi vā yadi vā raho/ u
th/14702/ sace ca pāpakaṃ kammaṃ karissasi karosi vā
th/14703/ na te dukkhā pamuty atthi upeccāpi palāyato/ u
th/14704/ sace bhāyasi dukkhassa sace te dukkham appiyaṃ
th/14705/ upehi buddhaṃ saraṇaṃ dhammaṃ saṅghañ ca tādinaṃ u
th/14706/ samādiyāhi sīlāni tan te atthāya hehiti
th/14707/ upemi buddhaṃ saraṇaṃ dhammaṃ saṅghañ ca tādinaṃ u
th/14708/ samādiyāmi sīlāni taṃ me atthāya hehiti
th/14709/ brahmabandhu pure āsiṃ ajjamhi saccaṃ brāhmaṇo u
th/14710/ tevijjo vedasampanno sotthiyo camhi nhātako
th/14711/ puṇṇikā
th/14712/ soḷasanipāto samatto
th/14713/ kāḷakā bhamaravaṇṇasadisā vellitaggā mama muddhajā
th/14714/ ahuṃ u
th/14715/ te jarāya sāṇavākasadisā saccavādivacanaṃ anaññathā
th/14717/ vāsito va surabhikaraṇḍako pupphapūraṃ mama uttamaṅgabhu
th/14718/ u
th/14719/ taṃ jarāya sasalomagandhikaṃ saccavādivacanaṃ anaññathā
th/14721/ kānanaṃ va sahitaṃ suropitaṃ kocchasūcivicitaggasobhitaṃ
th/14722/ u
th/14723/ taṃ jarāya viraḷaṃ tahiṃ tahiṃ saccavādivacanaṃ
th/14724/ anaññathā
th/14725/ saṇhagandhakasuvaṇṇamaṇ?taṃ sobhate su veṇihi alaṅkataṃ
th/14726/ u
th/14801/ taṃ jarāya khalati siraṃ kataṃ saccavādivacanaṃ anaññathā
th/14803/ cittakārasukatā va lekhitā sobhate su bhamukā pure mama u
th/14804/ tā jarāya valihi palambitā saccavādivacanaṃ anaññathā
th/14806/ bhassarā surucirā yathā maṇi nettāhesuṃ abhinīlamāyatā u
th/14807/ te jarāyabhihatā na sobhate saccavādivacanaṃ anaññathā
th/14809/ saṇhatuṅgasadisī ca nāsikā sobhate su abhiyobbanaṃ paṭi u
th/14810/ sā jarāya upakūlitā viya saccavādivacanaṃ anaññathā
th/14811/ kaṅkaṇaṃ va sukataṃ suniṭṭhitaṃ sobhate su mama kaṇṇapāḷiyo
th/14812/ pure u
th/14813/ tā jarāya valihi palambitā saccavādivacanaṃ anaññathā
th/14815/ pattalimakulavaṇṇasadisā sobhate su dantā pure mama u
th/14816/ te jarāya khaṇḍā yavapītakā saccavādivacanaṃ anaññathā
th/14818/ kānanasmiṃ vanasaṇḍacāriṇī kokilā va madhuraṃ nikūjitaṃ
th/14819/ u
th/14820/ taṃ jarāya khalitaṃ tahiṃ tahiṃ saccavādivacanaṃ anaññathā
th/14822/ saṇhakampurī va suppamajjitā sobhate su gīvā pure mama u
th/14823/ sā jarāya bhaggā vināsitā saccavādivacanaṃ anaññathā
th/14901/ vaṭṭapalighasadisopamā ubho sobhate su bāhā pure mama u
th/14902/ tā jarāya yathā pāṭalī dubbalikā saccavādivacanaṃ anaññathā
th/14904/ saṇhamuddikāsuvaṇṇamaṇ?tā sobhate su hatthā pure
th/14905/ mama u
th/14906/ te jarāya yathā mūlamūlikā saccavādivacanaṃ anaññathā
th/14908/ pīnavaṭṭapahituggatā ubho sobhate su thanakā pure mama u
th/14909/ te rindī va lambantenodakā saccavādivacanaṃ anaññathā
th/14911/ kañcanassa phalakaṃ va sumaṭṭhaṃ sobhate su kāyo pure
th/14912/ mama u
th/14913/ so valini sukhumāhi otato saccavādivacanaṃ anaññathā
th/14915/ nāgabhogasadisopamā ubho sobhate su ūrū pure mama u
th/14916/ te jarāya yathā veḷunāḷiyo saccavādivacanaṃ anaññathā
th/14918/ saṇhanūpurasuvaṇṇamaṇ?tā sobhate su jaṅghā pure mama u
th/14919/ tā jarāya tiladaṇḍakāriva saccavādivacanaṃ anaññathā
th/14921/ tūlapuṇṇasadisopamā ubho sobhate su pādā pure mama u
th/14922/ te jarāya phuṭikā valīmatā saccavādivacanaṃ anaññathā
th/14924/ ediso ahu ayaṃ samussayo jajjaro bahudukkhānam ālayo u
th/15001/ sopalepapatito jarāgharo saccavādivacanaṃ anaññathā
th/15003/ ambapālī
th/15004/ samaṇā ti bhoti maṃ vipassi samaṇā ti paṭibujjhasi u
th/15005/ samaṇānam eva kittesi samaṇī nūna bhavissasi
th/15006/ vipulaṃ annañ ca pānañ ca samaṇānaṃ pavecchasi u
th/15007/ rohiṇi dāni pucchāmi kena te samaṇā piyā
th/15008/ akammakāmā alasā paradattopajīvino u
th/15009/ āsaṃsukā sādukāmā kena te samaṇā piyā
th/15010/ cirassaṃ vata man tāta samaṇānaṃ paripucchasi u
th/15011/ tesaṃ te kittayissāmi paññāsīlaparakkamaṃ
th/15012/ kammakāmā analasā kammaseṭṭhassa kārakā u
th/15013/ rāgaṃ dosaṃ pajahanti tena me samaṇā piyā
th/15014/ tīṇi pāpassa mūlāni dhunanti sucikārino u
th/15015/ sabbapāpaṃ pahīnesaṃ tena me samaṇā piyā
th/15016/ kāyakammaṃ suci nesaṃ vacīkammañ ca tādisaṃ u
th/15017/ manokammaṃ suci nesaṃ tena me samaṇā piyā
th/15018/ vimalā saṃkhamuttāva suddhā santarabāhirā u
th/15019/ puṇṇā sukkāna dhammānaṃ tena me samaṇā piyā
th/15020/ bahussutā dhammaddharā ariyā dhammajīvino u
th/15021/ atthaṃ dhammañ ca desenti tena me samaṇā piyā
th/15022/ bahussutā dhammaddharā ariyā dhammajīvino u
th/15023/ ekaggacittā satimanto tena me samaṇā piyā
th/15024/ dūraṅgamā satimanto mantabhāṇī anuddhatā u
th/15025/ dukkhassantaṃ pajānanti tena me samaṇā piyā
th/15026/ yamhā gāmā pakkamanti na vilokenti kiñcanaṃ u
th/15027/ anapekkhāva gacchanti tena me samaṇā piyā
th/15101/ na te saṃ koṭṭhe osenti na kumbhiṃ na kaḷopiyaṃ u
th/15102/ pariniṭṭhitam esānā tena me samaṇā piyā
th/15103/ na te hiraññaṃ gaṇhanti na suvaṇṇaṃ na rūpiyaṃ u
th/15104/ paccuppannena yāpenti tena me samaṇā piyā
th/15105/ nānākulā pabbajitā nānājanapadehi ca u
th/15106/ aññamaññaṃ piyāyanti tena me samaṇā piyā
th/15107/ atthāya vata no bhoti kule jātā si rohiṇi u
th/15108/ saddhā buddhe ca dhamme ca saṅghe ca tibbagāravā
th/15109/ tuvaṃ hetaṃ pajānāsi puññakkhettaṃ anuttaraṃ u
th/15110/ amhaṃ pi ete samaṇā paṭigaṇhanti dakkhiṇaṃ u
th/15111/ paṭiṭṭhito hettha yañño vipulo no bhavissati
th/15112/ sace bhāyasi dukkhassa sace te dukkham appiyaṃ u
th/15113/ upehi buddhaṃ saraṇaṃ dhammaṃ saṅghañ ca tādinaṃ u
th/15114/ samādiyāhi sīlāni tan te atthāya hehiti
th/15115/ upemi buddhaṃ saraṇaṃ dhammaṃ saṅghañ ca tādinaṃ u
th/15116/ samādiyāmi sīlāni taṃ me atthāya hehiti
th/15117/ brahmabandhu pure āsiṃ so idānimhi brāhmaṇo u
th/15118/ tevijjo sotthiyo camhi vedagū camhi nhātako
th/15119/ rohiṇī
th/15120/ laṭṭhihattho pure āsiṃ so dāni migaluddako u
th/15121/ āsāya palipā ghorā nāsakkhiṃ pāram etase
th/15122/ sumattaṃ maṃ maññamānā cāpā puttam atosayi u
th/15123/ cāpāya bandhanaṃ chetvā pabbajissaṃ punomahaṃ
th/15125/ mā me kujjha mahāvīra mā me kujjha mahāmuni u
th/15126/ na hi kodhaparetassa suddhi atthi kuto tapo
th/15201/ pakkāmissañ ca nālāto kodha nālāya vacchati u
th/15202/ bandhanti itthirūpena samaṇe dhammajīvino
th/15203/ ehi kāḷa nivattassu bhuñja kāme yathā pure u
th/15204/ ahaṃ ca te vasīkatā ye ca me santi ñātakā
th/15205/ etto ceva catubbhāgaṃ yathā bhāsasi taṃ cāpe u
th/15206/ tayi rattassa posassa uḷāraṃ vata taṃ siyā
th/15207/ kāḷaṅginiṃ va takkāriṃ pupphitaṃ girimuddhani u
th/15208/ phullaṃ dālikalaṭhiṃ va antodīpe va pāṭaliṃ
th/15209/ haricandanalittaṅgiṃ kāsikuttamadhāriniṃ u
th/15210/ taṃ maṃ rūpavatiṃ santiṃ kassa ohāya gacchasi
th/15211/ sākunitikko va sakuṇiṃ yathā bandhitum icchati u
th/15212/ āharimena rūpena na maṃ tvaṃ bādhayissasi
th/15213/ imaṃ ca me puttaphalaṃ kāḷa uppāditaṃ tayā u
th/15214/ taṃ maṃ puttavatiṃ santiṃ kassa ohāya gacchasi
th/15215/ jahanti putte sappaññā tato ñātī tato dhanaṃ u
th/15216/ pabbajanti mahāvīrā nāgo chetvā va bandhanaṃ
th/15217/ idāni te imaṃ puttaṃ daṇḍena churikāya vā u
th/15218/ bhūmiyyaṃ vā nisumbheyyaṃ puttasokā na gacchasi
th/15219/ sace puttaṃ sigālānaṃ kukkurānaṃ padāhisi u
th/15220/ na maṃ puttakate jammi punar āvattayissasi
th/15221/ handa kho dāni bhaddan te kuhiṃ kāḷa gamissasi u
th/15301/ katamaṃ gāmaṃ nigamaṃ nagraṃ rājadhāniyo
th/15302/ ahumha pubbe gaṇino asamaṇā samaṇamānino u
th/15303/ gāmena gāmaṃ vicarimha nagare rājadhāniyo
th/15304/ eso hi bhagavā buddho nadiṃ nerañjaraṃ pati u
th/15305/ sabbadukkhappahānāya dhammaṃ desesi pāṇinaṃ u
th/15306/ tassāhaṃ santike gacchaṃ so me satthā bhavissati
th/15307/ vandanaṃ dāni vajjāsi lokanāthaṃ anuttaraṃ u
th/15308/ padakkhiṇañ ca katvāna ādiseyyāsi dakkhiṇaṃ
th/15309/ etaṃ kho labbham amhehi yathā bhāsasi taṃ cāpe u
th/15310/ vandanaṃ dāni te vajjaṃ lokanāthaṃ anuttaraṃ u
th/15311/ padakkhiṇañ ca katvāna ādisissāmi dakkhiṇaṃ
th/15312/ tato ca kāḷo pakkāmi nadiṃ nerañjaraṃ pati u
th/15313/ so addasāsi sambuddhaṃ desentaṃ amataṃ padaṃ
th/15314/ dukkhaṃ dukkhasamuppādaṃ dukkhassa ca atikkamaṃ u
th/15315/ ariyaṭṭhaṅgikaṃ maggaṃ dukkhūpasamagāminaṃ
th/15316/ tassa pādāni vanditvā katvāna naṃ padakkhiṇaṃ u
th/15317/ cāpāya ādisitvāna pabbaji anagāriyaṃ u
th/15318/ tisso vijjā anuppattā kataṃ buddhassa sāsanaṃ
th/15319/ cāpā
th/15320/ petāni bhoti puttāni khādamānā tuvaṃ pure u
th/15321/ tuvaṃ divā ca ratto ca atīva paritappasi
th/15322/ sājja sabbāni khāditvā satta puttāni brāhmaṇi u
th/15323/ vāseṭṭhi kena vaṇṇena na bāḷhaṃ paritappasi
th/15324/ bahūni me puttasatāni ñātisaṅghasatāni ca u
th/15325/ khāditāni atītaṃse mama tuyhañ ca brāhmaṇa
th/15326/ sāhaṃ nissaraṇaṃ ñatvā jātiyā maraṇassa ca u
th/15327/ na socāmi na rodāmi na cāhaṃ paritappāmi
th/15401/ abbhutaṃ vata vāseṭṭhi vācaṃ bhāsasi edisaṃ u
th/15402/ kassa tvaṃ dhammam aññāya giraṃ bhāsasi edisaṃ
th/15403/ esa brāhmaṇa sambuddho nagaraṃ mithilaṃ pati u
th/15404/ sabbadukkhappahānāya dhammaṃ desisi pāṇinaṃ
th/15405/ tassāhaṃ brāhmaṇa arahato dhammaṃ sutvā nirupadhiṃ u
th/15406/ tattha viññātasaddhammā puttasokaṃ byapānudiṃ
th/15407/ so ahaṃ pi gamissāmi nagaraṃ mithilaṃ pati u
th/15408/ app eva maṃ so bhagavā sabbadukkhā pamocaye
th/15409/ addasa brāhmaṇo buddhaṃ vippamuttaṃ nirupadhiṃ u
th/15410/ tassa dhammam adesesi muni dukkhassa pāragū
th/15411/ dukkhaṃ dukkhasamuppādaṃ dukkhassa ca atikkamaṃ u
th/15412/ ariyaṭṭhaṅgikaṃ maggaṃ dukkhūpasamagāminaṃ
th/15413/ tattha viññātasaddhammo pabbajjaṃ samarocayi u
th/15414/ sujāto tīhi rattīhi tisso vijjā aphassayi
th/15415/ ehi sārathi gacchāhi rathaṃ nīyādayāhimaṃ u
th/15416/ ārogyaṃ brāhmaṇiṃ vajja pabbajito dāni brāhmaṇo u
th/15417/ sujāto tīhi ratthīhi tisso vijjā aphassayi
th/15418/ tato ca ratham ādāya sahassaṃ cāpi sārathi u
th/15419/ ārogyaṃ brāhmaṇiṃ avoca pabbajito dāni brāhmaṇo u
th/15420/ sujāto tīhi rattīhi tisso vijjā aphassayi
th/15421/ etaṃ cahaṃ assarathaṃ sahassaṃ cāpi sārathi u
th/15422/ tevijjaṃ brāhmaṇaṃ sutvā puṇṇapataṃ dadāmi te
th/15423/ tumheva hotu assaratho sahassaṃ cāpi brāhmaṇi u
th/15424/ ahaṃ pi pabbajissāmi varapaññassa santike
th/15501/ hatthigavassaṃ maṇikuṇḍalañ ca phītañ cimaṃ gehavigataṃ
th/15502/ pahāya u
th/15503/ pitā pabbajjito tuyhaṃ bhuñja bhogāni sundari tuvaṃ
th/15504/ dāyādikā kule
th/15505/ hatthigavassaṃ maṇikuṇḍalañ ca rammañ cimaṃ gehavigataṃ
th/15506/ pahāya u
th/15507/ pitā pabbajito mayhaṃ puttasokena addito u
th/15508/ ahaṃ pi pabbajissāmi bhātu sokena additā
th/15509/ so te ijjhatu saṃkappo yaṃ tvaṃ patthesi sundari u
th/15510/ uttiṭṭhapiṇḍo uñcho ca paṃsukūlañ ca cīvaraṃ u
th/15511/ etāni abhisaṃbhontī paraloke anāsavā
th/15512/ sikkhamānāya me ayye dibbacakkhuṃ visodhitaṃ u
th/15513/ pubbenivāsaṃ jānāmi yattha me vusitaṃ pure
th/15514/ tuvaṃ nissāya kalyāṇi therīsaṅghassa sobhaṇe u
th/15515/ tisso vijjā anuppattā kataṃ buddhassa sāsanaṃ
th/15516/ anujānāhi me ayye icche sāvatthiṃ gantave u
th/15517/ sīhanādaṃ nadissāmi buddhaseṭṭhassa santike
th/15518/ passa sundari satthāraṃ hemavaṇṇaṃ harittacaṃ u
th/15519/ adantānaṃ dametāraṃ sambuddhaṃ akutobhayaṃ
th/15520/ passa sundariṃ āyantiṃ vippamuttaṃ nirupadhiṃ u
th/15521/ vītarāgaṃ visuṃyuttaṃ katakiccam anāsavaṃ
th/15522/ bārāṇasīto nikkhamma tava santikam āgatā u
th/15523/ sāvikā te mahāvīre pāde vandati sundarī
th/15524/ tuvaṃ/ buddho tuvaṃ satthā tuyhaṃ dhīta mhi brāhmaṇa u
th/15525/ orasā mukhato jātā katakiccā anāsavā
th/15601/ tassā te svāgataṃ bhadde tato te adurāgataṃ u
th/15602/ evaṃ hi dantā āyanti satthu pādāni vandikā u
th/15603/ vītarāgā visaṃyuttā katakiccā anāsavā
th/15604/ sundarī
th/15605/ daharāhaṃ suddhavasanā yaṃ pure dhammam asuṇiṃ u
th/15606/ tassā me appamattāya saccābhisamayo ahu
th/15607/ tatohaṃ sabbakāmesu bhūsaṃ aratim ajjhagaṃ u
th/15608/ sakkāyasmiṃ bhayaṃ disvā nekkhammaṃ yeva pihaye
th/15610/ hitvānahaṃ ñātigaṇaṃ dāsakammakarāni ca u
th/15611/ gāmakhettāni bhītāni ramaṇīye pamodite u
th/15612/ pahāyahaṃ pabbajitā sāpateyyam anappakaṃ
th/15613/ evaṃ saddhāya nikkhamma saddhamme suppavedite u
th/15614/ na me taṃ assa patirūpaṃ ākiñcaññaṃ hi patthaye u
th/15615/ yā jātarūparajataṃ ṭhapetvā punar āgame
th/15616/ rajataṃ jātarūpaṃ vā na bodhāya na santaye u
th/15617/ na etaṃ samaṇasāruppaṃ na etaṃ ariyavaḍḍhanaṃ u
th/15618/ lobhanaṃ madanaṃ cetaṃ mohanaṃ rajavaḍḍhanaṃ u
th/15619/ sāsaṅkaṃ bahuāyāsaṃ natthi cettha dhavaṃ ṭhiti
th/15620/ ettha rattā pamattā ca saṃkiliṭṭhamanā narā u
th/15621/ aññamaññena byāruddhā puthukubbanti medhagaṃ
th/15622/ vadho bandho parikeso jāni sokapariddavo u
th/15623/ kāmesu adhipannānaṃ dissate byasanaṃ bahuṃ
th/15624/ taṃ mañ ñātī amittā va kiṃ maṃ kāmesu yuñjatha u
th/15625/ jānātha maṃ babbajitaṃ kāmesu bhayadassina
th/15701/ na hiraññasuvaṇṇena parikkhīyanti āsavā u
th/15702/ amittā vadhakā kāmā sapattā sallabandhanā
th/15703/ taṃ mañ ñātī amittā va kiṃ maṃ kāmesu yuñjatha u
th/15704/ jānātha maṃ pabbajitaṃ muṇḍaṃ saṃghāṭipārutaṃ
th/15705/ uttiṭṭhapiṇḍo uñcho ca paṃsukūlañ ca cīvaraṃ u
th/15706/ etaṃ kho kho mama sāruppaṃ anagārūpanissayo
th/15707/ vantā mahesinā kāmā ye dibbā ye ca mānusā u
th/15708/ khemaṭṭhāne vimuttā te pattā te acalaṃ sukhaṃ
th/15709/ māhaṃ kāmehi saṃgacchiṃ yesu tāṇaṃ na vijjati u
th/15710/ amittā vadhakā kāmā aggikhandhūpamā dukhā
th/15711/ paripantho eso sabhayo savighāto sakaṇṭako u
th/15712/ gedho suvisamo ceso mahanto mohanāmukho
th/15713/ upasaggo bhīmarūpo cakāmā sappasirūpamā u
th/15714/ ye bālā abhinandanti andhabhūtā puthujjanā
th/15715/ kāmapaṅkasattā hi janā bahū loke aviddasū u
th/15716/ pariyantaṃ nābhijānanti jātiyā maraṇassa ca
th/15717/ duggatigamanaṃ maggaṃ manussā kāmahetukaṃ u
th/15718/ bahuṃ ve paṭipajjanti attano rogamāvahaṃ
th/15719/ evaṃ amittajananā tāpanā saṃkilesikā u
th/15720/ lokāmisā bandhanīyā kāmā maraṇabandhanā
th/15721/ ummādanā ullapanā kāmā cittapamāthino u
th/15722/ sattānaṃ saṃkilesāya khippaṃ mārena oḍḍitaṃ
th/15723/ anantādīnavā kāmā bahudukkhā mahāvisā u
th/15801/ appassādā raṇakarā sukkapakkhavisosanā
th/15802/ sāhaṃ etādisaṃ katvā byasanaṃ kāmahetukaṃ u
th/15803/ na taṃ paccāgamissāmi nibbānābhiratā sadā
th/15804/ raṇaṃ karitvā kāmānaṃ sītibhāvābhikaṅkhinī u
th/15805/ appamattā vihissāmi tesaṃ saṃyojanakkhaye
th/15806/ asokaṃ virajaṃ khemaṃ ariyaṭṭhaṅgikaṃ ujuṃ u
th/15807/ taṃ maggaṃ anugacchāmi yena tiṇṇā mahesino
th/15808/ imaṃ passatha dhammaṭṭhaṃ subbaṃ kammāradhītaraṃ u
th/15809/ anejaṃ upasampajja rukkhamūlamhi jhāyati
th/15810/ ajjaṭṭhamī pabbajitā saddhā saddhammasobhaṇā u
th/15811/ vinītā uppalavaṇṇāya tevijjā maccuhāyini
th/15812/ sāyaṃ bhujissā anaṇā bhikkhunī bhāvitindriyā u
th/15813/ sabbayogavisaṃyuttā katakiccā anāsavā
th/15814/ taṃ sakko devasaṅghena upasaṃgamma iddhiyā u
th/15815/ namassati bhūtapati subhaṃ kammāradhītaran ti
th/15816/ subhā kammāradhītā
th/15817/ vīsatinipāto samatto
th/15818/ jīvakambavanaṃ rammaṃ gacchantiṃ bhikkhuniṃ subhaṃ
th/15819/ u
th/15820/ dhuttako saṃnivāresi tam enaṃ abravī subhā
th/15821/ kiṃ te aparādhitaṃ mayā yaṃ maṃ ovariyāna tiṭṭhasi u
th/15822/ na hi pabbajitāya āvuso puriso saṃphusanāya kappati
th/15824/ garuke mama satthu sāsane yā sikkhā sugatena desitā u
th/15901/ parisuddhapadaṃ anaṅgaṇaṃ kiṃ maṃ ovariyāna tiṭṭhasi
th/15903/ āvilacitto anāvilaṃ sarajo vītarajaṃ anaṅgaṇaṃ u
th/15904/ sabbattha vimuttamānasaṃ kiṃ maṃ ovariyāna tiṭṭhasi
th/15906/ daharā ca apāpikā casi kiṃ te pabbajjā karissati u
th/15907/ nikkhipa kāsāyacīvaraṃ ehi ramāmase pupphite vane
th/15909/ madhurañ ca pavanti sabbaso kusumarajena samuddhatā
th/15910/ dumā u
th/15911/ paṭhamavasanto sukho utu ehi ramāmase pupphite vane
th/15913/ kusumitasikharā ca pādapā abhigajjanti va māluteritā u
th/15914/ kā tuyhaṃ rati bhavissati yadi ekā vanam ogāhissasi
th/15915/ vāḷamigasaṅghasevitaṃ kuñjaramattakareṇuloḷitaṃ u
th/15916/ asahāyikā gantum icchasi rahitaṃ bhīsanakaṃ mahāvanaṃ
th/15918/ tapanīyakatā va dhītikā vicarasi cittarathe va accharā u
th/15919/ kāsikasukhumehi vagguhi sobhasi vasanehinūpame
th/15920/ ahaṃ tava vasānugo siyaṃ yadi viharemasi kānanantare u
th/15921/ na hi matthi tayā piyataro pāṇo kinnarimandalocane
th/15922/ yadi me vacanaṃ karissasi sukhitā ehi agāram āvasa u
th/15923/ pāsādanivātavāsinā parikamman te karontu nāriyo
th/15924/ kāsikasukhumāni dhāraya abhiropehi ca mālavaṇṇakaṃ u
th/16001/ kañcanamaṇimuttakaṃ bahuṃ vividhaṃ ābharaṇaṃ karomi
th/16002/ te
th/16003/ sudhotarajapacchadaṃ subhaṃ gonakatūlikasantataṃ navaṃ
th/16004/ u
th/16005/ abhirūha sayanaṃ mahārahaṃ candanamaṇḍitaṃ sāragandhikaṃ
th/16007/ uppalaṃ ca udakato ubbhataṃ yathā yaṃ amanussasevitaṃ u
th/16008/ evaṃ tuvaṃ brahmacārini sakesu aṅgesu jaraṃ gamissasi
th/16010/ kin te idha sārasammataṃ kuṇapapūramhi susānavaḍḍhane u
th/16011/ bhedanadhamme kaḷevare yaṃ disvā vimano dikkhasi
th/16013/ akkhīni ca turiyāriva kinnariyāriva pabbatantare u
th/16014/ tava me nayanāni dakkhiya bhiyyo kāmarati pavaḍḍhati
th/16016/ uppalasikharopamānite vimale hāṭakasannibhe mukhe u
th/16017/ tava me nayanāni dakkhiya bhiyyo kāmaguṇo pavaḍḍhati
th/16019/ api dūragatā saremhase āyatapamhe visuddhadassane u
th/16020/ na hi matthi tayā piyatarā nayanā kinnarimandalocane
th/16022/ apathena payātum icchasi candaṃ kīḷanakaṃ gavesasi u
th/16023/ meruṃ laṅghetum icchasi yo tvaṃ buddhasutaṃ maggayasi
th/16101/ natthi hi loke sadevake rāgo yattha pi dāni me siyā u
th/16102/ na pi naṃ jānāmi kīriso atha maggena hato samūlako
th/16104/ iṅghāḷakhuyā va ujjhito visapattoriva aggato kato u
th/16105/ na pi naṃ passāmi kīriso atha maggena hato samūlako
th/16107/ yassā siyā apaccavekkhitaṃ satthā vā anusāsito siyā u
th/16108/ tvaṃ tādisikaṃ palobhaya jānantiṃ so imaṃ vihaññasi
th/16110/ mayhaṃ hi akkuṭṭhavandite sukhadukkhe ca sati upaṭṭhitā u
th/16111/ saṅkhatam asubhan ti jāniya sabbattheva mano na
th/16112/ limpati
th/16113/ sāhaṃ sugatassa sāvikā maggaṭṭhaṅgikayānayāyinī u
th/16114/ uddhaṭasallā anāsavā suññāgāragatā ramāmahaṃ
th/16115/ diṭṭhā hi mayā sucittitā sombhā dārukacillakā navā u
th/16116/ tantihi ca khīlakehi ca vinibaddhā vividhaṃ panaccitā
th/16118/ tamhuddhaṭe tantikhīlake visaṭṭhe vikale paripakkate u
th/16119/ avinde khaṇḍaso kate kimhi tattha manaṃ nivesaye
th/16120/ tathūpamaṃ dehakāni maṃ tehi dhammehi vinā na vattanti u
th/16121/ dhammehi vinā na vattanti kimhi tattha manaṃ nivesaye
th/16123/ yathā haritālena makkhitaṃ addasa cittikaṃ bhittiyā kataṃ
th/16124/ u
th/16201/ tamhi te viparītadassanaṃ paññā mānusikā niratthikā
th/16203/ māyaṃ viya aggato kataṃ supinante vasuvaṇṇapādapaṃ u
th/16204/ upadhāvasi andha rittakaṃ janamajjheriva rupparūpakaṃ
th/16206/ vaṭṭaniriva koṭarohitā majjhebubbuḷakā sāssukā u
th/16207/ pīḷikoḷikā cettha jāyati vividhā cakkhuvidhāva piṇḍitā
th/16209/ uppāṭiya cārudassanā na ca pajjittha asaṅgamānasā u
th/16210/ handa te cakkhuṃ harassu taṃ tassa narassa adāsi tāvade
th/16212/ tassa ca viramāsi tāvade rāgo tattha khamāpayi ca naṃ u
th/16213/ sotthi siyā brahmacārini na puno edisakaṃ bhavissati
th/16214/ āhaniya edisaṃ janaṃ aggiṃ pajjalitaṃ va liṅgiya u
th/16215/ gaṇhissaṃ āsīvisaṃ viya api nu sotthi siyā khamehi no
th/16217/ muttā ca tato sā bhikkhunī agami buddhavarassa santikaṃ u
th/16218/ passiya varapuññalakkhaṇaṃ cakkhu āsi yathāpurāṇakan
th/16219/ ti
th/16220/ subhā jīvakambavanikā
th/16221/ tiṃsanipāto samatto
th/16222/ nagaramhi kusumanāme pāṭaliputtamhi pathaviyā u
th/16223/ maṇḍe sakyakulakulīnāyo dve bhikkhuniyo guṇavatiyo
th/16301/ isidāsī tattha ekā dutiyā bodhī ti sīlasampannā ca u
th/16302/ jhānajjhāyanaratāyo bahussutāyo dhutakilesāyo
th/16303/ tā piṇḍāya caritvā bhattatthaṃ kariya dhotapattāyo u
th/16304/ rahitamhi sukhanisinnā imā girā abbhudīresuṃ
th/16305/ pāsādikāsi ayye isidāsi vayo pi te aparihīno u
th/16306/ kiṃ disvāna valikaṃ athāsi nekkhammam anuyuttā
th/16307/ evam anuyuñjamānā sā rahite dhammadesanākusalā u
th/16308/ isidāsī idaṃ vacanam abravi suṇa bodhi yathāmhi pabbajitā
th/16310/ ujjeniyā puravare mayhaṃ pitā sīlasaṃvuto seṭṭhi u
th/16311/ tassamhi ekā dhītā piyā manāpā dayitā ca
th/16312/ atha me sāketato varako āgacchi uttamakulīno u
th/16313/ seṭṭhi bahutaratano tassa maṃ suṇhaṃ adāsi tāto
th/16314/ sassuyā sassurassa ca sāyaṃ pātaṃ paṇāmam upagamma u
th/16315/ sirasā karomi pāde vandāmi yathāmhi anusiṭṭhā
th/16316/ yā mayhaṃ sāmikassa bhaginiyo bhātuno parijano
th/16317/ taṃ ekavārakaṃ pi disvā ubbiggā āsanaṃ demi
th/16318/ annena pānena ca khajjena ca yaṃ ca tattha sannihitaṃ u
th/16319/ chādemi upanayāmi ca demi c ayaṃ yassa patirūpaṃ
th/16320/ kālena uṭṭhahitvā gharaṃ samupagamiṃ u
th/16321/ ummāradhotahatthapādā pañjalikā sāmikam upemi
th/16322/ kocchaṃ pasādaṃ añjanañ ca ādāsakañ ca gaṇhitvā u
th/16401/ parikammakārikā viya sayam eva patiṃ vibhūsemi
th/16402/ sayam eva odanaṃ sādhayāmi sayam eva bhājanaṃ dhoviṃ u
th/16403/ mātā va ekaputtakaṃ tathā bhattāraṃ paricarāmi
th/16404/ evaṃ maṃ bhattikataṃ anuttaraṃ kārikaṃ taṃ nihatamānaṃ
th/16405/ u
th/16406/ uṭṭhāyikaṃ analasaṃ sīlavatiṃ dussate bhattā
th/16407/ so mātarañ ca pitarañ ca bhaṇati āpucchāhaṃ gamissāmi u
th/16408/ isidāsiyā na saha vacchaṃ ekāgārehaṃ sahavatthuṃ
th/16409/ mā evaṃ putta avaca isidāsī paṇḍitā paribyattā u
th/16410/ uṭṭhāyikā analasā kiṃ tuyhaṃ na rocate putta
th/16411/ na ca me hiṃsati kiñci na cāhaṃ isidāsiyā saha vacchaṃ u
th/16412/ dessāva me alaṃ me āpucchāhaṃ gamissāmi
th/16413/ tassa vacanaṃ suṇitvā sassū sassuro ca me apucchiṃsu u
th/16414/ kissa tayā aparaddhaṃ bhaṇa vissatthā yathābhūtaṃ
th/16415/ na pihaṃ aparajjhaṃ kiñci na pi hiṃseva na gaṇāmi u
th/16416/ dubbacanaṃ kiṃ sakkā kātuye yaṃ maṃ videssate bhattā
th/16418/ te maṃ pitu gharaṃ paṭi nayiṃsu vimanā dukkhena u
th/16419/ avibhūtā puttam anurakkhamānā jināmhase rūpiniṃ
th/16420/ lacchiṃ
th/16421/ atha maṃ adāsi tāto aḍḍhassa gharamhi dutiyakulikassa u
th/16422/ tato upaḍḍhasuṅkena yena maṃ vindatha seṭṭhi
th/16423/ tassa pi gharamhi māsaṃ avasiṃ atha so pi maṃ paṭicchati u
th/16501/ dāsī va upaṭṭhahantiṃ adūsikaṃ sīlasampannaṃ
th/16502/ bhikkhāya ca vicarantaṃ damakaṃ dantaṃ me pitā bhaṇati u
th/16503/ so hi si me jāmātā nikkhipa pontiñ ca ghaṭikañ ca
th/16504/ so pi vasitvā pakkhaṃ atha tātaṃ bhaṇati dehi me u
th/16505/ pontiṃ ghaṭikañ ca mallakañ ca puna pi bhikkhaṃ carissāmi
th/16507/ atha naṃ bhaṇati tāto ammā sabbo ca me ñātigaṇavaggo u
th/16508/ kiṃ te na karati idha bhaṇa khippaṃ yan ti karihiti
th/16509/ evaṃ bhaṇito bhaṇati yadi me attā sakkoti alaṃ mayhaṃ u
th/16510/ isidāsiyā na vacchaṃ ekagharehaṃ sahavatthuṃ
th/16511/ visajjito gato so ahaṃ pi ekākinī vicintemi u
th/16512/ āpucchitūna gacchaṃ marituye pabbajissaṃ vā
th/16513/ atha ayyā jinadattā āgacchi gocarāya caramānā u
th/16514/ tātakulaṃ vinayadharī bahussutā sīlasampannā
th/16515/ taṃ disvāna amhākaṃ uṭṭhāyāsanaṃ tassā paññāpayiṃ u
th/16516/ nisinnāya ca pāde vanditvā bhojanam adāsiṃ
th/16517/ annena ca pānena ca khajjena ca yañ ca tattha sannihitaṃ u
th/16518/ santappayitvā avacaṃ ayye icchāmi pabbajituṃ
th/16519/ atha maṃ bhaṇati tāto idheva puttaka carāhi taṃ
th/16520/ dhammaṃ u
th/16521/ annena ca pānena ca tappaya samaṇe dvijātī ca
th/16522/ athāhaṃ bhaṇāmi tātaṃ rodantī añjaliṃ paṇāmetvā u
th/16523/ pāpaṃ hi may pakataṃ kammaṃ taṃ nijjaressāmi
th/16601/ atha maṃ bhaṇati tāto pāpuṇa bodhiñ ca aggadhammañ ca/ u
th/16602/ nibbānañ ca labhassu yaṃ sacchikari dvipadaseṭṭho
th/16603/ mātāpitū abhivādayitvā sabbañ ca ñātigaṇavaggaṃ u
th/16604/ sattāhaṃ pabbajitā tisso vijjā aphassayiṃ
th/16605/ jānāmi attano satta jātiyo yassā yaṃ phalaṃ vipāko u
th/16606/ taṃ tava ācikkhissaṃ taṃ ekamanā nisāmehi
th/16607/ nagaramhi erakakacche suvaṇṇakāro ahaṃ bahutadhano u
th/16608/ yobbanamadena matto so paradāraṃ āsevihaṃ
th/16609/ sohaṃ tato cavitvā nirayamhi apaccisaṃ ciraṃ u
th/16610/ pakko tato ca uṭṭhahitvā makkaṭiyā kucchim okkamiṃ
th/16611/ sattāhaṃ jātakammaṃ mahākapi yūthapo nillacchesi u
th/16612/ tassetaṃ kammaphalaṃ yathā pi gantvāna paradāraṃ
th/16614/ sohaṃ tato cavitvā kālaṃ karitvā sindhavāraññe u
th/16615/ kāṇāya ca khañjāya ca eḷakiyā kucchim okkamiṃ
th/16616/ dvādasavassāni ahaṃ nillacchito dārake parivahitvā u
th/16617/ kiminā vaṭṭo akallo yathā pi gantvāna paradāraṃ
th/16618/ sohaṃ tato cavitvā govāṇijakassa gāviyā jāto u
th/16619/ vaccho lākhātambo nillacchito dvādase māse
th/16620/ te puna naṅgalam ahaṃ sakaṭaṃ ca dhārayāmi u
th/16621/ andho vaṭṭo akallo yathā pi gantvāna paradāraṃ
th/16622/ sohaṃ tato cavitvā vīthiyā dāsiyā ghare jāto u
th/16623/ neva mahiḷā na puriso yathā pi gantvāna paradāraṃ
th/16701/ tiṃsativassamhi mato sākaṭikakulamhi dārikā jātā u
th/16702/ kapaṇamhi appabhoge dhanikapurisapātabahulamhi
th/16703/ taṃ maṃ tato satthavāho ussannāya vipulāya vaḍḍhiyā u
th/16704/ okaḍḍhati vilapantiṃ acchinditvā kulagharassa
th/16705/ atha soḷasame vasse disvāna maṃ pattayobbanaṃ u
th/16706/ kaññaṃ oruddha tassa putto giridāso nāma nāmena
th/16707/ tassa pi aññā bhariyā sīlavatī guṇavatī yasavatī ca u
th/16708/ anurattā bhattāraṃ tassāhaṃ viddesanam akāsiṃ
th/16709/ tassetaṃ kammaphalaṃ yaṃ maṃ apakaritūna gacchanti u
th/16710/ dāsī va upaṭṭhahantiṃ tassa pi anto kato mayā ti
th/16711/ isidāsī
th/16712/ cattālīsanipāto samatto
th/16713/ mantāvatiyā nagare rañño koñcassa aggamahesiyā u
th/16714/ dhītā āsi sumedhā pāsādikā sāsanakarehi
th/16715/ sīlavatī cittakathikā bahussutā buddhasāsane vinītā u
th/16716/ mātāpitaro upagamma bhaṇati ubhayo nisāmetha
th/16717/ nibbānābhiratā ahaṃ asassataṃ bhavagataṃ yadi pi dibbaṃ u
th/16718/ kim aṅga pana tucchā kāmā appassādā bahuvighātā
th/16719/ kāmā kaṭukā āsīvisūpamā yesu mucchitā bālā u
th/16720/ te dīgharattaṃ niraye samappitā haññante dukkhitā
th/16721/ socanti pāpakammā vinipāte pāpabuddhino u
th/16722/ sadā kāyena vācāya ca manasā ca asaṃvutā bālā
th/16723/ bālā te duppaññā acetanā dukkhasamudayoruddhā u
th/16724/ desente ajānantā na bujjhare ariyasaccāni
th/16801/ saccāni amma buddhavaradesitāni te bahutarā ajānantā u
th/16802/ ye abhinandanti bhavagataṃ pihanti devesu upapattiṃ
th/16804/ devedu pi upapatti asassatā bhavagate aniccamhi u
th/16805/ na ca santasanti bālā punappunaṃ jāyitabbassa
th/16806/ cattāro vinipātā dve ca gatiyo kathañci labbhanti u
th/16807/ na ca vinipātagatānaṃ pabbajjā atthi nirayesu
th/16808/ anujānātha maṃ ubhayo pabbajituṃ dasabalassa pāvacane u
th/16809/ appossukkā ghaṭissaṃ jātimaraṇappahānāya
th/16810/ kiṃ bhavagatena abhinanditena kāyakalinā asārena u
th/16811/ bhavataṇhāya nirodhā anujānātha pabbajissāmi
th/16812/ buddhānaṃ uppādo vivajjito akkhaṇo khaṇo laddho u
th/16813/ sīlāni brahmacariyaṃ yāvajīvaṃ na dūseyyaṃ
th/16814/ evaṃ bhaṇati sumedhā mātāpitaro na tāva āhāraṃ u
th/16815/ āhariya gahaṭṭhā maraṇavasaṃ gatāva hessāmi
th/16816/ mātā dukkhitā rodati pitā ca assā sabbaso samabhisāto u
th/16817/ ghaṭenti saññāpetuṃ pāsādatale chamā patitaṃ
th/16818/ uṭṭhehi puttaka kiṃ socitena dinnā si vāraṇavatimhi u
th/16819/ rājā anikaratto abhirūpo tassa tvaṃ dinnā
th/16820/ aggamahesī bhavissasi anikarattassa rājino bhariyā u
th/16821/ sīlāni brahmacariyaṃ pabbajjā dukkarā puttaka
th/16822/ rajje āṇā dhanam issariyaṃ bhogā sukhā daharikā pi u
th/16823/ bhuñjāhi kāmabhoge vāreyyaṃ hotu te putta
th/16824/ atha ne bhaṇati sumedhā mā edisakāni bhavagataṃ asāraṃ u
th/16825/ pabbajjā vā hohiti maraṇaṃ vā tena ceva vāreyyaṃ
th/16901/ kim iva pūtikāyam asuciṃ savanagandhaṃ bhayānakaṃ u
th/16902/ kuṇapaṃ abhisaṃviseyyaṃ gattaṃ sakipaggharitaṃ asucipuṇṇaṃ
th/16904/ kim iva tāhaṃ jānantī vikūlakaṃ maṃsasoṇitapalittaṃ u
th/16905/ kimikulālayaṃ sakuṇabhattaṃ kaḷevaraṃ kissa diyyatī
th/16906/ ti
th/16907/ nibbuyhati susānaṃ aciraṃ kāyo apetaviññāṇo u
th/16908/ chuṭṭho kaliṅgaraṃ viya jigucchamānehi ñātīhi
th/16909/ chaḍḍūna naṃ susāne parabhattaṃ nhāyanti jigucchantā u
th/16910/ niyakā mātāpitaro kiṃ pana sādhāraṇā janatā
th/16911/ ajjhositā asāre kaḷevare aṭṭhinhārusaṃghāte u
th/16912/ kheḷassumucchāssavaparipuṇṇe pūtikāyamhi
th/16913/ yo naṃ vinibbhujitvā abbhantaram assa bāhiraṃ kayirā u
th/16914/ gandhassa asahamānā sakā pi mātā jiguccheyya
th/16915/ khandhadhātuāyatanaṃ saṅkhataṃ jātimūlakaṃ u
th/16916/ dukkhaṃ yoniso aruciṃ bhaṇanti vāreyyaṃ kissa iccheyyaṃ
th/16918/ divase divase tī sattisatāni navanavā pateyyuṃ kāyamhi u
th/16919/ vassasataṃ pi ca ghāto seyyo dukkhassa ceva khayo
th/16920/ ajjhupagacche ghātaṃ yo viññū evaṃ satthuno vacanaṃ u
th/16921/ dīgho tesaṃ saṃsāro punappunaṃ haññamānānaṃ
th/16922/ devesu manussesu ca tiracchānayoniyā asurakāye u
th/17001/ petesu ca nirayesu ca aparimitā dīyante ghātā
th/17002/ nirayyesu bahū vinipātagatassa kilissamānassa u
th/17003/ devesu pi attaṇaṃ nibānasukhā paraṃ natthi
th/17004/ pattā te nibbānaṃ ye yuttā dasabalassa pāvacane u
th/17005/ appossukkā ghaṭenti jātimaraṇappahānāya
th/17006/ ajjeva tāta abhinikkhamissaṃ bhogehi kiṃ asārehi u
th/17007/ nibbiṇṇā me kāmā vantasamā tālāvatthukatā
th/17008/ sā cevaṃ bhaṇati pitaraṃ anikaratto ca yassa dinnā u
th/17009/ upayāsi pītaruṇāvuto vāreyyaṃ upaṭṭhite kāle
th/17010/ atha asitanicitamuduke kese khaggena chindiya u
th/17011/ sumedhā pāsādaṃ pidhatvā paṭhamajjhānaṃ samāpajji
th/17013/ sā ca tahiṃ samāpannā anikaratto ca āgato nagaraṃ u
th/17014/ pāsādeva sumedhā aniccasaññā su bhāveti
th/17015/ sā ca manasikaroti anikaratto ca āruhi turitaṃ u
th/17016/ maṇikanakabhūsitaṅgo katañjali yācati sumedhaṃ
th/17017/ rajje āṇā dhanam issariyaṃ bhogā sukhā daharikā pi u
th/17018/ bhuñjāhi kāmabhoge kāmasukhā sudullabhā loke
th/17019/ nisaṭṭhaṃ te rajjaṃ bhoge bhuñjassu dehi dānāni u
th/17020/ mā dummanā ahosi mātāpitaro te dukkhitā
th/17021/ tan taṃ bhaṇati sumedhā kāmehi anatthikā vigatamohā u
th/17022/ mā kāme abhinandi kāmesv ādīnavaṃ passa
th/17023/ cātuddīpo rājā mandhātā āsi kāmabhoginaṃ aggo u
th/17101/ atitto kālaṅkato na cassa paripūritā icchā
th/17102/ satta ratanāni vasseyya vuṭṭhimā dasadisā samantena u
th/17103/ na catthi titti kāmānaṃ atittāva maranti narā
th/17104/ asisūlūpamā kāmā kāmā sappasiropamā u
th/17105/ ukkopamā anudahanti aṭṭhikaṅkālasannibhā
th/17106/ aniccā addhuvā kāmā bahudukkhā mahāvisā u
th/17107/ ayoguḷo va santatto aghamūlā dukkhapphalā
th/17108/ rukkhapphalūpamā kāmā maṃsapesūpamā dukhā u
th/17109/ supinopamā vañcaniyā kāmā yācitakūpamā
th/17110/ sattisūlūpamā kāmā rogo gaṇḍo aghaṃ nighaṃ u
th/17111/ aṅgārakāsusadisā aghamūlaṃ bhayaṃ vadho
th/17112/ evaṃ bahudukkhā kāmā akkhātā antarāyikā u
th/17113/ gacchatha na me bhavagate vissāso atthi attano
th/17114/ kiṃ mama paro karissati attano sīsamhi ḍayhamānamhi u
th/17115/ anubandhe jarāmaraṇe tassa ghātāya ghaṭitabbaṃ
th/17116/ dvāraṃ apāpuṇitvānayaṃ mātāpitaro anikarattañ ca u
th/17117/ disvāna chamaṃ nisinne rodante idam avoca
th/17118/ dīgho bālānaṃ saṃsāro punappunaṃ ca rodataṃ u
th/17119/ anamatagge pitu maraṇe bhātu vadhe attano ca vadhe
th/17120/ assu thaññaṃ rudhiraṃ saṃsāraṃ anamataggato saratha u
th/17121/ sattānaṃ saṃsaritaṃ sarāhi aṭṭhīnañ ca sannicayaṃ
th/17122/ sara caturodadhī upanīte assuthaññarudhiramhi u
th/17123/ sara ekakappam aṭṭhīnaṃ sañcayaṃ vipulena samaṃ
th/17201/ anamatagge saṃsarato mahiṃ jambudīpam upanītaṃ u
th/17202/ kolaṭṭhimattaguḷikā mātāpitusv eva na ppahonti
th/17203/ sara tiṇakaṭṭhaṃ sākhāpalāsaṃ upanītaṃ anamataggato u
th/17204/ pitusu caturaṅgulikā ghaṭikā pitupitusv eva na ppahonit
th/17206/ sara kāṇakacchapaṃ pubbe samudde aparato ca yugacchiddaṃ
th/17207/ u
th/17208/ siraṃ tassa ca paṭimukkaṃ manussalābhamhi opammaṃ
th/17210/ sara rūpaṃ phenapiṇḍopamassa kāyakalino asārassa u
th/17211/ khandhe passa anicce sarāhi niraye bahuvighāte
th/17212/ sara kaṭasiṃ vaḍḍhente punappunaṃ tāsu tāsu jātīsu u
th/17213/ sara kumbhilabhayāni ca sarāhi cattāri saccāni
th/17214/ amatamhi vijjamāne kin tava pañcakaṭukena pītena u
th/17215/ sabbā hi kāmaratiyo kaṭukatarā pañcakaṭukena
th/17216/ amatamhi vijjamāne kin tava kāmehi ye pariḷāhā u
th/17217/ sabbā hi kāmaratiyo jalitā kuthitā kupitā santāpitā
th/17218/ asapattamhi samāne kin tava kāmehi ye bahusapattā u
th/17219/ rājaggicoraudakappiyehi sādhāraṇā kāmā bahusapattā
th/17220/ mokkhamhi vijjamāne kin tava kāmehi yesu vaḍhabandho u
th/17221/ kāmesu hi vadhabandho kāmakāmā dukkhāni anubhoni
th/17301/ ādīpitā tiṇukkā gaṇhantaṃ dahanti neva muñcantaṃ u
th/17302/ ukkopamā hi kāmā dahanti ye te na muñcanti
th/17303/ mā appakassa hetu kāmasukhassa vipulaṃ jahi sukhaṃ u
th/17304/ mā puthulomo va baḷisaṃ giḷitvā pacchā vihaññasi
th/17305/ kāmaṃ kāmesu damassu tāva sunakho va saṅkhalāboddho u
th/17306/ khāhinti khu taṃ kāmā chātā sunakhaṃ va caṇḍālā
th/17307/ aparimitañ ca sukkhaṃ bahūni ca cittadomanassāni u
th/17308/ anubhohisi kāmesu yutto paṭinissaja addhuve kāme
th/17309/ ajaramhi vijjamāne kin tava kāmehi ye sujarā u
th/17310/ maraṇabyādhigahitā sabbā sabbattha jātiyo
th/17311/ idam ajaram idam amaraṃ idam ajarāmaraṇapadam asokaṃ u
th/17312/ asapattam asambādhaṃ akhalitam abhayaṃ nirupatāpaṃ
th/17314/ adhigatam idaṃ bahūhi amataṃ ajjāpi ca labhanīyam
th/17315/ idaṃ u
th/17316/ yo yoniso payuñjati na ca sakkā aghaṭamānena
th/17317/ evaṃ bhaṇati sumedhā saṅkhāragate ratiṃ alabhamānā u
th/17318/ anunentī anikarattaṃ keseva chamaṃ chupi sumedhā
th/17320/ uṭṭhāya anikaratto pañjaliko yāci tassā pitaraṃ so u
th/17321/ vissajjethā sumedhaṃ pabbajituṃ vimokkhasaccadassā
th/17323/ vissajjitvā mātāpitūhi pabbaji sokabhayabhītā u
th/17324/ cha abhiññā sacchikatā aggaphalaṃ sikkhamānāya
th/17401/ acchariyam abbhutan taṃ nibbānaṃ āsi rājakaññāya u
th/17402/ pubbenivāsacaritaṃ yathā byākari pacchime kāle
th/17403/ bhagavati koṇāgamane saṃghārāmamhi navanivesamhi u
th/17404/ sakhiyo tīṇi janiyo vihāradānaṃ adāsimhā
th/17405/ dasakkhattuṃ satakkhattuṃ dasasatakkhattuṃ satāni ca
th/17406/ satakkhattuṃ u
th/17407/ devesu upapajjimhā ko pana vādo manussesu
th/17408/ devesu mahiddhikā ahumhā manussakamhi ko pana vādo u
th/17409/ sattaratanassa mahesī itthiratanaṃ ahaṃ āsiṃ
th/17410/ so hetu so pabhavo taṃ mūlaṃ satthu sāsane khanti u
th/17411/ taṃ paṭhamasamodhānaṃ taṃ dhammaratāya nibbānaṃ
th/17413/ evaṃ kathenti ye saddahanti vacanaṃ anomapaññassa u
th/17414/ nibbindanti bhavagate nibbinditvā virajjantī ti
th/17415/ sumedhā
th/17416/ mahānipāto samatto
th/17417/ samattā theriyā gāthāyo
'초기불교' 카테고리의 다른 글
| 승가정신의 핵심은 무엇인가? (0) | 2022.05.15 |
|---|---|
| 출가 비구 250계 사분율 (0) | 2022.03.24 |
| 만약 형상으로 나를 보거나 -장로게469번 (0) | 2021.12.19 |
| Aniccasaññā sutta (0) | 2021.12.08 |
| 라따나경(Ratana sutta, Sn2:1) (0) | 2021.12.03 |
